情陷<牡蠣>
2010/04/12 16:21:47 網誌分類: 飲食
上月到跑馬地馬場吃自助晚餐,一口氣吃了二十多隻法國生蠔,從此一吃鍾情了。現在常有再吃的衝動,偶爾想起那種海水味和蠔鮮味在唇齒間徘徊的感覺,彷彿躍進熱戀時的激情狂熱,百般朝思暮想,時刻渴望著把它吞進肚子的浪漫過程。有時食慾比性慾更難熬,更易令人心癢難耐。
以往吃生蠔,只會兩至三隻,總覺得腥味濃重,要加上檸檬汁和茄汁,才勉強吞得下。本來難吃的東西理應置之不理,但小妹偏是個勇於嘗試新事物的人,除了野生動物、昆蟲或太殘忍的東西不吃外,其餘都不抗拒,只是份量多少的問題。
女同事見我吃得瘋狂,問我味道有甚麼好?我說它鮮味到不得了,入口的時候有濃重的海水味,咀嚼之下會漸覺鮮甜幼滑。以前看飲食節目,常聽主持人用鮮味來形容食物,覺得他們用詞太單調了,但原來「鮮味」這一詞語,真的非筆墨所能形容。愛吃那種食物的,會覺得是「鮮」,不愛吃的可能認為是「腥」,見仁見智而已。
據聞生蠔的營養價值極高,有「海中牛奶」的美譽,除低熱量外,更有蛋白質和人體必需的八種胺基酸、食糖元、牛磺酸、谷胱甘酸、維他命A、B1、B2、D、E、岩藻糖,礦物質包括銅、鋅、錳、鋇、磷、鈣、鎂、鋁、氧化鐵及有機質。
飲食除了考慮營養價值外,食物安全也不容忽視。同事看我一隻一隻生吞下去時,除擔心之外,還不斷提醒要我小心生蠔是高風險食物。當然小妹也想過這個切身問題,但吃著這些鮮味至極的生蠔,一邊喝著白葡萄酒,確實是人生至高享受。那就容許自己放肆一夜,拚著老命大吃大喝,盡情品嚐那久違了的鮮味吧!
< 網 上 圖 片 >
靚女多數無事嘅
Cashin,我都驚架,係搏一搏架咋.
流晒口水, 不過真係唔敢食多,一來食親果啲地方既蠔都有啲腥,二來以前試過腸胃炎,肚痾左幾日
大臣哥,我對東風螺麻麻地,反而蚌類,貝殼類,我都很愛吃.
今天吃了大餐白灼车螺,很有味道。原来甘好食。
蛋哥可以考慮萬豪酒店的自助午餐啊,三百元以下,已有很多海鮮了.你都可以約我去吃的.
如玉妹妹,好的,不吃太多了.
還是別吃太多 11+
睇到我流曬口水添
下次回港要大擦一番
靚仔博士,幾時和我去萬豪吃生蠔飲白酒/紅酒呀?
大臣哥,食,色,性也.食在首位,証明很重要啦.
六哥,最近太古城戲院旁邊有間餐廳,一樣有賣新鮮生蠔架,我去呢間最方便呢.吃生蠔一個月吃一次都唔錯,可以補充礦物質和胺基酸.
食生蠔, 金鐘 Mariott, 尖東 Royal Gardens, 都係唔錯!
膽固醇高, 記得飲白酒或紅酒。
按照飲食習慣, 食生蠔飲白酒, 不過紅酒對消除膽固醇、軟化血管較有效!
你睇你睇,一讲到食,呢班友D口水就------叭叭声~~
仲探讨埋“几多只”,哎呀呀,真系~~~
某晒绅士风度,
又系0既,哈哈,生蚝啵,钦差大臣都周街漏口水啦,风度沃~~
尧!食饱至讲啦!!!
死囉. 你愛上左一樣貴價玩意!
仲有, 當你有budget時, 除左喜來登個間, 仲可以試下呢個:
http://www.openrice.com/restaurant/sr2.htm?shopid=31497
石仁哥,二十隻好易食架咋。唉也,我依家又流緊口水添。
立冬好,
我也喜歡吃. 二十隻?? 未試過. haha.
