跌市正是尋寶時(轉貼)

2010/05/04 23:24:34 網誌分類: 未分類
04 May

投資的天空:跌市正是尋寶時

張士佳

20100504

 

//筆者近日表示,大市始終要升,現在屬於偏低水平,但普羅大眾以買股為主,較少接觸期指期權,這樣就要看板塊了。讀者耳熟能詳的板塊,家電、手機、醫藥、汽車、軟件和燃氣等,部份在跌市中已被淘汰。例如汽車,庫存量近月逐步上升,反映內地購車的需求已趨於平淡;至於家電,五一黃金周應是銷售旺季,但新聞所見,平板電視卻要減價促銷,而且靠補貼維持高增長非長遠辦法,有關取消補貼的傳言更是甚囂塵上,家電及汽車股近日大幅跑輸,已非今年焦點//

//筆者常說跌市是股壇照妖鏡,圖表可見即使大市下跌,仍有資金追捧手機及醫藥股。無他,中央今明年目標將 3G用戶推至 1.5億,那是近 10倍增長,無論手機股將來業績如何,增長故事仍叫人垂涎。醫藥股即使狂升,與國外醫藥股估值相比仍不算昂貴,在中央持續數年的醫改大方向下,故事同樣動聽。筆者相信,手機及醫藥股繼續是今年焦點,震倉過後會延續升勢。//

 

回應 (131)
我要發表
幪面馬仔
幪面馬仔 2010/05/25 19:18:26 回覆

睇怕隻#3988都喺收息等埋一邊!!

soho*
soho* 2010/05/25 00:59:27 回覆

舅父仔, 本周仍有造上的誘因, 大前題是你想食糊減倉, 抑或係想儲貨, dai dai Sir 認為本周初美股會受拍賣美債影響而下跌, 估計拍完市況就會好番d.

烏龍王爺, 好感動噢! 我都有得分銀, 日日掛牌一定出到, 收到錢 call 我, ok ?

中國銀行      末期股息: 人民幣 0.14     5/27 (本周四)

以上周工行除凈前的走勢作為參考, 工行除凈前一兩天升得好靚仔, 可能係俾好息之徒搶高, 相信中行在除凈前上穿$4不成問題, 現時美股跌緊, 睇下內地股市天朝點走, 視乎市況, 氣氛好的話掛牌出貨可考慮 $4.04~$4.07

幪面馬仔
幪面馬仔 2010/05/24 23:02:10 回覆

我隻#3988,今日set$4.02 賣唔出 {#icono_5}

諗住你,我,豪B各一舊都唔得.

Persie
Persie 2010/05/24 21:40:38 回覆

soho: 沽貨啊,多負面消息,唔通聽日又跌過?

 

Brother Stephen: 咁即係托完又跌過?

soho*
soho* 2010/05/24 18:43:59 回覆

舅父仔, 我今日趁反彈又沽貨, 你有冇走海油呀? 今日收報 $12.46, 分得錢俾我同馬仔未呀? 記唔記得我地單 deal 呀? 贏就我地, 輸就計你既.

{#200809290254271471_600x600.gif}

~~~~~~~~~~~~~~~~~~~~~~

總結今日市況:

~ 由於西班牙央行接管當地銀行 CajaSur,投資者憂慮歐元區銀行體系,歐元匯價跌勢加劇,歐元現報1.2369美元,美匯指數重上 86.38

~ 港股午後一度沖高, 惟成交縮減, 全日成交金額縮減至646億 (上午380億+下午266億)

~ 英國保誠明天上市, 但幾隻保險股並未有大幅炒上

~ 今天反彈, 上沖阻力位失敗, 未能企穩金兄所說的19715重要阻力, 要外圍有好消息方可再試沖

~ 粉嶺地皮拍賣氣氛及成交價均未如理想, 賣地成績顯示發展商對後市審慎

~ 班基金大帝繼續洗倉, 高市盈率股份捱沽, 國藥.恆安.康師傅......

~ 明天中美戰略與經濟對話完結, 如無好消息, 大市會有壓力

~ 匯控.中移逆市下跌, 企沽空榜首, 暗藏殺機

~ 在過去一個月調整市, 恒指只係試過一次連升兩天, 換句話說, 今日升左, 天日好大機會係跌市

2010/05/23 23:28:23 回覆

Evening everybody: ^^

知保險股,內銀股隱約被人托住?

e.... 托住 for 農行 & 保誠  capital raising? {#icons_panda1}

P.s Soho:

至於普遍分析指18600~19000有強力支持, 雖然早前預測的低位均一一跌破, 但我覺得今次較為可信, 因為中.港.美股由早前高位已累積了龐大跌幅, 各國央行出手救市, 加上賣地.保誠.中美經濟對話.期結, 歐元.澳元傳有央行撐, 美匯回落, 股市於本周有望暫時喘定並作出反彈?

Wow... Your analysis is so good wor! {#200809281714444620.gif}

soho*
soho* 2010/05/23 23:07:15 回覆

Persie, 如果我睇市叻, 就一早連長倉都清埋啦! 我今次短倉只係皮外傷, 但係長倉就...... 唉!

我相信 [驚天動地三連V] 必定隱藏了玄機, 港股本周有望作出反彈, 一般來說, 如外圍配合, 一個反彈浪約有1000~1300點, 但外圍立立亂, 市況可以瞬間逆轉, 向上阻力重重, 要見步行步, 要特別留意內地股市表現, 亦要睇下班大帝洗完倉未, 大家執生喇! 祝各位網友好運!

