投資心法

2010/02/23 22:14:42 網誌分類: 財經

23 Feb

華爾街著名基金經理彼得‧林治 (Peter Lynch) 總結股神巴菲特的成功因素時說：「他作為投資者是有紀律、耐性、彈性、勇氣、自信、果斷這六項優點。」這是成功投資者的性格。林治知道投資之道，單有能力是不足以言成功的，還要鍛鍊執行能力的性格。

股神做投資，首先是發掘價值，找出物有所值的項目，然後等廉價才買入，堅持這樣做就叫紀律，等待需要耐性，彈性是給予紀律寬鬆的定義，即有時不必等「平到笑」，只要「唔貴」就可以了。勇氣、自信和果斷則是前三者達標就勇往直前。

幻想自己有世界級水平是不設實際的，但每個人總有一些強項；很明顯，如果要刻意培養，林治所講那些性格是可以具備的。

以上內容節錄自劉創楚教授的文章，跟大家分享。雖然巴菲特是長線價值投資者，但這些心理素質是每個投資者都應該擁有的。

回應 (102)

我要發表

2010/02/28 23:08:31 回覆

yesyes,

good night!!!

2010/02/28 23:06:41 回覆

{#1422379.gif}

2010/02/28 23:05:02 回覆

意大利涼粉？點樣咖？係咪好似意大利粉咁長條型？

2010/02/28 23:02:28 回覆

未呀,剛剛見到豆獎湯圓好想食,

但最終都叫左另一個招牌甜品,

薑汁意大利涼粉,好好味!!!!!

2010/02/28 23:00:00 回覆

安仔：食咗湯圓未？又話今年元宵節嘅月亮係 50 年來最大、最圓，但香港就乜都睇唔到，又潮濕、又大霧！

2010/02/28 22:39:02 回覆

我現在好想洗頭,

但太夜了,

洗左唔洗瞓啦!!!!

幪面馬仔 2010/02/28 00:06:01 回覆

11點攪掂啦。你知我頭髮多，難乾，早D洗完，吹多幾次。

2010/02/27 23:49:36 回覆

ｈｅｌｌｏ　馬仔，　洗左頭未？　我睇完黑執事先洗，　依家要去睇　ｔｖ了。

幪面馬仔 2010/02/27 23:39:46 回覆

BoBo

I agreed with you.喺男女通殺呀.

2010/02/27 23:32:49 回覆

ｓｏｈｏ　低低ｂ　師兄，　真係受歡迎，　係頭條殺手　！ ${#icons_panda4}$

2010/02/27 22:32:53 回覆

Soho 兄 : C兄有見地的主觀推測, 信幾多成都好, 後果梗係要自負喇!

如100%準, 還有人返工, C兄豬籠入水了.... ${#icono_1}$

2010/02/27 21:14:02 回覆

豪仔：我覺得除非大市氣氛極度向好，否則大鱷唔會喺現貨市場搵食；期指如果有 1,000 點好和味，利用外圍消息一個月做兩、三舖簡單利落，好過喺現貨市場攪咁多嘢。

而家咁嘅環境俾佢上到 21000 又如何？咪俾大家高位減持，先沽後買，唔使扮蟹；短線我仍然等兩萬點樓下或 19423 再出現，因為我唔覺得大市會突然戲劇性轉好，由現位升多一千點。

花姐：361 度 6.35 雙頂回落，跌穿埋中軸 5.77，唔多靚仔；如果唔可以快快上番 5.77 樓上怕要喺 5.10 雙底做多個三底。飲茶啫，唔使等發咗，真係發咗就唔止飲茶咁簡單！

光仔：現在大市向上嘅值搏率較向下低，向上暫時睇俾多佢 300 點好未？但向下最少有 6 - 800 點。

花姐 2010/02/27 09:44:58 回覆

光光有賺錢先有茶飲,等大家發左飲茶去!

2010/02/27 09:30:55 回覆

早晨各位;寶寶明白喇!等候時機...佢話 10%上落就ok.花姐飲茶記得call 我呀!個間酒家好好食.....! 主席我等面青等咗好耐喇!