Indy,真係一絕?哈哈,恐怕都無人夠我咁激情囉。
冬姐對生蠔鮮味的表述,真是一絕喔!
Sam,我好鍾意食野架,幸好平日有做運動,唔會變個大肥婆囉。
佩妮,如果消化力唔好,真係唔好食咁多生冷野呀,不過我飲酒,所以唔怕囉。
立冬,我都好羡慕你啊,可以吃得咁盡情同享受 +8
生冷的食物我只可淺嘗卽止.
生冷的食物,一件起,二件止就可好了。
我最近都食咗廣島蠔,都係非常好味!
good day, sunshine 真難得﹗願妳的心靈也經常如是。
enjoy life!
Jampig,多謝星星!
嘩,平哥咁慘呀,事後應該要投訴間餐廳喎.
EE,我都驚架,不過因為吃得出它很新鮮呢,才放膽去吃,下次未必食咁多的.
Queenamei,原來你也是同道中人,據聞吃得生蠔多對皮膚好,可以延緩衰老的,所以男人女人都不妨進補啊!
Wongi,其實馬會自助餐的食物種類不多的,聽說是五百蚊一位,包紅白酒,像我又食得又飲得的,真係無蝕底呢.
香港的自助餐我最愛是萬豪酒店的,因為海鮮種類夠多呢.
立冬,很羡慕你啊!
馬會的自助餐,出名第一啊!
早前有個同事,擁有某銀行的信用卡,可以以尊貴客戶的身份,帶親朋戚友訂檯品嘗這兒的美食。
不過,好幾百塊啊!比起外面的自助餐,貴得更多呢!
送上羡慕的星星一顆!
蠔是我至愛其中之一,我爰日本珍珠蠔細細隻,但非常鮮甜,完全不用加蕃茄醬
和檸檬汁,想起而家都想食呀....
立冬:
...都係"適可宜止"好了 ,因我曾經認識愛吃"生蠔癡"的朋友...都患上肝炎(其中一個是有打預防肝炎針的)
生蠔而家至多吃兩隻. 試過某年聖誕聚餐, 在灣仔軒尼詩道某知名酒店吃生蠔和刺身, 事後上吐下瀉, 標冷汗兼頭暈, 當時正值上班, 無話比其他同事聽, 有苦自己知, 幾乎想叫白車. 好彩過了兩個鐘, 漸漸無事.
我都好喜欢吃生蚝,够鲜味!+6
心之,我當晚只吃了廿多隻生蠔,兩塊血淋淋的牛扒,和一碗豬手麵,已經好滿足了.如果我唔鍾意食生蠔和牛扒,可以說沒甚麼好選擇的.
慳妹姐能吃一打已經很好了,但法國生蠔細細隻,好易唔覺唔覺食出兩打架.特別係任食的情況下.
雖然話美食常前,但一次過吃咁多蠔,會唔會太過補,你都要保重。
我最多都係食一打,仲要留肚食其他嘢啊。
May姐,搵日一齊去食啦。
立冬:看你寫得咁好味,引得我直吞口水 ,都冇咁眼睏了!+4
快影幅碳燒生蠔來望下點樣好食法啦。 引誘啊!
因为是街边档,所以一边及靓女,一边炭烧,哈哈!比看跑马来的爽快!
係呀,一邊睇跑馬,一邊食生蠔,飲紅酒白酒。佢只得法國生蠔咋,現場即開。
噢....馬場生蠔??? 一邊看賽事 一邊品嚐各國生蠔 真是一樂也呢
Winter L : 馬場 Oh I c
嘩,引人口水咁抵死呀!
炭烧,很香,加蒜蓉,辣椒,哈哈,宜家就出街整几只,过过瘾,流口水!!!
奇哥,牛扒都好好味。我有兩杯酒,一紅一白,吃牛扒果陣飲啖紅酒,滋味到不得了,好似成個食家咁樣啊!
寶貝,可惜馬場那邊只招待會員呢。吃生蠔又不一定要去馬會,現在很多地方都有啊,捨得俾錢就一定有靚野食。