~~~~~~~~~~~~~~~~~~~~~

主席分析: (23/5)

海螺處於頭肩頂的右低位,支持位約 21.50,正嘗試升穿 10 線 22.75,如能企穩 10 線上可試 23.50。

金魚雙底支持位 6.90,不宜跌穿,阻力 7.35,另注意 5/27 除息人民幣 7 仙。

純粹觀圖論股,我自己較喜歡海螺。

不 論好股雞股現階段已全部超賣,不再是甚麼位止蝕或上車,而是敢不敢上車或坐貨? 情況有點跟我在 03 年沙士時買貨一樣,我唔係巴菲特,但自覺投資行為有些少類似價值投資;港股現在抵買,但遲些可能更抵,只能按每個人自己的實際情況決定,最重要是不論你持 貨或冇貨都唔會忐忑不安,有貨驚帳面損失擴大,冇貨驚回升時走寶。

如果是較早時買下的貨而未有止蝕,可以等大市反彈時減持;如果是現階段撈底搏反彈就要定下止蝕位,嚴格執行。 以前唔識止蝕或唔願意止蝕,希望現在開始改正。

{#200809271326202078_600x600.gif}

Persie
Persie 2010/05/23 22:10:48 回覆

soho: 如果我識同你討論,我就唔洗死得慘。我淨知保險股,內銀股隱約被人托住,因為我目標同久久未到價。但究竟它們會是最後下跌之股份, 還是指數已回穩?真天曉得。不過幾個指數出左deep-Vdai dai sir又出左大廳,好似都係睇好,我希望真有得彈一彈啦,但事到臨頭我唔知我做唔做得出止蝕的動作。

2010/05/23 21:09:04 回覆

唔該晒各位!希望大家都小心駛得萬年船!!

多謝豪B,舅父仔,主席的分析!

重有片車王子........小B少!
   NASCAR   Baby Smiley 






soho*
soho* 2010/05/23 19:05:08 回覆

港股一般的走勢, 月尾會轉向, 恒指由月頭21108跌到落上周五的19545, 合共下挫了1563點, 假如月尾真的暫時止跌回穩, 作出反彈, 就睇下恒指可以反彈到邊樹, 我覺得重上二萬點不難, 網友大多睇20400, 大家可以趁反彈時才決定是否走鬼, 反正現時手上股份已跌到不似股形, 所剩無幾, 水頭充足又夠沙膽就可以入貨短炒搏呢浸反彈, 但要嚴守止蝕家法.

至於普遍分析指18600~19000有強力支持, 雖然早前預測的低位均一一跌破, 但我覺得今次較為可信, 因為中.港.美股由早前高位已累積了龐大跌幅, 各國央行出手救市, 加上賣地.保誠.中美經濟對話.期結, 歐元.澳元傳有央行撐, 美匯回落, 股市於本周有望暫時喘定並作出反彈.

你地又點睇呢? 得我係度自言自語......

{#200809271913556090_600x600.gif}

Persie
Persie 2010/05/23 05:16:26 回覆

國米捧杯了,三冠王,摩連奴,真有你的,雖然我我一點都不喜歡沙塵白霍的你,但成績就是一切。國米先後淘汰車仔同巴塞,贏得非常漂亮,奪冠是實至名歸。

 

國米球員真誠列隊讓落敗的拜仁上台領獎,好有風度,抵讚。

 

Eto’o連續兩年金牌,好似好輝煌,但這兩年他在走下坡,人生好諷刺,但恭喜他,因為他是個非常好的球員。米列圖大器晚成,在今屆歐聯有極出色表現,非常替他高興。史耐達去年被皇馬賣走,萬般不忿,今日他重回皇馬的球場捧歐冠盃,萬般滋味在心頭,亦證明有才華的人,在那兒都可大放異彩的。辛尼達隊長征戰多年,辛苦你,也恭喜你!

