(河馬仔專欄)美孚上海菜評論

上海世博好快就會開始,自然受到世界注目,當然各地旅客亦會到上海試試地道上海菜.雖然小弟都好想去看看見識一番,未知到時有沒有時間到上海一趟.

當然上一篇講過香港上海菜館極多,小弟有幾間確是常去而會經常再去的.今次講的一間就是位於美孚曼坊的家傳滬曉





店內頗為光猛乾淨,而店內員工工作非常勤快有禮,值得一讚.而此店食物水準亦實屬不俗.今次河馬仔就逐一講講啦.

當然一餐飯應該有冷盤開始...

醉雞---生熟拿得剛剛好,浸過酒後芳香滲入後而嚼勁彈性好足,雞胸亦唔粗糙,而雞皮因冷凍後更有脆口彈性.


蒜泥白切黑豚肉---入味亦夠而蒜味頗濃,唔會出現一些肉還肉,汁還汁之現象


麻辣鳳尾魚---這是每次一有必點的,骨炸得夠哂脆口,幾滴蔥花之餘夠哂惹味,雖然麻辣但講真唔太辣還有少少甜味,一路飲啤酒一路食真係男人一大享受


而其他的冷盤亦唔差,小弟的確欣賞的.


唔飲酒的話可以要一些湯羹,如這個海鮮羹色彩繽紛之餘亦唔會過份黏口,海鮮頗爽口令個湯羹更有咬口.


醃篤鮮---這是上海的著名湯品.好多人都不明此字而不叫此湯,起初小弟一家都是這樣,但之前有店員介紹過後,試過一次好的醃篤鮮真係會再想飲的.

醃篤鮮其實意義簡單,'醃'解醃肉(如鹹腩肉),"篤"即上海話的燉的諧音,"鮮"解鮮肉.此湯有說是高湯極品,除以上材料外還有百頁結,冬筍,清菜等等,當中之融合令到湯品有種特有的肉味,講唔出的濃味,實在非筆墨可形容的和味.



講起上海麵食,這個雜錦麵本身亦夠彈呀,內有一些豬雜有點似紅燒,醬味亦濃



生煎包及小籠包又點少得.生煎包佢唔會做到好肥,個包底唔肥之餘但夠乾身,包中肉亦唔少及夠汁.小籠包皮亦夠薄,但太易穿啦,D汁一夾就走了,但小弟用匙載住一啖食下,肉汁豐而唔搶味,係個皮可厚少少.



到到正餐,如呢個紅燒蝦籽海参做得好仔細,特別係底下的菜非常鮮嫩,海参做得夠冧,入味的.


清炒河蝦仁---這個又係非常欣賞,蝦爽但冇硼砂的影子,仲要係有鮮味.清炒就食得出其鮮及爽,加一些浙醋佐食一絕


子薑牛柳粒炒年榚---係搶味一點,但可以說是幾得意,樣樣都有咬口,特別係用年榚快炒下煙煙韌韌,可送酒的.


饅頭宮保雞丁---又係一個特別之作,用炸麵包送辣辣的雞丁及花生等等,一上桌就要吃了,趁又脆又熱之下食就唔會覺油,香香辣辣幾過癮.



講埋甜品,壽包當日因為人日先食,個皮都軟熟,餡就可以啦.杞子木瓜榚夠清,甜度好低,有如飯後食個 SORBET咁.凍杏仁豆漿香芒豆腐最特別就是個豆漿豆味幾重,但覺得配香芒就未太夾.最後的棗泥拉榚就非常不俗,棗味好足之餘而有些棗粒在內,個榚真係 拉得夠軟身而唔太黏口,暖食最佳





看板娘---馬場樂子---對美孚家傳滬曉之評分:





今次為了支持香港2010年第133屆打吡大賽舉行,及今次推出看板娘---馬場樂子Q版打吡WALLPAPER,首次以Q版形象出現的馬場樂子加上十四隻Q版馬,齊齊支持今屆星光熠熠的香港打吡大賽!

今次由河馬仔出品,由同人組織風林火山之畫師MOCHA繪製而成.希望大家喜歡.

有兩個SIZE供大家下載,用發放.



1650 X 1050
http://img.hkheadline.com/headline/blog/album_photos/57/44/150556/1/201003102329206298_1600x1600.jpg

1024 X 768
http://img.hkheadline.com/headline/blog/album_photos/57/44/150556/1/201003102329187033_1600x1600.jpg