營運人生（５）
美股昨日窄幅牛皮，杜指微升不足0.1%，但收於11000點大關，係2008年9月26日以來首次。杜指收報11006點，小升9點；標普500指數漲2點或0.2%，至1196點；杜指期貨指數最新報10932點，與現貨低水74點。
港股美國預托證券偏軟，ADR港比指數收報22099點，比香港收低39點或0.2%。匯控及中移動大致上沒有變動，前者比香港收市低6仙，後者高7仙。
美股牛皮市，對於歐盟領袖一致同意貸款給希臘解決債務危機，市場唔多興奮，但普遍認為這是歐元區國家邁向更統一的財政政策的踏腳石。由於1991年12月時，１２個歐洲國家在荷蘭馬斯垂克市所簽有關成立歐洲共同體時簽訂的馬城條約，並無設立好似歐洲央行行長咁嘅財政官員予以配合，變成無頭蛇咁，做唔到決定。另外，該條約亦訂立了各國之間不予互相援助的條款（no bailout clause），令到各國政府更難去達成一致的拯救方案。結果今次用咗整整兩個月時間，才制訂出一個救援方案。不明朗的情況導致歐元今年下挫了5%，投資者亦紛紛拋售希臘債券，令佢嘅10年期債券升至11年自來最高水平的7.51厘！
德國Commerzbank AG的資深經濟師表示，「直到最近，歐元區成員拯救另一成員，還是不可相像的事情，市場力量迫使各國領袖聯合起來，共同給出一個答案。」
按而家歐洲各國同意的方案，歐盟及國際貨幣基金會(IMF) 同意如果希臘籌唔到錢，就以低於市場利率的5厘，借450億歐元畀希臘政府，貸款期３年。其中歐盟借出300億，剩餘的 150億由IMF承擔。希臘話佢會先向市場發債，發唔到債才動用這個貸款機制。有經濟學家表示，當希臘危機穩定後，歐盟需要制定更有組織的機制去面對未來。因為這種大雜燴式（hotch-potch）的救援方式對西班牙和葡萄牙這兩國財赤高企的高危國家就唔太適合。現時西班牙的赤字就高達GDP的11.2%，該國首相Jose Luis Zapatero前日就對傳媒話會「不惜任何代價」，在2013年將財赤降至歐盟規定的3%上限以內。
有些專家則從道德風險的角度去看待這個拯救方式，話「希臘方案」提升了政府不尋求更嚴厲方式解決其財務問題的誘因，更大的問題係引誘他們奮更放胆去冒險。國家理財不善，才是問題的根本，若不徹底解決根本問題，最終將導致更大的災難。不過，市場的普遍共識係，歐盟領袖會共同制訂一套更嚴厲的財務規則，避免希臘問題的不斷重演。
在美股收市後，美國鋁業公布業績，同樣無乜驚喜，美鋁第１季每股蝕０．１９美元，但美鋁話當中０．１３美元係關閉兩間鋁廠的開支，可以當作非經常開支，加上其他特別項目，若扣除這些項目的話，佢地第１季其實有０．１美元盈利，和市場估計接近。美鋁的問題其實係全球經濟仍然疲弱，生意唔夠多，佢自己話「銷售減少抵銷了鋁價上升的得益」，第１季銷售比去年第４季低８％。鋁價今年至今升了８％，２４００美元一噸，０８年高峰時是３８００美元，去年低位是１３００美元，雖然鋁價比低位升了８４％，但鋁業是高耗能行業，油價比低位升了近兩倍，所以鋁業無運行。睇完美鋁的業績，也可見環球經濟復甦唔係咁勁。
昨天講到律師先生的故事，問大家點處建議佢處理第三個仔買樓的要求，大家都提咗好多方法，大方向有兩個，一係唔俾錢佢買樓，一係交低１００、２００萬，叫個仔自己諗。其實律師先生選擇的方案接近後者，因為唔俾錢佢買，佢話老豆偏心大佬、二佬，就連呢個仔都無埋，可能這是培養個仔獨立的好機會，但律師先生唔抵得呢種痛。
但律師先生再出錢，佢自己心知肚明，即使叫個仔自己揀，但3、5年後，如果樓市冧咗，個細仔一樣會怨，話「最衰當日老豆唔阻止我買樓，仲要俾200萬引我買!」佢知道一日做直升機老豆，一日就好似欠咗個仔架啦。