 

馬德里市好靚,班拿貝球場又好靚,希望有天能舊地重遊。

Persie
Persie 2010/05/23 04:45:32 回覆

馬仔: B以一敵百,你笑死。B新屋梗D啦,但婆婆同姨媽間屋超大,B最鍾意。

 

非常幸運地,B的便便好硬淨,好容易處理。平時B的便便好似朱古力醬,非常得人驚。塊片係back at the front,不過我覺得冇乜分別,嘻嘻。

 

寶寶狐:小B係唔識爬的,但我們不以為意,因為終極的秘密係,我同阿妹都係唔識爬的!我地冇經歷過爬的階段,就企起身行路。

 

soho: 我買左澳幣多年,它未同過恆生指數同步。廿年來,它的低位是5個幾,金融海嘯時的$4.68中無一,當時羅家聰仲話會跌落40美仙添。唔加息係會令佢唔再升,但不應暴跌,澳洲經濟又唔太差,我並唔太擔心。大家擔心的話,最多一籃子咁買 (RMBA$CAD$NZ$),就包冇失拖啦! 

光仔: 我好鍾意水泥股架,但有產能過剩和中央政策影響,我而家係唔會買這個板塊。我認為#914一定好過 #2009#914曾是我愛股,IPO兩個幾,到2007五十幾,令多少人如痴如醉。

幪面馬仔
幪面馬仔 2010/05/23 00:05:40 回覆

豪B

小B 呢招是以一敵百...................(歲)

舅父仔

小B個新竇有無得比佢片?

soho*
soho* 2010/05/22 23:52:54 回覆

cj08, 升500,唔知得唔得??? 道指從低位V型反彈左280點, 收市升125點, 我就收貨喇! 你收唔收貨呢?

光仔, 我認為恒指點都要穿19000, 港股未跌完, 有阿爺睇場, 兩位頭條高手認為18600有強力支持, 下周我睇港股會先作出反彈, 不過唔知班洗倉基金大佬肯唔肯停一停.抖一抖, 因為就算權重股升, 股仔都可以跌到趴街.

挾淡誘因: 上周五阿爺卒之出手, 下周一.二將舉行第二輪中美戰略與經濟對話, 會討論希臘債務危機對全球經濟衝擊等議題, 可能有好消息, 周一賣地氣氛相信會頗熱烈, 周二保誠上市, 周五港股期結, 傳聞歐元1.2有護盤, 淡友補空倉, 美元就會回落, 油價亦咬住係70美元, 如能企穩油股就會受惠.

上周三 道指收報 10444

上周四 道指收報 10068 (暴跌376點), adr 恒指收報 18934 (暴跌612點)

上周五 道指收報 10193 (升125點), 收復三分之一失地, adr 恒指收報 19379 (跌167點), 跌幅大大收窄,  從低位計 V 型反彈左 445點, 收復三分之二失地, 表現遠勝道指, 相信是受惠內地股市V型反彈

問股同睇位係主席既神聖任務, 我只係負責亂 up, 呢兩隻股我幫你問主席.

馬仔, 我估條尿片係 back at  the front, 理論上 inside out 係好高難度, 佢地冇乜可能做到.

#916同#2357已錯過了最佳止蝕位, 你是不是各有兩手? 因為處理方法不同.

~ 放落床下底, 半年後見, 當做左定期

~ 如果唔捨得沽清, 各沽一半貨

~ 趁下周反彈沽清蟹貨, 持現金觀望

~ 沽清蟹貨, 換入指數基金股 #2828, #2823 ......

~ 沽清蟹貨, 換入內銀股, 搏炒農行上市

~ 龍源.航科有概念, 但係衰在高市盈率, 要市場氣氛好轉熱錢流入才有望重拾升軌, 可考慮換入已沽到殘既低市盈率股份, 搏佢再下跌空間有限

~ 止蝕後, 穩陣就即換入國壽/太保/......夠膽色就換入內房股, 搏佢已跌到殘

Persie, 快d開估.

~ 澳洲徵收40%暴利稅不利澳元

~ 澳洲暗示不加息亦不利澳元

~ 澳元反彈, 市傳央行入市

~ 美元兌澳元現價 0.82, 向下支持位 0.76

~ 有分析指澳元與港股走勢極之吻合

~ 如上述說法成立, 澳元彈完就會回落, 港股走勢雷同

你玩開澳元, 點睇上面既講法?

2010/05/22 21:56:33 回覆

小朋友的事唔駛太擔心0既, 我"方方土" 一直連爬都唔識,

我成日係地下爬教佢爬, 佢都爬唔到兩下, 成日靜係識得傻笑,

點知後來佢一企起身就行, 原來有D BB 係會唔爬就行,

我才知道 : 行路係唔駛學架 !