花姐 2010/02/27 07:42:23 回覆

《主席, 我喱係舅父仔同花姐既床下底偷聽到佢地話買左車咖! 各位唔好誤會, 係分開兩間屋, 兩張床, 唔係同一張床.》不斷翻睇內容終於尋到寶,屎soho

開錯邊瓣,柄埋我床底好危險啵,容乜易比你睇到唔應該睇既秘密,今晚要用殺蟲劑和老鼠板整頓吓！175第一次蝕住走,昨日3.88賺住走。

2689打和走,早知市仲去,忍下先,

soho唔早提示罰你俾隻必賺股俾我,

唔使柄牀底,我手上有1361以為業績好沖入佢艇左,

主席點睇好驚似331,一沉彈唔起！

星期四去了如心廣場網聚那家飲茶食物好但沒人氣

容易搵位,BOBOFOX請我飲茶就去依間,我去比較近！

元宵節快樂

2010/02/27 02:15:26 回覆

KI, 你最近3 次實戰成績如何, 列出來, 大家傾下!

有無去我家幫手掃塵架?

包 2010/02/27 01:09:58 回覆

hi~all~今日好。

我唔知買咩好~所以無買到貨~我想萬九買一注,HAH~

2010/02/27 01:06:49 回覆

低低b ,

唔知點解, 我唔識講出自己0既觀點 (低b是我至０岩, 不過唔想同你跟p仔爭寵嘛 , 係米好識為朋友著想hehe),

要你一點點列出，　我先識一點點講出黎，（天生性格只係識列表同列點，　真係怪狐狸　） ${#icons_panda14}$

soho* 2010/02/27 00:53:20 回覆

寶寶龜, 我寫咁大堆野亂up一通就係想引狐狸出洞噢! 拋磚引玉呢噢!

你冇搞錯, 的確係3月8日起生效, 不過以往都係早一個交易日就大執位做野咖喇!

2010/02/27 00:21:20 回覆

低低b , 好彩有你, 我抄功課d 字太肉酸, 3月5 寫到好似3月8 ,

唔係你提醒我又發呆啦~~ 些些~~多謝你的資料 !

仲有多謝你知我係一隻蝦, 打我個名都會同顏色, 實在無言感激 !

國指我無反, 因為莊好集中, 實太難搵食~~以下各點搭訕 :

~ 過去幾日港股收市位都刻意企係重要位置, 引散戶企錯邊造淡.... 唔係引一邊而係反覆上落左右各打一巴似的~

~ 破大位通常試多幾次就會成功, 我仍然睇恒指會上破 20800....之前期指轉倉日, 兩個大位係20700同2萬邊, 但係今次轉邊邊唔知點解我仲係3有一種死都要忍唔買期指的感覺??

~ 工.中.建行在250天線有買盤支持, 代表港股跌唔落~~但係成交不足不配合形成足夠見底支持, 唔知係米心理質素定盤在5-5.2才入, 故此覺得此位不是很穩陣~~

~ 權重股匯控.中移仍處強勢, 對港股有支持作用

假期前年#5 的call 輪已經大增所以先入#5 , 但今天被摩笛吹一吹, 想唔等業績公佈走人, 可惜今日諗諗下已經在發呆中收市了, 不知下星期仍否可在86.x 食糊??

光仔, 團拜個日你問0既妹妹基金, 現水位不是長持好時機 , 等等吧 !錢暫時放一放, 不會像安安的天花發霉的~~

soho* 2010/02/26 23:45:44 回覆

隻民生銀行激屎我, 早排根據 [簿仔法] $7.6 可能已見底, 諗住入貨搏得過, 佢係大跌日收 $7.48, 轉頭已經彈番上黎, 連升六日, 今日收報 $8.09, 追唔到, 唉! 我竟然忘記左佢3月8日加入國指成份股, 抵打!

中信泰富大跌日收 $16.48, 當晚做功課決定入貨, 點知下一個交易日就飆上 $17.14, 跟住就唔肯落去 $17 樓下喇! 雖然美匯指數仲企係 80 樓上, 但係我覺得近排資源商品板塊已築底, 慢慢回升中.