其實換一個角度，老豆老母咁做，係削弱子女的搵食能力，並減少了他們的選擇，網友Thinker就係一個好例子，佢話:「見到你今日篇文章, 我真係要回應一下! 因為你所講既正正就發生係我同老公身上. 話說係舊年年中既時候我有左bb, 而眼見當時樓價都升得幾急, 所以就將當時自住既700呎港島區物業賣出 (利潤約有25%), 然後租住港島區某大型屋苑既三房單位. 我地打算等小朋友出世後再挑選單位買入. 而現時樓價既升幅實在高於我地所預期, 所以我地一路都打算繼續租樓直至樓價下調10%到先再入市. 而預備作買樓既$200萬資金, 當中$100萬就已投資在數隻Blue Chip, 半年回報已有約10%. 再加上我地2公婆都係做金融業, 所以對自己既財務一直都處理得比較謹慎, 而且收入都唔差 (家庭收入有拾幾萬一個月), 所以真的冇乜可能買唔起樓......」
「但問題現在就出現在我奶奶身上, 因為一直以來佢都深信自住既物業要買唔可以租,一定要買 (尤其小朋友出左世更加唔可以做冇殼蝸牛) 所以佢眼見現時樓價不斷上漲既時候就表現得非常不安, 佢深信如果我地依家唔入市就再冇機會買到樓. 同埋由於老公係獨仔, 所以奶奶對佢係極之關心, 仲成日都話個仔冇用, 成日都驚佢比人炒. 結果奶奶依家逼我地收佢$100萬去做首期買樓.... 我地真係好唔想咁高位買層樓番黎變做負資產, 但係如果我地唔買奶奶又會茶飯不思加埋日哦夜哦! 所以我地諗好唔好買個$3xx萬既2房單位, 然後出租. 再等到樓市調整時用我地個筆錢買入一個3房單位自住.」
我話一係就忍住唔買，如果買個300幾萬的單位，自己又唔住，奶奶依然會哦，萬一樓價跌就仍然受害。
Thinker的例子，是律師先生故事的反轉版，唔係個仔個新抱想買，係個阿媽兼奶奶佢地買。人係受自己經驗影響，見過樓市大升，就好怕無樓在手，幾貴都想買，或者想逼自己個仔買，買的只是持有資產的安全感。雖然老人家唔係好明，但後生仔應該明白，買樓是買入有槓桿(七成借貸)的不動產，在經濟高速發展時好易受惠，因為第一是有槓桿，所以升起上來擴大咗，但跌的時候大體上可以守，不似借錢買股好易被人斬倉，借錢買樓俾得起首期供得起款，銀行多數會俾你守。第二是不動產，比較方便長期投資，唔會似買股票那樣，升少少就走咗。好多時散戶只係想游吓水，高位放吓等佢跌，但係隻股唔跌或跌得少，好多時就游走咗，但買樓沽貨較煩，就可以逼人長線投資。
所以唔買，進取可以買地產股(或者內房股)，保守可以買房地產基金，無論地產股或房地產基金，佢地都有借貸，當然無借七成咁多，但借貸比率去到4、5成都唔奇，有一定的槓桿，只要你死揸唔放，同樣可作長期投資，坐佢10年，未必比現價買香港樓、特別係新樓差。例如龍湖地產(960)，在內地有一定品牌，龍湖昨日話整體土地儲備已超過2,504萬平方米，其中權益面積為2,172萬平方米，09年土地獲取的平均成本每平米1,869元人民幣，令集團整體土地儲備平均成本下降至2,225元，其中25.9%位於環渤海地區，32.1%位於長江三角洲地區；餘下42.0%位於中國西部地區(龍湖在重慶好強)，而土儲足以未來5至7年開發之用。龍湖土地成本2225元，有2200萬米，內地建築費約3000元一米，每米發展成本5000多一啲，現價賣到均價8000元一米都好輕鬆，樓價跌吓都有得守，而且睇5、7年內地中大城市樓價一定要上10000元，只要公司遇上逆境時唔執，長遠應有發展。(有幾隻內房股都有大量位置較靚的平地，有排做)，若資金唔怕冒一定風險，投資這類型股票都得。呢個世界買乜都有風險，我估現買龍湖這種股票，當然在阿爺打壓樓市時可能會跌，但風險點都唔大得過7000元一呎買元朗新樓啩？大陸有錢人炒元朗樓就會，移民來香港住，會唔會住元朗?