幪面馬仔
幪面馬仔 2010/05/22 17:54:33 回覆

小B玩到咁大,咁....呢舖杰唔杰先?

條片到底是 back at  the front 定 inside out?

坐學行車想片去邊都得,唔駛等人抱. 自己行咁辛苦,我都唔制啦。

2010/05/22 15:53:28 回覆

豪B:   個市點睇呀?跌定未呀?......重係災味....?如要入貨有冇好介紹呀?

914,2009那一只好D?   thx!   

慳妹
慳妹 2010/05/22 14:42:31 回覆

舅父仔:小 B 見你哋俾佢玩到氹氹轉,係咪好開心?

男孩子學行和講說話會比女孩子慢,你有冇試吓將玩具車彈去較遠位置,等佢學吓行去追車?

有外匯業人仕話澳元已見頂,會反覆回落至兌美元 0.6x 水平,如是者真係好誇張!

Persie
Persie 2010/05/22 00:57:03 回覆

馬仔: 今日B玩到好大,佢今日搬屋,我,堂家姐姐夫負責看住他一個下午,佢竟然在堂家姐屋企開大。堂家姐姐夫沒子女,我地三個都唔識換片。後來堂家姐勉強搞掂,但媽媽來到一摸,說我們掉轉了塊片,又要再換過。B又唔肯自己行,係都要坐學行車,點算呢?

 

B有時會自己咬自己,咬到隻手仔紅晒,好傻架!

Persie
Persie 2010/05/22 00:43:04 回覆

今晚飯局有任職BoCI的友人,他們估最壞情況是18000,怎樣都不會跌落11000,但我只信半成。

 

如果一隻股份不是我真正喜愛,我不會買入,但倉內的 #1280#1205,就真是投機性買入,又走得慢,暴瀉後更放埋一邊唔理。其他股票,我或者會溝貨,但不是現在。而家連19000都一篤即穿,真不敢說會在19000加注。

 

#2357這些股份,我當買一個希望,只是好少數目,放在一邊不妨,跌破兩元再加一注,只當六合彩。龍源令我比較失望,但如有國策幫忙,亦不見得一定死梗。反而金魚,應該是復仇無望了,當時有得賺好多都沽,說什麼放在長倉,真是笨蛋一個!

 

澳元暫時穩住了,我想買多D,價位方面,$6.20 $6,就好。

 

我覺得放在銀行的錢,買公用股真是不錯。我都幫媽咪買入左 #2 ($52) #6 ($42),佢都好滿意。

幪面馬仔
幪面馬仔 2010/05/22 00:40:22 回覆

舅父仔

我sweet heart今日有無咬你?

soho*
soho* 2010/05/21 22:44:49 回覆

陸 Sir 分析: #2357穿位後見頗多沽售,相信3.4元接公司配股的基金,有不少斬倉離場,睇圖極之唔靚,跌開有機再跌。買呢類股票,要控制風險,只沒有定止蝕位,就唔好買咁多,否則跌起上來又唔可以話有乜支持位。不過我認為跌得多公司又要做野,注資計劃唔可以搞得太慢。20/5

我又唔覺得佢會變毫子股,但係股東見住佢跌又唔係幾開心。可唔可以再上高位 $4,主要看佢注資何時再啟動,同埋注乜資產。如果買左#2357數量唔多的話,已錯過止蝕的最佳時機,不如放埋一邊先。20/5

2357穿3元應否加注或止蝕,我只能咁答,若貨多不放心,應止蝕而不是加注。若貨量很少,輸哂有限,放埋一邊無所謂,到佢再注資時應該又會炒下。隻股跌得比想像中急,加注要好小心,真係輸左唔心痛至好買。如果上兩次都係入貨價較高,今次最好等低D才入,穿20000時才入好d。5/5

soho*
soho* 2010/05/21 21:55:56 回覆

馬仔, 過去兩周, 外圍形勢轉急轉直下, 我日日係網誌講大鱷洗倉, 有災味, 恒指勢頭直指19000, 大禍臨頭, 非常時期, 切勿用傳統智慧分析股市, 也不要盲目相信19400守得住, 我係網誌一向避免用太激既字眼, 怕睇錯市累人輸錢, 但係近排見大市走勢唔對路, 我都講到好白, 我仲以為你已經斬左d蟹貨, 而家跌到阿媽都唔認得, 你問我點算, 我真係唔識答.

等今晚歐美股市收市, 睇下有冇V型反彈, 明晚再商量對策.

