關慧玲
關慧玲
關慧玲

迷你世博

2010/05/02 20:53:32 網誌分類: 未分類
02 May

星期日,在看了連場偉大的中國人爭崩頭入世博之後,貓咪也有樣學樣。

 

{#IMG_4851rush1.jpg}

 

米米差點被踩扁了。

{#IMG_4852rush2.jpg}

 

小甘快過相機快門,speeding片過側邊入。

{#IMG_4854rush3.jpg}

 

貓罐罐每次都一定夠分的,但他們就是愛爭,慌死執輸。

{#IMG_4855rush4.jpg}

 

米米未吃完自己一份就塞個貓頭到旁邊,小甘唯有走位。

{#IMG_4870rush5.jpg}

 

米米最醒目,跳上洗手盤lam餘下的......

{#IMG_4905rush6.jpg}

 

呢張相,直頭可以做貓罐罐的廣告呀。

{#IMG_4872rush7.jpg}

回應 (35)
我要發表
關慧玲
關慧玲 2010/05/11 22:37:10 回覆

臻淇貞子,

我講咗俾米米聽,話你話佢似大黑熊,佢嬲嬲呀。哈哈哈哈哈。但又真係幾似喎。 {#icons_cat9}

2010/05/11 14:05:56 回覆

關小姐,

我諗隻隻都唔同,其實我本身對甚麽純種貓完全冇認識,咁啱有一次係本雜誌到見到呢種貓就一見鍾情啦,所以我就不停揾佢地嘅資料。呢種貓性格上應該好温純。而楠楠嘅性格都幾好喎,佢重來都唔爭嘢玩、唔爭食、又唔爭主人喎!佢又唔主動打人喎,最初番嚟佢想同其牠貓玩,反而其牠貓唔同佢玩重打巴佢,佢都唔還手呀!所以我諗每隻貓都有自已嘅性格嘅,但係如果有機會,我都會再養多一隻布偶。

2010/05/10 22:58:41 回覆

米米點睇都係似隻大黑熊,仲係食飽三文魚O個隻添. 肥到佢丫~

2010/05/08 00:44:44 回覆

各位,

牠們就是我們的兒女,所以真的是小心.

我的仔仔也食過A字牌子,但不喜歡,無辨法之下,R牌是為一很食,所以貴一些也要買,只是一包兩隻仔一餐,為起上來是8元一餐,有時還可以分三份,為了牠們健康也要.

如果你要買A字牌子,你可以試打去 "Pxx Pxx",他們說是全港所有貓粮最平的shop.也有R字牌子.

試試吧 26639703 也有delivery的.

兩隻仔仔的貓佬上

關慧玲
關慧玲 2010/05/07 20:25:07 回覆

chinchin,

布偶貓否很羨妒?我有朋友一家幾口,但隻布偶要分房養,說是見其他貓親近主人就打喎。唔知真唔真。

2010/05/07 16:47:30 回覆

嘻嘻!佢係一隻布偶貓貓!藍重點色。係咪可以同真真做襯家呢!不過...........佢今日已經做咗"公公"啦!而且佢都係仔仔嚟呀!我而家要去獸醫度湊番呢隻"公公"啦!

關慧玲
關慧玲 2010/05/07 16:32:08 回覆

chinchin,

嘩嘩嘩,佢好靚呀,是喜瑪拉亞還是安哥拉?佢同真真都係重點色,寧舍有親切感呢。

2010/05/07 16:23:12 回覆

關小姐,

妳講得啱啊!我自已食都冇咁講究,咩天然、有機、咩冇防腐劑,真係眼都花!無計啦!鬼叫我信 " you eat what you are "咩。

妳睇我楠楠同妳個真真係咪有二分似呢?