同一筆錢，點樣營運，要自己小心決定，長線投資唔好買貴嘢，係避險的不二法門。
陸羽仁
陸羽仁覆網友
小潘:招商銀行去年盈利倒退13.5％至182.35億元，雖然優於市場預期的中位數，但主因是息差收窄，去年底招淨利息收益率爲2.23厘，較前年底大降1.19厘。因此，即使貸款大增35.6％，淨利息收入仍倒退14％。招行話息差收窄，除了受央行減息影響，亦因爲貸款和投資規模擴張所致。
招行情況唔算太壞，人行在今年中有機會開始加息，要留意它今年盈利會否重回上升軌道，暫時睇機會唔細。
Elle:多謝提供新加坡樓市最新情況，特別是祖屋(接近香港的居屋)近日驚人升幅的資料。我睇新加坡樓市的最近印象，都已經是去年和新加坡朋友傾談所知，所以有少過時，當時已知新加坡樓市在政府早兩年宣布搞賭場時，開始急升，不過唔知最近升到咁驚人。
聽完你講，有幾個感覺，香港話樓市升得多，其實主要係毫宅、新樓和港島樓升得多，其他地區的二手樓，不及97年一半樓價的樓仲有好多(那時深井樓呎價過萬)，所以香港樓市未全面發熱，睇嚟熱度未及新加坡。
第二，新加坡樓市政府樓佔咗八成，祖屋的買入條件又有限制，過去一直是慢升的產品，可能積咗十幾年無升，一次升番哂，升番突，我又唔知新加坡人對樓價升有無民怨，要Elle提供多啲資料，如果有民怨，政府增加祖屋供應時，或會刺破泡沫。
第三，我話香港機會多，新加坡較安定，其實呢個講法係從遊走於新港兩地的新加坡朋友所知，唔係我自己的感覺，有新加坡發展商話，在新加坡做地產無得做，完全係政府市場(這一兩年應該好好多，佢講只是長期感覺)，另外不少新加坡朋友當年抱怨，見住香港朋友買咗間樓住，十幾年後升咗，去銀行借一兩百萬，去大陸開間廠，搞搞吓年賺過千萬，係好多香港人發達之路，佢地間樓起得少，起得慢，想做生意都無資本(但新加坡樓市呢一兩年起咁多，呢個說法或者又有啲過時)，但係新加坡朋友當時都講，新加坡政府照顧人民較好，例如公積金都要你供多啲，等將來可以養老，香港自由啲，但撈唔掂就自求多福啦。唔同政府管治哲學有啲唔同。
最後Elle你點比較香港和新加坡呢?
另外Elle叫Stockinvest花多一兩千蚊令自己生活得開心啲，都係好建議。
Ccb:國航呢兩日回得較多，我估主要係炒人民幣升值受惠股的資金獲利出貨所致，佢22日公布業績，應該唔算，可趁回調買少少。
Belly:你話在大陸有22000一平方的200平方別墅，睇吓係唔係換大到300平方，增加投資。首先你有平貨在手，睇好前景可以加大在內地樓市的投資，跌起上來都有低成本貨墊底。但是否用換大的方式，要諗諗，關鍵係有啲新樓貴到好離譜，要避開太離譜的盤，同埋唔好俾自己太大供款壓力，你話新樓各樣質素同你現在差唔多，但樓價要30000一方，10年後新樓又變舊樓，係唔係買二手長揸抵啲?由於我唔知你別墅所在城市的具體情況，唔敢俾太具體的建議你，但加大投資的方向可以考慮。
昨日提到龍湖，有朋友話我俾貼士，買內房股，係高風險高回報之事，中大型內房股之中，我留意龍湖、恒大、華潤置地和瑞房，各有賣點，但要注要內地樓市有泡，阿爺打擊樓市逼在眉睫，買內房股有風險。但亦要記住，有泡的地方，短期內泡沫多數會增長而非爆破。
陸老師︰
國航(753)這兩天跌得很急，若無貨在手，現價是否適宜開始分段買貨？
謝謝指教。
陸sir - 你好﹗據你所知﹐招行的懷賬撥備會否比國有大銀行全面? 謝謝。
我覺律師先生可以照買樓﹐然後叫三子選擇跟老豆租或者hire-purchase﹐如果是後者可以隨時退出﹐但已供的不可拿回﹐但會變成他日後孩子的教育基金。。
大笨袋鼠 n myself,
Good morning! And thank you!