正面d睇, 下周一.二將舉行第二輪中美戰略與經濟對話, 會討論希臘債務危機對全球經濟衝擊等議題, 希望有好消息, 周一賣地氣氛應該會頗熱烈, 周二保誠上市, 周五港股期結, 傳聞歐元1.2有護盤, 淡友補空倉, 美元就會回落, 油價亦咬住係70美元.

我都好明白大家點解感到進退兩難, 因為我止蝕時都好猶豫, 網友話 // 要克服恐慌,在市場恐慌時要貪婪,股市賺錢的精髓是低買高賣,不能在市場估值很低的底部附近還盲目看空。 // 又有網友係一周前恒指連續7天收低於250天線時仍然話 // 估計出現股災機會不大, 19600應有較強力支持 // 亦有網友話 // 第二季都係在 2,000 至 2,500 點波幅內運行,唔會升穿 22,000,又唔會跌穿 19,500。// 幾位高手都咁有信心, 真係好難斬得落手, 點會諗到指數唔跌, 但係二.三線股大插丫.

~~~~~~~~~~~~~~~

係止蝕方面, 大家有一個錯誤觀念, [止蝕] 唔係叫你計算 [蝕了多少資金], 覺得肉赤就唔理佢, [止蝕] 目的係 [停止虧損再無止境地擴大], 止蝕後又怕大市見底回升, 最穩妥既做法係換馬買入指數基金股, 因為大鱷洗倉都唔會郁佢, 跌幅會相對較細, 當大市回升亦能受惠, 如果你極度睇淡後市, 認為大市有排都未見底, 就應該拎住d資金乜都唔買, 日日望股市大插.

~~~~~~~~~~~~~~~

如果買股票放入長倉, 就係預左呢個倉將會經歷無數次大起大落, 如果接受唔到這種波動, 就要問下自己應否買股票作為長線投資.

早前有朋友想入市炒股, 佢話放錢係銀行冇利息, 我就話: 炒股贏錢既人係極少數, 大部份係輸到pk, 放錢係銀行雖然冇利息, 但係個d本金仲係度, 而炒股係會不斷蠶食你既本金, 可以的話, 永遠不要入市炒股票.

soho*
soho* 2010/05/21 18:44:29 回覆

            {#200905091604028472_600w.gif}佛祖保佑, V 型反彈, 險過剃頭, 從地獄返回天堂 {#20080715220140507.gif}

內地股指期貨結算日, 上証綜指開市見2481(跌74點)後拗腰上2584, 收市升27點(報2583), 以接近全日最高位收市, 又係V型反彈, 從即市低位計上升了103點, 阿爺! 靠你喇!

周四港股V型反彈, 周五內地股市V型反彈, 今晚美期結算, 有冇V型反彈呢? 唔該歐美股市生生性性, 唔好再發癲, 就算唔升都唔好再插喇! 拜托晒!

soho*
soho* 2010/05/21 18:44:15 回覆

我估尋晚美股係跌市, 睇周四下午港股洗倉式急挫, 就知唔對路, 不過我估道指係跌150點, 點知跌左376點, 比我估計跌大左, 希望佛祖爺爺賀完壽, 心情靚靚, 會使出一招 [萬佛朝中] 救市, 整多個V型反彈.

哈))) soho 傻左!

