短炒不長揸（更新）

眼見組合內嘅表現算不俗，手頭上仲有少少資金．但又唔夠買心頭好嗰２隻基金，於是又心思思想用呢注資金短炒一轉，拉近同目標嘅距離．

依家已經退化到唔識短炒嘅我，對住部腦，毫無頭緒，都唔知買咩嘢好．

於是睇吓１０大升幅，全部細細隻，１隻都唔識．唸吓唸吓，轉去睇１０大交易量，計計成交金融．唔．．．終於發現目標－中芯（０９８１）．今日成交量大增嘅原因係有關策略股東入股．感覺不錯．２個ａｃｃｏｕｎｔ，一個有多Ｄ錢，一個少Ｄ．少Ｄ嗰個比較多功能（但交易成本較高）．就用依嗰ａｃｃｏｕｎｔ　ｓｅｔ咗個盤排隊．

一ｓｅｔ完，個價已經又郁．仲一連上咗３格．此時一心唸住入貨，再唔入，一係入貴貨，一係入唔到．見佢果勢咁好，買多Ｄ，賺多Ｄ．於是用有多Ｄ錢嘅ａｃｃｏｕｎｔ落盤現價盡買．

入咗貨後（全日高位），一心唸住睇多Ｄ有關０９８１嘅消息，抄呀抄呀．搵到今次策略股東入股嘅消息．原來只係佢想搵策略股東，而唔係有策略股東主動接洽．捉蟲！中伏！

睇完已經到食晏，已經唔記得另外個ａｃｃｏｕｎｔ仲有ｏｒｄｅｒ咪取消．

午後開市，股價節節下挫．終於落到落盤價．Ｏｒｄｅｒ被執行．此時先醒覺．唉．．．蝕多次手續費．

依家美股大跌，佢嘅ＡＤＲ升幅仲未追到喺香港嘅．Ａｎｙｗａｙ，佢２９號會公佈業績，相信唔會有咩嘢驚喜．所以一定會係星期三放假時不論輸贏，都會同佢埋單計數．

倉內組合：
０７１６　２０００（＄　３．４５）　  
０６０６　１０００（＄　３．８１）　  
０３８７　４０００（＄　１．３６）　  
０１３７　１０００（＄　１．２６）　  
０９８１　　　　０（已於＄１．０８埋單計數）