阿仔3歲生日啦!

阿仔真係大得好快呀!!..

好神奇, 睇住佢大得O甘快..即係自己老得仲快...HAHAHAH

30幾歲, 就開始想退休, 老病, 尋日仲同老公一齊講緊走後要點處理, 我老公話要係海...我話要完整放入土到..講真搵個好地方都幾難, 仲要有錢都未必有位, 我走左都要敗家! 我真係天生敗家精..! 所以家下要想定幾多錢..儲定先..HAHA..好似好好笑..不過最怕就係病, 病到又拖拖拉拉又唔瓜得..勁慘..

想番起暫時做左O甘耐人, 最開心都係20-30既時候..真係青春無敵..想點就點..超開心..家下都開心, 不過多左好多顧慮同責任..唔係想點就點, 做人真係都幾辛苦..不過上天對我都好唔錯..比好多人幸福好多架啦..我都係一個知足既人黎既..(一時時)..

近排公司大地震, 連我最好既同事都走埋..得番我一個孤兒仔..不過佢RESIGN左之後超開心, 我都替佢開心..想當年我米又係1, 2年轉一份工..HAHAH..我完全明白果種心情..家下無O甘既精神同勇氣再成日去適應過另一個新環境啦..好鬼累..

依2年阿仔生日都無咩攪作, 今年第3年, 剛剛睇左個超人CAKE, 好鬼得意, 阿仔一定鍾意..至於禮物就係幫阿仔整左佢間房, 換左新床同櫃, 希望佢大個仔啦..可以自己訓, 不過我估佢有排都好難獨立自己訓..因為依3年都係同我地一齊訓..不過攬住阿仔訓同比阿仔攬住訓又真係好SWEET SWEET..再大多2年佢都唔會再同我地訓啦...所以家下要好好ENJOY ENJOY...!!

近排想學結他BOR..HOHOHO..搵下邊到好先..如果有錢又唔洗打工..真係唔會得閒啦..大把野可以做可以玩..希望好快有O甘既一日啦...!!!