{#200904202215536946_600w.gif}

~~~~~~~~~~~~~~~~~

【明報專訊】歐債危機未了,港股陰霾依然未散,昨日更 驚現二、三線股股災,大量中細價基金愛股,慘遭洗倉式沽貨,部分近期「鑊氣」甚盛的當炒股,跌幅更達雙位數。最恐慌時期,逾千隻股份中(主板+創業板)中 有63%股份跌超過半成,即使尾市階段有反彈,但全日跌幅逾半成的股份,仍佔總數的三分之一。

港股昨日的形勢,可謂一片風聲鶴唳,市場昨日流傳,有區內專注中、細價股的基金,因突遇客戶提出巨額贖回,故此要緊急沽貨套現應付。亦有經紀稱,昨日早上的沽盤中,有不少是電腦程式沽盤,在股價跌 穿一定水平後,即引來自動沽盤,結果令跌勢加劇,終至出現人踩人的場面。而在人心虛怯下,早前曾熱炒的「鑊鏟」股,昨日亦大跌收場。(轉貼)

2010/05/21 09:21:46 回覆

soho:

"我希望今晚美股跌,(---跌376,中咗)

明晚回升,(升500,唔知得唔得???) 咁就 very good la"

perise/馬仔/ki:跟你們一樣,跌市,心情唔係好好.

包
2010/05/21 03:22:28 回覆

3988 27/5除淨,即係27號沽,已可以收到利息。

過戶日期,我伊稀記得解作:

將自己的名字出現係股東名冊上的期限

即係若目的係為了股息,可以唔駛理呢個過戶日期。

主要係睇除淨日期和派息日期。

包
2010/05/21 02:04:29 回覆

馬仔:沽空埋一份,加速見底,抄底炒上,走兩轉。講笑者。

916和2357的基本因素,唔易睇的

一,若相信自己的運氣,下次牛市呢兩隻可以炒,咁最多等幾年,可以有錢贏

二,若想賺取比較安穩的回報,睇位換馬大跌期間換馬

理論上916和2357累積跌幅已大,接近底的機會有番咁上下,即係呢兩隻應先指數成份股見底,咁可以博一博,見底彈些少或橫行,咁若果指數成份股大跌,換去指數成份股。

無論是以大調整或熊市的角度來睇,指數應未跌夠。

不過,世事無絕對,凡事有可能,有時分析或理論上未必與現實相符。

 

幪面馬仔
幪面馬仔 2010/05/21 01:31:12 回覆

豪B

話時話隻#916,#2357,可以點?

包
2010/05/21 01:24:26 回覆

19400若果正式穿左,何謂正式穿?一,當日收市上唔番;二,三個交易天上唔番(但現時的波幅太大,三日太長,呢一點只能用作事後回顧,事前的預測功能唔大)

咁下一個大位,可能要試17xxx都唔定。

港股現時萬六五,應有幾強大支持

除非有好壞好壞的消息出現。否則萬四應該唔會穿掛。

不過個別股份與指數未必同步,有些會行得較快,指數未見底先行見底,指數未彈,先行彈。

 

若到指數正式大跌(假設會)銀行保險股應仲有一定的跌幅。

 

對手上的股無信心,如soho所言,一係換馬,若搵唔到邊隻好馬,咁入指數股會係最具生存能力的股如2800,2828,但唔會係升或彈得最多的股份

係穩中反擊之選,若有反彈的話。

 

沽唔沽銀行股,一,睇下對後市仲有無信心;二,最重要呢一點,手上閒錢多唔多,倉位與現金之比係幾多。

 

soho*
soho* 2010/05/21 01:12:20 回覆

止蝕後冇左忽肉, 個種痛到入心既感覺我好明白, 所以我通常會換馬, 揀過一隻下跌風險細, 前景較佳既股份就可以保住資金, 亦可以等佢幫我報仇, 如果睇唔通後市, 亦可以拎住止蝕得來的資金等大市跌深d先至出手, 港股弱勢已成, 就算夾淡抽上去都企唔穩, 始終會轆番落黎.

止蝕後即刻換馬, 個忽肉仲係度, 只係轉移左去第二隻股份, 你咁樣諗就會斬得落手咖喇! 假如你諗住佢係有前景, 值得放係長倉又另當別論, 如果覺得歐豬危機會引發股災, 止蝕後就應該離場, 不要再買貨, 也不要再睇市.

就好似我沽太航入工行, 工行除凈後橫行, 但係太航就大插, 我已經賺左.

假設手上有隻高PE股, 明知大鱷向呢d板塊開刀, 都唔知插到落邊度先至識停, 梗係走啦! 沽左換入內銀.保險股, 起碼有人護盤, 知個底係邊樹, 持貨都安心d, 到大市回升, 一樣會受惠, 個忽肉仲係度.

每逢股份跌穿整數大位 (五毫.一蚊), 我都會睇下佢能否立即走番上黎, 否則就會擔心佢既波動區間向下移, 不過太保招股價係 $28, 斷估跌穿都識得番上黎, 所以太保$29我就覺得可以入第一注, 佢近日走勢明顯轉弱, 如果內地股市仍然不振, 保險股都唔頂得幾耐, 如果想入貨, 最好用止蝕資金黎買太保, 唔好加入新資金.