袋鼠兄，
你身在澳洲同身在星加坡既elle，在香港既陸sir blog傾計，好全球化呢！
鼠鼠: 騎騎...這10%係算埋熊市時走唔走得切, 同埋有o的大熊會熊幾年架, 都要算埋. 長期年年10%都要點技巧呢
對呀, 機會成本都係問題~ 所以全職要賺不賠, 仲要搵埋自己份糧真的不易~仲有機會損失本金~
Elle，great posts (both of them)!
//其實那律師經過大、二仔的教訓就預左三仔回港后又會伸手要樓，為何不在之前樓價平時買定間放住租，最多三仔返黎唔鍾意咪樓換樓，無咁傷又唔駛煩。不過而家已是馬後炮了....//
我唸係因為果時三仔無需要，佢本人當然唔會開聲，阿爸其實又唔志在嗰一、二百萬，所以都無在意樓價升或跌...
其實律師爸爸真係要反省一下，佢教仔的方法好明顯有問題。如果我阿爸俾一、二百萬俾我買樓，我一定好感激佢。而我咁大個人，一定會按自己的決定去買，衰咗唔會怪人。我父母雖然無俾錢仔女做首期(佢地有咁嘅錢)，但佢地養到我咁大已經係一個恩惠，就算佢地話俾我我都會叫佢地留返嚟養老，後生細仔唔捱下點得大呢？
不過話雖如此，三仔呢筆錢不能不俾，唔係一定話偏心，律師爸爸一定要立下心腸，俾仔仔自己發展，佢地大個仔喇
~
(話時話，點解我會唸起三隻小豬的故事！？
)
Hi stockinvest,
Read your postings. To sum up, you have a job that gives you steady income flow, some assets and cash (5.8mio, I gather). Income (30k) > expenses ( 5k) after working for 14 years.
Your problems is not about your financial position but more about the expectation managment, of yourself and ur family. Compounded with the bottle-necking of your career situation. So u r looking for quick break-through. guess u takes things to its extreme...if you want to become a full-time trader.
My 2 cents, be nicer to yourself. Instead just spending 5k ( which is actually very low for a 30k income), put aside some money as your leisure fund every month (say 1-2k, so you have 12-24k annually) for leisure purpose. Overseas trips, leisure classes, time spent with friends or even classes that help you to communicate better with others. You could use leisure fund for it.
(With that, you could do something else other than earning money and your expenses well under control. )
Afterall, money that sit in the bank, in a way, doesn't really belong to you if it doesn't bring u a happier life.
//「投資的我」跑嬴「投機的我」//
myself，為了個blog眾兄弟，承你貴言
飛哥，照計在牛市，剩係買指數基金都10%回報啵… 全職炒就會要求高啲，唔係就損失時間成本
係人都知大陸要收水去壓房地產熱，係人都知美國經濟唔係真正好返，失業率仍然高企不下，樓市毫無喜色，股市上市只係政府放水谷起股市，尋日成交700億，有人沽左700億，亦有人買左700億，個個都知要沽，點解有人肯買？「投機的我」賺左十幾%，見個市日日話要回，可能一早就沽左貨，而「投資的我」買好股，買個時就打算長揸，唔會因為「覺得會跌」賺少少就沽貨，結果係「投資的我」跑嬴「投機的我」。
stockinvest: 既然已有決心亦不防一試, 假設每年好平穩賺10%回報, 收入已比一般人要高. 但全職炒手的生存機會率, 比起那些sales更低, 既然有條件, 那麼試試吧~
mr kangaroo,
g'day! yes, i find the show boring.....but sometimes i watch boring shows when i "switch" myself off......
To: 陸sir
點解招行會盈利倒退，係米因為仲消化緊永隆關係，我見佢有42%減值撥備，如果唔係佢業績應該唔錯，特別非利息收入上增加，係米咁解呢?
小潘
噢!
Flyinthesky: I handled mainly technical issues, and not good to deal with people.
Twohitsix: 人比人比死人也! This is the problem I face. When you ( your family ) see many people have a better prospect, ( although their salary or asset may be lower ), they are happier and willing to spend $. I do not fire much after 2003. In case firing from 2005 up to HSI over 30000 points, I may have a chance to reach 10M, of course when market collapse, only around 2~3M left HSI 10000 points, while now may rebound to 6M. My salary is only around 30K.