睇番中石化.民生銀行.吉仔.soho中國...... 我領悟到一個道理, 當股份在低位徘徊跌唔落, 就要入定貨, 然後等收成.

今晚想早d豬豬, 唔做功課住喇! 初步睇我覺得近排有心人係度震倉收貨, 似係想造上.

~ 現時恒指企係尷尬位, 走勢隨時會逆轉, 一個消息就可以令大市爆邊, 上定落就要視乎係利好定係利淡消息, 不過匯控派咁多花紅俾高層, 斷估業績唔會好差. (廢話!)

~ 過去幾日港股收市位都刻意企係重要位置, 引散戶企錯邊造淡

~ 國指早前持續弱於恒指, 拖低大市, 但近日已有轉強跡象, 資源商品造好, 美匯回軟, 均利好股市

~ 破大位通常試多幾次就會成功, 我仍然睇恒指會上破 20800, 但係再向上就阻力重重, 大鱷推升只係為左派貨, 要企穩有難度, 加上美匯指數係高位徘徊, 唔知幾時爆上82, 股市就大鑊.

~ 大鱷將恒指由低位 19423 推番上黎, 冇理由食1000點咁少就收手

~ 下周三內地召開兩會, 對港股有刺激作用

~ 工.中.建行在250天線有買盤支持, 代表港股跌唔落, 但係政策始終不利內銀股, 所以反彈仍欠動力, 不過我相信下跌水位不會有太多, 要留意3月5日成份股大執位

~ 權重股匯控.中移仍處強勢, 對港股有支持作用, 但仁 Sir 話佢地周五都同時出現見頂轉勢訊號, 如果呢兩隻領漲股未能進一步向上, 代表港股亦要回頭.

~ 油價回落, 但油股唔肯跌, 代表有買盤吸納

~ 近日消息利好本地地產股, 地產板塊造好, 對港股有支持作用

~ 近日人民幣強勢, 利好內房板塊, 內房股見底回升, 慢慢湧緊上黎, 打壓政策並沒有再進一步推低股價

~ 短炒搏港股可破頂, 每逢大市大幅回調都是吸納良機, 如對後市缺乏信心, 每逢大市反彈就要減倉

~ 下周上市企業陸續公布業績, 大鱷可借勢舞高弄低, 大家要靈活走位, 市況會十分波動, 要特別留意周一匯控出業績後大鱷開邊瓣

~ 下周五成份股大執位, 加上當晚美國公布非農業新增職位及失業率數字, 大家要早作部署

~ 諗下先, 待續......

以上純屬 soho 主觀推測, 信兩成好喇! 否則後果自負. ${#icono_85}$

2010/02/26 23:16:54 回覆

{#0834423.gif}

2010/02/26 23:16:08 回覆

名仔：冷氣費貴，但遇到又熱又潮濕，人又熱啲衫又唔乾，惟有開冷氣！

2010/02/26 23:11:53 回覆

主席 : 未試過用冷氣機乾衣, 似乎冷氣電費貴的.

2010/02/26 22:59:31 回覆

舅父仔：泰富睇實 18.08 呢個頸線阻力位。

我怕凍，但更怕熱，未過正月十五已經成 26 度，點算啊？

2010/02/26 22:51:12 回覆

名仔：冷氣都得咖，啲衫好快乾。

2010/02/26 22:38:47 回覆

吉仔支持位上移到3.65，企穩 3.94 試 4.25 和 4.50 兩個阻力，如果反覆上破呢兩個位就靚靚。

我一向有寫低恆指每日走勢，諗吓不如每個星期擺上嚟方便日後查閱。有乜用？唔同時段有唔同作用，例如目前 20800 好大阻力，睇吓能否突破，定還是始終在 1,000 至 1,300 點波幅內上上落落。只係用我自己嘅方法解讀，冇乜根據。

國指我冇做紀錄。

2010/02/26 22:16:15 回覆

主席及各網友晚安 : 抽濕機更可用來乾衣服呢....