以龍源為例, 佢一向係 $8~$9 游走, 有一日突然跌穿 $8, 你就要有心理準備佢既新波動區間係 $7.5~$8, 一跌穿 $7.5 就變成 $7~$7.5, 如此類推, 無論係作出止蝕行動抑或係入貨, 都係睇住呢d整數位

soho*
soho* 2010/05/21 00:26:40 回覆

今次既跌浪我都領悟左好多野:

~ 港股係 21000已睇到公用股日日急挫, 我地曾懷疑係大跌既先兆, 但係竟然冇做防風措施, 抵死

~ 睇唔通大市, 唔清倉都應該減下磅

~ 大鱷托住指數黎洗倉, 但個別股份跌幅可以好驚人, 高市盈率已經係死罪, 就算指數企係19400, 該類股份可以跌到等同恒指17000.

~ 錯信分析說某個位有支持力, 事實證明係不堪一擊, 結果愈跌愈深

~ 止蝕換馬行動緩慢, 未夠果斷

~ 以為股份已見底, 原來低處未算低, 錯失最佳止蝕時機

~ 大鱷好蠱惑, 插完就大成交反彈, 令人有錯覺以為見底回升, 係高位徘徊幾日扮回穩, 托住黎派貨, 跟住又插過, 白白錯過靚位止賺/止蝕機會

~ 一只優質股份都可以受一個不利消息判死刑, 不要輕言將股份放入長倉

~ 零成本貨遭洗倉, 原來個心一樣好痛好痛, 我既EQ有待磨練.

~ 竟然相信阿爺會錫住我地, 點知打壓措施一浪接一浪, 真係好天真! 好傻!

幪面馬仔
幪面馬仔 2010/05/21 00:15:41 回覆

我個價麻麻地,保本最重要..........平手都沽

Persie
Persie 2010/05/21 00:05:33 回覆

soho: 抵打,但蝕多沽好似左忽肉,點知越搞越甘。

soho*
soho* 2010/05/20 23:59:33 回覆

我掛左 $3.88 入#3988買唔到,

如果除凈前炒左上去, 有賺, 沽!

一般來說, 除凈後會有沽壓, 過一排先至會回升,

工.中.建行有人護盤, 不賺不沽.

我仲以為舅父仔沽左中海油, 原來佢真係留番三手俾我地, 我地今次發達喇! kakaka

幪面馬仔
幪面馬仔 2010/05/20 23:48:41 回覆

我有山狗伯伯,個價麻麻地$3.96,諗緊要本錢保本定要息(29/5 過戶)

soho*
soho* 2010/05/20 23:43:48 回覆

剛逛完 blog, 幾位頭條睇圖高手都不約而同認為下周好大機會夾淡, 看來今日下晝大成交 V 型反彈幾振奮人心, 不過我俾幅圖呃過好多次, 所以我對佢地話港股已見底既說法有保留, 外圍立立亂, 我就覺得港股未跌完, 大藍籌仲有下跌空間, 到佢地大跌時就會扯住指數落去, 不過下周的確好大機會有反彈.

下周肯定有大龍鳳: 周一賣地.周二保誠供股.周五期結, 大撼大, 好戲連場

第二輪中美戰略與經濟對話將於下周一.二在北京舉行, 有炒作藉口

我希望今晚美股跌, 明晚回升, 咁就 very good la

好彩上周執左倉, 否則災情更嚴重, 我日日都叫你地換馬入內銀.保險, 做乜唔行動, 抵打!

頭條慢到嘔, 我求其係書架拎本 [區樂民] 既書黎睇, 否則會悶到暈左.

幪面馬仔
幪面馬仔 2010/05/20 23:25:59 回覆

舅父仔

我以經唔敢check我個倉啦。

你有個D,有D我都有!!!

883 is OK wor , today

Persie
Persie 2010/05/20 23:21:36 回覆

手上的股份已被洗倉,我又在發呆,真係唔係好掂。大廳有朋友話會加注,有guts

 

惟有好阿Q的說,我以不變應萬變。

 

在市況急跌中仍堅持自己是對, 是不容易。 

之前沽出的1000 #6,我在$44.80買回。估唔到在被洗倉中重傷的我,仍有6號仔我,好!

幪面馬仔
幪面馬仔 2010/05/20 21:25:34 回覆

豪B

算你啦仲記得我。小B基金無份,黃油蟹都好啦。

一路睇書???有咩好書?

soho*
soho* 2010/05/20 01:20:45 回覆

你手上既蟹貨, 呢隻#883黃油蟹係最優質既大藍籌, 唔使夾硬沽左去丫! $12.2 入第一注 ok 啵! 理據如下:

~ 油價/歐元跌得太急, 反彈可期

~ 周五係期油結算, 斷估會彈下, 油價重上70美元並非難事

~ 中海油一向彈力十足, 只要美匯稍為回落, 油價一反彈, 海油就會好生猛, 你未必要蝕住走

~ 周五中美兩地期結, 希望好友會死番出黎

~ 恒指19400頸線雙底支持, 希望好友會力守, 加上 下周港股期指結算, 散戶仍有機會趁反彈逃命