2899 紫金礦業 13/04/2010 收6.53 跌0.11
紫金於31/3最低見6.1回升,已升越多月來高位所連上升阻力線,昨天最高見6.72,今天調整,可能營造頭肩底形態,因近期升市成交量增加,今天調整成交量減少,圖形仍然利好,如能突破6.72阻力,上升目標約為7.35.
美股反覆靠穩，港股大抵上跟住內地股市走，但跟又跟唔足，A股尾市收復失地，上證綜指由跌轉升，倒升逾1%。恒指下晝亦跟隨彈高，但無力再上，以微跌收場，跌35點至22104點。
你話睇港股有好大利淡又唔係，因為日股都跌0.8%，拖低港股一啲都唔奇，反而中美領袖開完會，觸發咗少少套利盤都講唔定。胡總同奧巴馬在華盛頓開會，會後話雙方就中美關心的問題達成重要共識。雖然大家都無講人民幣會點，胡總仲話人民幣匯價不受外來壓力影響，不過即使係內地社會科學院的學者都認為，雙方應已確認人民幣將改為和一籃子貨幣掛鈎，不再緊盯美元，只不過時機沒有明示而已。即係話人民幣可能小幅升值，只是不會在中美高層會晤後馬上宣佈，否則咪變相證明咗中國受美國壓力才調高人民幣匯率，所以呢個動作將在稍後才進行。市場唔見人民幣即刻升值，有少少獲利回吐的沽盤，壓住個市唔升，內地市升，應該中資好，偏偏佢地就有不少獲利沽壓，變成內地升1%，國指跌近1%的背馳狀況。
國企A股背馳
內地本周五推出股指期貨，將成為另一焦點，最有趣的是內地當股指期貨好消息去炒，但本地基金經理卻認為長遠可能會拉低A股。好似昨日內地個市，就係受股指期貨即將登場和銀行融資的壓力減低影響，金融股全線走高，其中保險類股表現突出，估計仲可以炒番一兩日。
公佈去年業績，營業額大幅上漲228%至140億元，利潤11.82億元，按年升35%，利潤升幅和生意額升幅不成比例。吉利今年目標保守，銷售目標40萬架，與去年11月目標相若。儘管瑞信預期吉利今年毛利及經營溢利會反彈，但仍將其2010至2012年盈利預測下調9%至14%，至17.67億元及23.2億元，目標價由4.5元下調至3.7元，評級由「跑贏大市」降至「中性」。吉利股價連跌兩日，昨日跌3.3%，收3.82元。其他汽車股亦受累，其中東風（489） 
下挫近5%、駿威（203） 
亦跌3.3%。有時炒還炒，最後仲要睇業績！
但多位香港基金經理話，這一新產品的推出，將改寫內地市場長期只能買升不能買跌的單邊市況，將有助拉低A股，平抑目前的A股相對於香港H股的溢價。我估或者兩種觀點都啱，股指期貨推出有利短炒，但長線走落去，內地股市亦變得可升可跌，股價就會慢慢貼番近香港。但未來幾日港股走勢，可能先要睇吓股指期貨推出前夕內地股市點炒，如果有鑊氣，都會拉高港股。
滙豐調低恒指預測
其實內地市場今年首季唔得，亦影響到港股，證券界見今年頭段走勢偏弱，個別開始調降中國股票的評級，例如滙豐證券發表第二季亞洲股市策略報告，下調中國股票的評級，由「增持」降至「中性」，雖然維持港股的「增持」評級，但亦調低恒指今年目標價，由原來26000點降至25000點，並下調國指目標由16000點降至15000點。
滙證話，考慮到中國第二季通脹及利率的不明朗因素，才調低恒指及國指目標預測，中國西南五個省份持續乾旱，會提高潛在通脹風險，估計通脹在今年第三季見頂，令加息風險增加；滙證認為中資股盈利預測上調趨勢或於去年11月見頂。港股大市現時預測市帳率1.5倍，估值合理，可增持原材料、消費及科技股份，對金融股的評級降至「中性」，並建議減持電訊服務及電力股。
中國汽車產銷延續了上年的快速增長態勢，三月份和首季產銷均創歷史新高，首季生產和銷售按年增長77%和72%，但部份汽車股的業績卻拖低同業，一直熱炒的吉利（175）
陸羽仁
陸sir:
首先感謝每日两篇文，並不厭其煩睇完所有留言、解答網友提問，謝謝！現有一個關於換馬的問題想請教。
我大約在05年買咗國內東北地區一個二線城市的別墅（03年建成），當時單價7300一平，一直出租至今。目前二手價大約22000，由於係市區唯一沿河別墅，供應少（只有60多套），因此升值能力較佳。同期全市平均住宅單價升幅僅約15％，優質地段小區升幅約40％，全市炒風並不厲害，用家主導。