關慧玲
關慧玲 2010/05/07 15:41:31 回覆

咁多學問,好等我又問吓獸醫先,好彩罐罐只係bounis,就好似我的薯片, 只係間中食。

2010/05/07 13:39:38 回覆

chinchin , 我喺寵物店見過要咁貴 , 佢哋話無防腐劑 , 天然呀 ....... , 一大埋 , 總之就話好 , 只不過 joey 唔食得 , 我都睇過 , 佢全部都有米飯成份 , 如果淨係餵其他嘅就冇問題 , 會去買一罐俾佢哋試吓先 , 唔該晒 !

2010/05/07 13:26:02 回覆

嘩!賣到咁貴呀?食水咁深,妳可以去勝利道嘅徐xx診所買,佢地都係賣18蚊咋!而且人地係獸醫診所,妳可以即時問吓佢呢隻糧有冇D咩貓係唔食得,又或者問吓邊隻口味較為啱妳D小朋友食。

隻糧係你寫嘅後者 " Applxxx " ,佢果度除左醫生糧,就淨係得呢隻唔係醫生配方嘅糧賣。無其它牌子嘅。

 

2010/05/07 10:35:38 回覆

chinchin , 你好 , 你話 "A" 字頭嗰隻天然糧唔知係咪 我所知嗰隻 , 大罐裝要 20多元一罐 , 是嗎 ? 其實我都好似關小姐咁 , 以乾糧為主 ,但 joey 打針時會扭計 , 所以要俾 d 罐仔引開佢注意力 , 其他嘅見佢有得食 , 點會唔要食呢 ? 但可否把名稱多寫幾個字 ? 是否 "Artemxx", "Applaxx"...... , 我怕買錯 , 坊間依家好多牌子都話係天然糧 , 有機糧 , 正如你講 , 真係要好小心選擇 .

 joey 有糖尿病 , 有米飯成份嘅唔啱佢 , 其他嘅都係高齡貓喇 ,  纖維要高 , 脂肪要低 , 唉 ! 好怕佢哋食錯嘢 , 你講得啱 , 食物嘅質素對佢哋真係好重要 , 易入難出 , 佢又唔識講 , 日積月累 , 到知有問題時往往太遲 .

2010/05/06 15:19:59 回覆

我自已用嘅方法就係轉新糧嘅時侯我會自已試先。如果連我自已都覺得有鮮味或有鹹味,咁就一定唔得啦!另外我都收集吓嗰隻牌子嘅口碑,而獸醫嘅建議就絕對係大前題啦!因為有D小朋友本身身体可能已經有問題,可能一定要用處方糧,冇得變。

由於貓本身唔太鍾意飲水,而日常嘅食物鹽份高,就會好容易令到佢地個腎有事,咩事相信太家都知啦!多多錢都醫唔好重要貓貓受好多苦。我都收集過好多資料,都係話食物對貓貓嘅健康係有好直接嘅影响,比狗更嚴重。

所以大家貓奴,真係要小心為佢地挑選食物,有時好嘅食材需然會貴D,但係好有機會幫我地慳番大筆醫藥費,又唔駛D小朋友受咁多苦,大家都開心D啦!

sinsinho,

我D貓貓全部都係食一隻 "A"字頭嘅濕糧,呢隻濕糧唔係獸醫處方,但係係獸醫都覺得佢唔錯嘅,因為佢較天然,水份亦較高。可以試吓,不過如果妳有好多小朋友,咁就幾重皮啦,妳可以考慮吓!不過如果妳試,記住買大罐庒,唔好買細呀!嗰價錢差好遠。

 

2010/05/06 14:32:14 回覆

cat cat , 蕃薯大福減肥進度點呀 ?  順便問吓你家主人食咩牌子罐仔呢 ?

caroline , 芝麻糊 , 魚魚 , 旦旦點呀 ? 好耐冇你哋消息 , 好掛住你哋 !

2010/05/06 00:54:45 回覆

關小姐,sinsinho

我也不知道在罐面那裏可以看見salt成份.但我的仔仔也進食了很久.

如果想知道牠們的身體健康,我建議做一次驗血,之前我的仔仔就是每天都吐.所以就看醫生.