Persie 2010/02/26 22:15:30 回覆

soho: 你做乜喱係我個床下底阿？污糟架，快D上番黎啦。你聽D唔聽D，我隻吉仔好貴架，要成$4.15，但我估下週可鬆綁喇。我今日膽粗粗入番#267 ($17.10)。

我廁所個地板立黐黐，好討厭。我已愛上十度氣溫的香港。

LI-LI: 多謝你讚小B，佢好搞笑架，乜都唔識講，淨係識講「去街」，日日都話去街，出左屋企門口就唔肯入番去，笑死人。

soho* 2010/02/26 21:57:51 回覆

主席, 我喱係舅父仔同花姐既床下底偷聽到佢地話買左車咖! 各位唔好誤會, 係分開兩間屋, 兩張床, 唔係同一張床.

升穿 3.5 就做成頭肩底嘅右肩，形勢唔同咗。下次唔該通知聲, 我老人痴呆懵剩剩唔知咖! 咁吉爺上面阻力係邊樹? $4 過唔過到? kakaka 雖然我冇份, 多口幫佢地問下, 希望佢地賺左分五舊水俾我.

列出下面既資料, 細路仔睇唔明咖! 麻煩主席講解一下恒指走勢, 我睇到向好既訊息, 有冇解讀錯誤呢? 國指又如何? 今日有轉強跡象啵!

2010/02/26 21:49:56 回覆

本週恆指走勢：

2/22 開20407 高20427 低20313 收20377

2/23 開20218 高20711 低20120 收20623

2/24 開20357 高20583 低20351 收20476

2/25 開20512 高20644 低20261 收20399

2/26 開20658 高20662 低20567 收20609

本週最高 20711，最低 20120。

今年低位 2/8 - 19423

2010/02/26 21:47:07 回覆

我昨日都要開冷氣機呀,成屋發毛!!!!!!!!

2010/02/26 21:43:53 回覆

豪仔：公佈業績前 30 天，上市公司股東不能回購。你典知舅父仔同花姐有吉仔？升穿 3.50 就做成頭肩底嘅右肩，形勢唔同咗。

開抽濕機不如開冷氣，反正咁熱。

2010/02/26 21:36:23 回覆

安仔：我真係發神經！昨日明明知道今日有市，但唔知典解成日當咗今天係星期六，老人痴呆！

你做乜咁夜食飯？

soho* 2010/02/26 21:24:05 回覆

我開左抽濕機, 好快就抽左一大桶水出黎, 好得人驚!

2010/02/26 21:18:32 回覆

soho,

最慘係瞓張床都濕立立咁款,

又頭痛發作,食飯飯先!!!!!!!!

soho* 2010/02/26 21:05:14 回覆

寶寶龜, 你話等3月8日工行入平貨, 但係3月5日恒指比重就大執位喇! 3月8日已經搞掂晒喇! 睇番近排相關股份既表現, 似乎已有人偷步提早作出調動了, 3月5日未必會好得人驚.

國指方面,

將會新加入#1988民生銀行 ~ 所佔比重為1.27%

#1099國藥 ~ 所佔比重為0.97%

#763中興 ~ 所佔比重為0.77%

#1618中冶金 ~ 所佔比重為0.57%

而8隻原有成分股包括#177寧滬高速、#323馬鞍山鋼鐵、#338上海石化、#552中國通信服務、#694首都機場、#1133哈爾濱動力、#2866中海集運及#3993洛陽鉬業將被剔除。

恒指方面, 較大改動股份如下:

建行由 7.66% 下降至 6.77%

工行由 6.76% 下降至 6.22%

中行由 5.44% 下降至 4.32%

交通銀行由 2.07% 下降至 0.92%

聯通由 1.18% 下降至 0.83%

中國人壽由 4.82% 上升至 5.11%

中國移動由 8.58% 上升至 9.09%

中海油由 4.1% 上升至 4.35%

中國石油由 3.59% 上升至 3.8%

soho* 2010/02/26 19:48:20 回覆

主席, 上市企業公布業績前一個月, 股東是否不能回購股份? 我見近日已再沒有李+x增持長和股份的消息, 長和股價停滯不前, 是否巧合呢?

小安子吉祥, 我屋企既雪櫃頂/瓷磚日日都飆冷汗, 地板立黐黐, 非常討厭潮濕的天氣.