同地段發展商準備於明年初推出新一期別墅，共約100多套（之後再有最後一期大約都係100多套），估計入場價約30000一平，景觀同周圍環境、緑化、配套設施等同我所買的一期相若，換馬的諗法出於：新別墅樓齡新，而且面積較大槓桿大（原別墅200平，新別墅最細都要300平）。
我的疑惑係，如果新別墅日後升到假設50000一平（呢個情況睇7、8年的話應該唔難實現），賺約20000一平。新舊別墅目前價差約8000一平，如若干年後舊別墅能保持此價差，咁持有舊別墅同樣都可賺20000一平；但如舊別墅只係跟上新別墅的升幅（66％），咁持有舊別墅只賺約14600一平（=22000*66%）。到底考慮呢類問題，應該以哪一方向的假設爲佳？我在香港從未置業，無實戰經驗，報紙就睇得多，樓就無睇得幾間，始於攞唔到個感覺應該點睇。
當然，新別墅由於按掲金額大，再唔可以好似舊別墅咁以租養樓，要動用相當大的一部份收入去供樓，但如果值博率夠，呢個唔會成爲考慮問題的主要障礙。
期待你的回覆，謝謝！
benny
cashin 兄:
本書既中文名叫交易 創造自己的聖盃
http://www.books.com.tw/exep/prod/booksfile.php?item=0010463865
awandy:
我估有錢人要住新樓...
「最衰當日老豆唔阻止我買樓，仲要俾200萬引我買!」
如果咁急要有樓....不如而家先買住d細樓先，過幾年等到樓價跌到好低時先換返大樓或自己鍾意既樓。
其實那律師經過大、二仔的教訓就預左三仔回港后又會伸手要樓，為何不在之前樓價平時買定間放住租，最多三仔返黎唔鍾意咪樓換樓，無咁傷又唔駛煩。不過而家已是馬後炮了....
Follower
單睇招行派息，我查返紀錄，上年派0.07，今年派0.2，真係唔錯
小潘
580粒!!! 以小飛e家薪金, 唔食唔飲唔痾都要做到65呢噢~ 有錢的人可以投機, 沒錢的人必須投機
stockinvest: 你係咪做後勤部門架, 所以做到好悶~ 聽聞做sales挑戰性都好高架~ eg保險地產股票經紀挑戰無限, 回報都無限架~
蕉行~每股盈利0.95元，派息0.21元。 yeah~
扮豬兄,
你介紹果本書,有無中文版?
mkm，以為佢改篇了做查案故仔，睇了一集之後失了興趣
(66) 招商銀行 - 2010年第一季業績簡評
招行董事局可能恐怕2009年業績倒退令投資者卻步, 同晚出第一季業績.
第一季業績數字相信令市場帶來驚喜. 淨賺59億元人仔, 升40%!.......
stockinvest
2000年贏1.5m 既經驗可能令你覺得搵錢好容易. 但係當時炒到飛沙走石, 唔客氣講, 賺到1.5m 係當時其實好多人有, 如果計上一個浪(06-07年), 搵1.5M以上既人仲更加多啦. 問題係有幾多人搵到而又真係袋到落袋o者. 上次你袋到, 今次又係咪一定得?
咁講真打人工又真係會有瓶頸位, 但係打份悶工比到你既係個個月一個必定有既數, 假設你有減5k使費後有50k一個月, 一年就有600k. 配合合理回報既投資, 絕對可以交到功課啦! 何必冒險搏命?
我見你話有家庭方面既壓力, 希望你屋企人唔係要你住天匯呢種. 人比人比死人也!
mr kangaroo,
you won't believe it.....I am watching flash forward now.
I only know a standard brownian motion (well, random walk is one) is a martingale, and you are right, if a discounted price process is a martingale (well again, under risk-neutral measure), then there is no arbitrage (well, supposedly).....
