禮物

2010/03/26 09:43:09 網誌分類: 生活

26 Mar

        發了情才絕育的雄貓，是否都有到處便溺的問題？米米就是激死人的例子。

        從前舊屋牆角、櫃門邊，不時會見到牠的「痕跡」，但凡見到膠類物品，牠會又扯又咬，玩到非常興奮時會突然靜止，眼晴瞇成一線，一副準備便便的模樣，你大喝一聲，牠才如夢初醒，有時一不留神，只好由牠去。我的膠製袋子，就是這樣中招的。

        家裏換了個新廁，舊的隨便擱在垃圾筒面等待扔掉，足有呎半高，也不穩陣，可是不過半小時，牠都有本事躍上去，完完整整放下一堆「禮物」再施施然下地，於是又要替牠善後。

        經常到處揩抹，累死了。罵牠嗎？牠那知道人的規矩？眼仔圓圓地，覺得忙瘋了的我是儍的，所以我也省口氣，快手做完，反過來整蠱牠更好，這是人和貓相處的樂趣。

        關慧玲

回應 (11)

我要發表

2010/03/31 17:37:53 回覆

哈哈 !!! 睇到你地既禮物, 我即時諗番起當初第一次比魚魚同蛋蛋上床同我瞓, 點知佢地兩個玩得興奮得滯, 呢個一邊放大, 果個唔執輸咁响另一邊放細.........我得兩隻手又點接得切吖, 咪只可以一手接晒 d 大大, 細細果面咪滴晒落張被度囉 !!!! ${#icons_cat6}$

執野 (c) 就執得多喇, 但就咁搵手接住 d 新鮮熱 la la 既就真係第一次喇 !!!!

2010/03/31 12:46:16 回覆

家中有資格派禮物的只有Garfield仔, 相傳有人見過係佢喎, 個故事流傳至今~ ${#icons_cat1}$

2010/03/29 12:46:51 回覆

cat cat , Garfield 覺得你乖就得喇 ! 你睇佢幾鍚你 , 咁早就送復活節禮物俾你 , 真係羨慕死人 ${#icons_cat9}$ ! 恨都恨唔到 ${#icons_panda23}$ ! 不過未見到真身 , 會唔係其他成員送嘅呢 ? 可能佢哋有樣學樣 , 未必係 garfield 呢 !

2010/03/27 15:53:58 回覆

早上, 我還在說自己不是乖孩子, 當天下午在床上收到復活節禮物了, 最最奇怪的是, 仍然未有人發現他的真身~~ ${#icons_panda20}$

2010/03/27 09:55:32 回覆

Sinsinho & 關小姐,

${#icons_panda9}$ 我收禮物就如聖誕禮物一樣, 只要"聖誕襪"放在地上, 晚上睡覺就會有聖誕老貓派禮物, 如果你唔瞓覺你就收唔到禮物, 你永遠唔知邊個晚上化身為聖誕老貓, 我不覺得自己是好孩子, 但我的而且確只有我有禮物收, 因為我經常隨意將手袋放在地上便算, 有時蕃薯仔鍾意瞓嘅床/紙箱都會收到, 唔通蕃薯仔都係好孩子??? ${#icons_panda2}$