~ 近日似乎開始有資金趁低慢慢吸納內銀.內房.保險股, 惟力度不大, 未知是否有心人刻意托價抑或是部署造好的買盤, 二.三線股份及高市盈率股份沽壓非常沉重, 持續遭洗倉, 散戶要速速換馬或止蝕

~ dai dai Sir 認為內地股市快將見底 (可惜由2740講到2530, 跌勢仍未止)

~ 周三下午港股已預先反映歐美大跌, 周四未必使死, 不過要小心長假期前夕, 下晝沽壓可能會增加, 萬一下破19400大位跌勢會轉急

如果真係唔想加多隻黃油蟹入倉, 想沽就掛高d, 海油每日上落波幅好大咖! 我同馬仔都想入中海油, 就讓兩手俾我, 一手俾馬仔啦! 賺左計我地兩個, 輸左就計你既, ok?

頭條網慢到令人扯火, 擺明想趕客, 我一路睇書一路等, 睇左兩頁個板面都仲未郁  $#@%^&*&^%$#

Persie
Persie 2010/05/20 00:32:47 回覆

頭條慢到無譜,晚安啦。

Persie
Persie 2010/05/20 00:30:47 回覆

soho: #883我一早掛左,都改,唔買都買左,算啦,最多聽日試下沽番出去。澳元長線,我 $6.5$5.6$4.8都入過架,我問題不大

 

今次同上次股災最大分別,我今次仲留番好多cash傍身。雖然手上有損失,但心情都不致太差,都還可以的。

soho*
soho* 2010/05/19 23:35:16 回覆

Persie, 今日形勢急轉直下, 你真係好勇, 夠膽入貨,

由於估計下晝歐洲時段港股會跌深d, 所以今朝又沽貨游水, 然後反手掛左一堆死雞盤補貨, 到下晝跌勢好急, 驚驚! 見未入到既就拿拿臨取消, 寧願睇定d天日再掛牌, 萬一歐洲仲係一鑊粥, 我d長倉貨沽左都唔會全數補回, 乘機減下倉.

我冇買外幣, 聽講澳元幾跟資源商品走勢, 加上又話暗示唔加息, 所以冇運行.

當日23000轆落黎, 我唔係好驚, 因為恒指係高位, 回調係理所當然, 但係現時恒指係低位, 市盈率合理, 係現水位仍未有止跌跡象, 加上今次係全球一齊插, 就恐怖得多, 係災難式下挫, 翻版雷曼.

而家夏令時間真係討厭, 三點後受歐洲股市影響, 港股就更波動, 如果美股臨尾香, 歐洲開市多數衰, 港股尾市就會跌多d, 想沽貨入貨就要留意.

Persie
Persie 2010/05/19 22:08:04 回覆

主席:其實B唔係好識野,但知好多人錫,所以會扭計。婆婆話縱壞左,變左生骨大頭菜

Persie
Persie 2010/05/19 22:03:43 回覆

soho: 天啊,我今日買左 #883 ($12.2) 同澳元 ($6.7),馬上又滑落了。個情形有點似當年23000一路跌落黎咁快咁急,好可怕啊!

 

神化朋友好彩日入唔到 #939 #2628,今日都縮沙唔入。 

Investment firm的朋友話地看加元同紐元比澳元好,因為有加息機會。

慳妹
慳妹 2010/05/19 21:14:17 回覆

小 B 俾人打豬脾仔,雖然肉赤,但佢開始懂事,要教,唔可以姑息。

soho*
soho* 2010/05/19 17:12:45 回覆

唔玩喇! 好得人驚噢! 走鬼喇!

大鱷洗倉, 屍橫遍野, 災味極濃, 走得快好世界! 恒指勢頭直指19000

近日的跌市, 好明顯工.中.建, 太保.平保.國壽的跌幅都比大市細, 究竟係長線資金入市定係有人護盤呢? 當港股再跌深d, 佢地使唔使跟埋大隊轆落黎呢?

其他股份像跌進無底深潭, 高市盈率股份更跌至不似股形, 向下是無險可守, 深不見底, 災味好濃!

不是普通 rainy day, 是 raining cats and dogs

Persie
Persie 2010/05/18 23:28:32 回覆

婆婆俾小B鬧,仲第一時間想錫番小B。阿妹話,唔好啊,要俾佢知道係佢錯先得架。

幪面馬仔
幪面馬仔 2010/05/18 23:00:35 回覆

做乜咁曳,但係婆婆一定好肉赤。

瀏覽更多回應 正在載入...
user

已關注

最新回應

幪面馬仔
幪面馬仔 2024/02/12

有緣人

{#iconb_282}

李聯廣
李聯廣 2024/02/12

恭喜發財!

有緣人也在此祝各位龍年行好運, 身體健康,萬事如意!

幪面馬仔
幪面馬仔 2024/02/11

{#iconb_210}

有緣看見的,

身體健康

幪面馬仔
幪面馬仔 2023/12/20

又到聖誕,又到聖誕

{#iconb_259}

來年大家,開開心心。