But, I believe the 100% sure way to earn big bucks in "kentucky fried chicken" stocks is to be an insider.....well, i am not saying you cannot catch the trend and get a free ride.....but i am a believer in no-free-lunch-without-risk.
too much jargon for tonight.....
mkm
不過講到「早知咁…、早知點…」，其實結果都唔會如預期一樣。
例如某細股爆升，早知買重注… 可能真係俾你買重注，大戶見有咁大隻水魚，都順手即刻沽清俾你，跟手再插鑊甘，或者唔使炒高引人入局咁麻煩。
有本小說叫Flash Forward (電視劇改篇，好似走咗CSI條線)，我只係睇過大綱，不過混集一些科學理論及虛構場面；當中一個主題，全世界人都預見自己未來，但每個人未來都依然有可能改寫，無一定係「早知…」嘅相反。
「早知」袋鼠當年努力學好量子力學，就更明白這個故事原理
mkm兄，hello
噚晚將linux裝咗落部PS3 (我未有做韌體升級) 只係RAM唔夠，但都幾好玩
martingale成日有聽，但除咗定義之外，唔係咁明白點樣用…
Mr kangaroo,
may be a bit mo lay tou....but, i think, according to martingale theory there is no "shoulda" or "woulda".....ka ka ka
so looking back i shoulda been a billionaire by now if I leverage it up 1000X, sell my underwear, and long HSI futures on Oct 27 2008.....
噢 ! 金 ... 乜事跌得咁急。
牆兄 : 絕對冇乜特別意思 , 純粹真係想到嗰個故事而已。
http://www.youtube.com/watch#!v=wIUzEWzqoas
http://www.youtube.com/watch?v=MxI8hOLBnnI
唔理點計回報，可以在14年有這個成績，好多人無咁本事，叻過好多人。
你好似話份工無乜再上機會，好似你要的是新刺激、新環境… 如是者，唔係一定要轉全職炒股，大把其他嘢可以做。
至於買樓，照計唔係一定要用晒$5.8M，沙田$3M舊樓夠唔夠住(上次回港，我嗰邊都好似只係$3500/呎鬆，去開幾個巴士站都有頭條日報派)、又或者深井？俾完首期(唔知舊樓要幾多成？)用份人工嘅現金流去供樓，應該仲有好多剩，全盆計埋樓、股票，其實做埋槓桿，但略比股票孖展安全。
sorry again if I've said too much.
大笨袋鼠, if you calculate 14 years salary, & with salary increase, and my spending is less than 5K per month ( beside special spending, like computer, tax etc ), my return is not that good, as you may think. I have a profile of 3.4 million stocks, 0.7 million bonding, 0.5 million housing, remain cash. And I am not rich, if I spending 4~5 million to buy a flat, not much left. I played this ‘big/small’ stock game before, when I got over 1.5 million in year 2000. At that time, I am no fear anything. Now I hesitate, which do hurt my overall return. My problem/pressure is to show that my ability is okay, in front of my family.
牆頭草, to me, don’t do this job, is some kind of dodge difficulty. I am not scared of problems, but frustrate with no result after hard working.
扮豬, thank you for comment. I player warrant before, and get a big return with small investment. But in normal market situation, it is better to bet a big portion $ on grow stock, or some ‘fry’ stock. My problem is losing big $ in Hong Kong Bank and Manulife, which only gives me little return, but big portion of investment, and causing me some shadow even now. Even I find a good stock, my investment % is so low. And even worse, I bet on bonding now, and with high cash %.. which is another low return investment.
招行(03968
)公布截至09年12月底止全年業績，錄得盈利約182.35億元(人民幣‧下同)，較08年同期的約210.77億 元，倒退28.42億元或13.48%，每股盈利0.95元，派息0.21元。 
符市場預期!!!!