後來醫生介紹了兩隻牌子給仔仔:

1) H字頭的

2) R字頭的(要從醫生處買),但是食了很好.

他們也有罐罐或像西字狗牌的石紙方形包裝或是小袋形的濕粮.仔仔也非常喜歡,我的朱古力(細仔)也一同食.

現在看見牠們也真的是健康了.但是我的開支也大了(平均貴了3-5元),不過也平過牠們看醫生及我心中的痛.

大家真是要小心.

關慧玲
關慧玲 2010/05/05 14:05:19 回覆

aprilhua,

好久不見你啦。你說的是真的嗎?我只聽過F字頭的那一隻高鹽,未知M字都係?咁有乜好介紹?我都係在超市或電話中訂,事實我極少開罐罐,當係過節加餐咁咋。牠們又極愛吃貓X哥,得唔得呢隻又??

2010/05/05 13:04:26 回覆

Hi, aprilhua , 我班小霸王都係食呢個牌子 , 見你咁講 , 有 d 擔心 , 有冇好介紹 ? 你指 "長期 " 即係食咗幾耐 ? 點睇佢 salt 嘅成份 ? 一般幾多至標準 ? 幾多係太高 ?

2010/05/04 22:19:34 回覆

關小姐

很久沒交流了,我看見牠們一日一日長大的肚暔和身形真真開心,

米米也好有男人味, {#icono_1}

但我看見牠們食M,我就想和你分享我大仔的經驗,Doctor 說 M 太多 Salt.  對牠們的身體不好, 大仔的Salt 分指數太高乜是因為長期食M. 

現在要長期食醫生處方粮,小心小心.

米米你的fans.

April

關慧玲
關慧玲 2010/05/04 20:56:56 回覆

chinchin 阿joe,

之前一太夜放工,又凍,成四點至瞓,第二日就頭重重,咪狂瞓囉,今日好好多啦。

我認識阿君,是某次一齊搞貓狗遊行認識的,都係志同道合之輩,知佢有事 都第一時間搵咗佢。未知道能否一石激起千重浪,希望多些人關心動物權益啦。佢哋依家話大部份流浪狼唔適合人養,真係好奇怪的言論。

2010/05/04 15:18:08 回覆
Hi 關小姐、sinsinho & 各位綱友,
大家嚟睇下呢段我地身處嘅地方嘅漁護處對一D弱小所做嘅嘢,究竟天理何在????
陳任君小姐案件情況: 案件押後至7月5日(一), 9:30am, 荃灣裁判法院聆訊. 因為漁護署於上星期五黃昏才突然通知亞君(Tulip)的代表律師會加一個漁護署的獸醫作"專家證人", 按常理亞君那方根本無可能於兩天的時間內找到合適的專家向對人的意見作出評論, 故經商議後提出押後, 法官同意. 漁護署的"專家證人" 表示chow cross breeds(即是我們熟識的唐狗)性格好鬥和一般只會忠於一個主人. 而香港大部份的流浪狗都是唐狗, 故不適合一般家庭特別有兒童的家中環境生活.
 
 
--->>> 如今最可怕既地方係,一旦漁護署勝訴,即意味其往後所捕捉之"流浪狗"(可泛指除漁護署懂得辨識的純種狗以外的狗隻..),只有被殺一途!!! 因其將有例可循,以"流浪狗"不適合被領養為由拒絕義工甚至主人既贖回...... 而長遠來看,除"流浪狗"有機會被大規模屠殺外,"流浪貓"亦將不能幸免......
2010/05/04 14:58:35 回覆

chinchin , 係呀 ! 好害怕聽 / 見到 "人道毀滅" 呢幾個字 , 係 d 人以為自己人道啫 , 佢地有冇諗過動物自己想唔想死 , 動物苦在有口難言 , 但並不代表可以幫佢地作主 , 扼殺佢地生存嘅權利 . 

2010/05/04 14:54:15 回覆

Hi Joe,

妳真係好!多謝多謝支持!