馬仔, 今日少d客仔, 冇咁辛苦啦! 不過唔辛苦點會得世間財呢?

Persie, 你隻吉爺有得執喇! 捨唔捨得沽?

花姐, 你隻吉爺食左未?

k-i, 速速現身!!!! 近排有冇入市?

LI-LI, 當我靈感到, 就會發開口夢留言亂up一大餐, 我話大市反彈未完, 純粹靠感覺, 斷估咖咋! 驚有網友信左我, 萬一股感唔靈就累屎人喇! 穩陣計都係信主席好d.

早前分析話吉爺 $3.6企唔到, $3.5 樓上入貨要守下, 我咪日日等佢 $3.35, 否則唔夠水位噢! 點知佢唔等我就開左車, $%#@!^&% 我惟有轉去入重汽, 搏佢見底喇!

你抽獎連中兩元, 好好運噢! 拿拿臨彈隻一買即升既股份過來.

2010/02/26 16:04:59 回覆

主席,

我已經發晒神經了,

馬仔,

可能返國內.你係咪想約我shopping??

2010/02/26 15:52:45 回覆

豪仔：重汽守得穩 8.10 可以試 8.80，佢嘅 8.10 有啲似講交所嘅 133.00。

LI-LI：短炒要睇高低波幅夠唔夠水位食糊，計下打和價加心目中嘅利潤。

2010/02/26 15:40:15 回覆

慳妹, 你的提示要慢慢「嗒」才明白呢 ! 謝謝主席大師 ! ${#icons_dog10}$

小小發財運氣都是黏你們得來的, 人氣旺盛的 blog, 財神自然多來照顧我們.

soho, 你唔上吉爺車, 唸住買賣重汽零件 ?

soho* 2010/02/26 15:22:44 回覆

主席, #3808 重汽見底未呀?

2010/02/26 14:32:48 回覆

LI-LI：真係好好運噃！炒股好易搵五舊，抽獎又中。正如今期網文內容，唔一定要等「平到笑」，但至少要「唔貴」至買。

2010/02/26 14:25:57 回覆

安仔：呢兩日我屋企牆身都有毛點，間屋就發啦，唔知個人幾時發........神經！

2010/02/26 14:10:44 回覆

慳妹, 花姐, 馬仔, 光明俠, 叻叻, 小安子, soho, yfong, Bobo Fox, Prersie, 7-11, k-i, hello.

昨晚 12點半 (即是今天凌晨坐跨境車回到香港), 又肚餓, 又眼瞓, 又流鼻水, 好彩在大陸 2間廠都各自抽中 100大元人民幣, 新年好彩頭.

希望大家公私 2面都有好收獲 ! ${#icons_cat8}$

Persie, 你的外甥仔 BB靚相超可愛, 超引人, 迷死人 ....... 怪不得你會無條件奉獻啦 ! 上傳多些照片給大家看吧 ! 應該可以醫百病呢 !

慳妹, 國藥是否高位回落呢 ? 維持等 32元再入嗎 ?

馬仔, 放貨回本行動如何呢 ? 好似多了聽眾問 #388, 希望你的家鄉價快快出現.

花姐, 光明俠, 身體痊癒了, 小病後有無發小財呢 ?

yfong, 遲來祝福你壽辰 !

soho, 未看完你們的 post, 但支持你的每晚總結 ! 今晚擔椅仔, 睇賽後評論.

幪面馬仔 2010/02/26 12:52:25 回覆

安安，

去邊樹反?復活節?

2010/02/26 12:21:44 回覆

家天花都發毛了,

呢幾日不停攪BOOK機票

又演唱會,

公司又忙埋D豬頭骨野,

一日到夜傾電話,耳仔受晒罪.

寶寶,咪玩啦!!!大家咁熟.放心,我有準備的.

2010/02/26 09:42:43 回覆

馬仔：你好似愈嚟愈早。呢幾日啲天氣攪到成個人冇晒心機！

2010/02/26 09:40:48 回覆

{#u=1433854296,3403112288&fm=0&gp=0.jpg}

幪面馬仔 2010/02/26 08:58:57 回覆

MorningAll

瀏覽更多回應正在載入...

月曆