小潘
stockinvest,14年嘅成果，不在乎天長地久，只在乎曾經擁有？？正常懶懶哋每年10%回報，七年已經會再番一番，一個月使五千蚊，搏乜？你炒細價股係大鱷嘅世界呀！
如果你話人緣一般，炒股賺多咗錢唔會prove到乜。如果少少哋(例如$5.8M x 2% = $116k - 限注輸清洗手不幹、贏亦唔俾增加比例)間中玩吓，心理反而平衡少壓力啲，勝算略提高，亦大把嘢同親人朋友講…
你又好似話份工無乜再上機會，好似你要的是新刺激、新環境… 如是者，唔係一定要轉全職炒股，大把其他嘢可以做。
sorry
人性本貪心，580投資5%回報都有25萬一年，仲嫌唔夠。咁就算俾你搵到580億你到時都覺得唔夠。
唔係什麼點投資既問題，已經係心態問題。
580萬，好多人唔知要儲幾多年節衣縮食投資有道先有呢個數，有呢個數相信佢地已經諗緊點去買高息股去維持自己既生活質素，安安樂樂矣。
professional trader、speculate investment、working due to no improvement……all terms are nonsense……
你話過你人際關係包尾，我唔知你知唔知點解，但我相信睇呢個BLOG既網友應該同我一樣，從字裡行間會感受到點解你話自己人際包尾……
//On speculate investment, my main problem is I don't have guts now to bet big $ on small stocks in order to get a very high return... ( comparing with 10 years ago )... as I would check that's how many number of monthly salary on the table potentially to be losed.//
Hey, mate, there is a complete lack of risk control in what you say you would like to do. It is good that you are still scared before losing it all! Your fear - counting losses in term of salary - is the your only safeguard here.
各位晚噢!
Gigi:
我估澳門人其實大部份都唔想要個$6000...不如起多兩間醫院老人院好過啦...
要佢唔托巿無可能...咁多朋友親戚係大地產商,本地人買唔買得起樓,又關佢咩事呢...
Ton Ton
小兵,
鞋可以唔著, 紙/指 一定要用卦.
stockinvest,
我又多咀 ..
I hope to live up to my family expectation (it is your life, 只要不做非法事或無所事事), and not to waste what I learned in University ( learning never got wasted, 孫中山也讀醫, 但無做 ), and many years of works ( 有能力的話, 一世人試多種生活, 快哉) ...
p.s. 不是贊成你去全職炒. 有很多別的可做
Stockinvest 兄: 關於steady income, 我有個諗法就係, 你撥一筆錢出黎補貼月trading 賺唔夠既, 好似中電,港燈果d 基金咁, 咁樣如果你唔係個個月賺唔夠(如果係, 你就要review 下發生乜事), 咁賺突又撥返入去,咁樣income 應該會steady d, 而又唔駛係d 本度抽返d 出黎, 搞到下個月又要賺多d 咁
"Also, I hope to live up to my family expectation, and not to waste what I learned in University, and many years of works... "
呢樣可能要坐低傾傾, 睇下有冇兩全其美既方法,
至於大學讀d 書,工作經驗, 我諗你要諗下自己想要d 咩
好似我咁, 我都向緊專業投機努力緊, 為既唔淨止係錢, 亦唔係完全係錢, 而係時間既自由分配, 如果做得到, 我將會比其他人有更多時間陪屋企人, 呢個係我既目標, 並唔會話因為之前讀左幾多書, 有幾多工作經驗而己變, 所以, 可能花小小時間諗下自己想從中得到d 咩會好d, 又或者, 如果你投機可以維生, 而你又想工作, 咁你可以脫離宜家呢份工作，另謀高就, 做自己想做既野, 呢個係可以靠投機為生既人既一大好處
最後, 想介紹你睇一本書
http://www.books.com.tw/exep/prod/booksfile.php?item=F010785033
入面有講一d 關於心理方面既訓練, 可以令你克服"I don't have guts now to bet big $ on small stocks in order to get a very high return..." , 其他部份都唔錯, 尤其是係關於expectancy,position sizing 果d, 睇完你會發覺, 其實都唔會一定係bet big $ 先有 high return
希望幫到你la
Hi, ton ton
"正苦"嗰四厘補貼真係累死人,個個趕住上賊車,睇吓架車幾時沖落山!
Dear Luk Sir, also others,
Thank you for advice and a good direction.
I am a bit tired of working due to no improvement, while investment shows a better result. I totally agree reading news, or invest more time in stock market, may not gain more $.
And yes, keep a steady income is important.. and if become a professional trader... steady income pressure can lead to a wrong choice sometimes. Also, I hope to live up to my family expectation, and not to waste what I learned in University, and many years of works...
On speculate investment, my main problem is I don't have guts now to bet big $ on small stocks in order to get a very high return... ( comparing with 10 years ago )... as I would check that's how many number of monthly salary on the table potentially to be losed.
Best regards,
Stockinvest
牆兄 : 我想起嗰個造鞋商去到非洲見到個個都冇鞋着就興奮到爆嘅故事。
Gigi:
好耐無見!澳門同"6"其實好有關...今年派$6000,6年內因為6大博企來澳,樓價升咗6倍.....
Ton Ton