2010/05/04 14:28:17 回覆

甘關小姐妳D感冒好番未呀?

 

個日我都有去遊行呀﹐甘大個女第一次咋﹐我都估唔到自己既第一次係想為牠們做D事﹐好想撐下﹑支持下呢﹗

 

2010/05/04 14:21:46 回覆

Hi 關小姐,

妳好D未呀?保重身体啊,妳知啦,我地D貓奴、狗奴邊度有病假請呀!

實有機會嘅!為動物爭取權益,冇可能一朝一夕嘅!呢個係長期革命。祇要妳唔介意,一有行動我就post係呢度,希望多D愛貓愛狗嘅人可以一齊參與,儘我地大家嘅一分棉力,去幫助一D弱小。希望可以令佢得到最最....最基本嘅對待。"要救、不要殺"

關慧玲
關慧玲 2010/05/04 13:02:01 回覆

old ox,

哈哈,拍唔切,下星期再來!!!!!

關慧玲
關慧玲 2010/05/04 13:00:35 回覆

chinchin,

唉,好想去但那天作感冒,很不舒服,但見有好幾百人撐,都好開心呢。希望下次見到你。

2010/05/03 23:51:27 回覆

關小姐:

有無劇場版?

Old-Ox {#icons_cat9}

2010/05/03 16:13:28 回覆

真係睇唔出小甘一把年紀 , 手腳咁快 , 一閃 , 連個樣都未睇到 , 鏡頭一轉 , 已經食緊喇 , 就算米大哥搶食 , 只係走位 , 都冇發惡 , 關小姐真係好家教 .

不過估唔到紅豆妹平日咁嬌柔 , 食嘢都唔執輸呢 , 還有真真 ..... 呢 d 場面實在想一睇再睇 ! 百看不厭 !

2010/05/03 14:15:01 回覆

關小姐,

嘩!佢地好勁呀!全部自已識揾位食喎,連真真都係自動波,厲害!厲害。

依!噚日有冇去遊行呀?見妳唔到喎,不過真係好開心,最初諗住得小貓三四隻,點知有好多人,我估大約有成仟人呀!需然香港有好多衰人,但係原來都有一班愛護同埋尊重動物嘅人。

2010/05/03 12:26:04 回覆

關小姐,

場面好壯觀 ! 冇諗過真真會咁快加入大家行列 , 女皇 shane 都搶埋一份 , 但係點解得九隻嘅 ? banner 上最 左手邊載咗白面罩嗰係邊個 ? 唔見佢嘅 ?

2010/05/03 11:55:33 回覆

超攪笑呀!

關慧玲
關慧玲 2010/05/03 10:49:46 回覆

肥雞藍藍,

係丫,可以捧紅豆妹做口靚模,之但係,佢已經七歲,係婆婆啦。 {#icons_cat10}

2010/05/03 10:18:59 回覆

關小姐: 眾貓爺何止似入'世博', 仲似'GuXX', 'LX' 名牌年底割價大傾銷, 同埋節日羅湖闖關tim,哈哈!  {#icons_cat1}米米醒目到咁, 抵佢成立'腩中之霸(腩霸)'啦, {#icons_cat2}'腩霸米' 同 '紅豆妹' 兩張相嘅表情都好 '正', 今次 'Mon XX' 發達啦, 唔知會唔會 '帶0揭'十貓, 'Mon XX' 從此成為佢0地嘅贊助商呢?      

2010/05/03 09:20:06 回覆

真係勁攪笑...淨係睇一次我都笑餐死,睇見咁多喵喵真係好開心... {#icons_cat2}

2010/05/02 23:32:18 回覆

哈哈!笑死我喇!

user

已關注

最新回應

淺雪
淺雪 2021/10/01

{#icons_girl1}

淺雪
淺雪 2021/04/29

嘩..以後真要小心..

   

水滴石穿
水滴石穿 2021/03/05

我今年都派給友人6只貓貓利是,一樣理我都傻的主子做派 {#icons_boy1}