米米的衰相
2010/03/30 16:30:51 網誌分類: 未分類
花瓶碎了,裂成一片片。
衰仔米的傑作。前天晚上牠在客廳裡開運動會,跑來跑去,誰知強勁的後腿一蹬,「波」的一聲,花瓶中招。
這只花瓶多災多難,之前已被另一隻貓碰撞甩缺了一角,好辛苦用膠水貼合,放在牆角「療傷」,誰知最終逃不過「米爪」...
我大喝「衰米,又打爛嘢」,牠一溜煙走到廚房跳上雪櫃頂,露出這個嗲嗲的神情,你說你說你說,還怎能罵下去??
每次作惡劇之後,牠都是這樣,於是可以繼續放肆下去......
要數佢哋百厭嘢, 真係一年出一本書寫唔晒~
candy,
哈哈,佢哋不是偶然反斗,係日日時時刻刻,昨晚米米又打開垃圾桶搞搞震啦。
好可愛唷!
若果貓咪不反斗
你又會嫌它悶
偶然百厭一下也無傷大雅啦!
cat cat,
咁屋企咪多咗隻貓 (熊貓)囉 ! 我都話 Garfield 未必係兇手喇 ! 不如你問吓動物傳心師點解佢哋會成日送禮物俾你 , 點解府上其他成員又冇 ? 淨係你有呢 ?
各位貓友 , 大家有咩高見呢 ?
catcat,
真係辛苦晒主人,不過夢中見金,睡醒拿拿臨去買六合彩,可能係好兆頭丫。
唔知係咪佳節臨近, Borgee都加入做禮物小姐, 話說昨晚好夢正酣, 夢見自己身處充滿貓的地方, 忽然被一鼓氣味驚醒, 果然我身邊有"大禮物", 其他的"大禮物"還從我身上滾下來, 然後見Borgee慌慌張的跳下床, 發癲嘅我馬上跳下床執金, 而Borgee像往常一樣在廁所外咪咪叫等著陪我梳洗, 像沒事發生一樣, 蕃薯仔見我今天比平時早起身, 馬上過來討吃, 而我一邊"中"眼瞓, 一邊換床單等~~
caroline,
係丫,我懷疑鄰居聽都到我每日失驚無神大叫。
以前我隻仲低死打斓野仲企定定望实你好似係我錯.....氣顶
不过2隻都去左.....又好懷念打斓野的曰子
隔離屋如果唔知, 真係以為我痴線都有知 !!!
我既魚魚同蛋蛋咪又係一樣, 搗蛋完之後兵分兩路咁走, 等你捉唔到佢地黎鬧, 到你捉到佢地呢, 佢地又扮晒乜事都無......總之令到你成個癲婆咁响間屋度走來走去同大叫, 真係比佢地玩死 !!!
catcat,
唉,無錯,都係蕃薯仔最了解米米,我哋做主人嘅,唯有接受黑變白。
阿joe
那張相是朋友送的呀,我好鍾意儲貓嘢,朋友見到得意就會送俾我囉。
何止打爛o野,就連咬傷了你也扮成若無其事。佢o地o既表情話比我知o係你自己撩我先o既,唔好賴我好喎!我就在這情況下於星期日變了花臉『貓』
cat cat 果然係超級貓奴 , 已經人贓並獲 , 都可以將黑變白 , 曲拗直 , 做你嘅貓太幸福喇 ! 慈母多敗兒又見一斑 !
米米 : 關我咩事呀, 你自己擺我唔好之嘛, 我都未話你, 我整親咁點?? 我一直都喺呢度冇落過地, 你唔好屈得就屈喎, 有冇証據先?? 你邊隻眼見到係我做, 有冇人証先??
以上對白是蕃薯仔經常對我講嘅~
關小姐,米米口個樣口甘可愛,都嬲唔落呢,今次就原諒佢啦。
咦﹗雪櫃面有張貓相口窩﹐係邊口個口黎架﹐隱約睇到都幾靚呢。
即使係嬲到噴火,見到佢咁既樣,真係點都鬧唔出口...
衰仔米,個樣仲咁得戚