關愛病人

 

去藥房買雲芝丸,女售貨員鬼鬼祟祟介紹 : "

 

如果有親戚中咗個庭嘢,呢隻最好."

 

另一半不好意思,尷尷尬尬半側身,眼望地.

 

"嘻! 就係佢中咗囉!"

 

女售貨員立即不好意思,轉口 : " 咁點解唔早

 

d食,攪到咁遲."

 

"吓?白素貞救許仙咩?一芝攪掂?"心諗,保持

 

禮貌,比錢走人.

 

患病唔係佢嘅錯,何必畏縮隱瞞,好似小朋友

 

做錯事咁?

 

如果有人在背後指指點點,咁佢就唔係朋友

 

啦!又使乜理佢.

 

朋友,會鼓勵,給予精神安慰,自己也不用鬱結

 

在心, 對嗎?

 

 

 

"嘩!乜瘦成咁?落哂形!咁就唔好出嚟啦!"碰見

 

朋友,她大聲的說.

 

病人登時垂頭喪氣,覺得自已病得好嚴重,出街

 

好似影响市容.

 

懇請各方好友,要講,心入面講,病人係需要鼓勵

 

,行得出街,一定還可以,請参考以下語句.....

 

"呀!? 做完咁大手術(化療、電療,包括在下白內

 

障手術 , 任何病人都覺得自己係大手術),都咁精

 

神,好好噃."

 

咁病人一定會覺自己好精神,好鬼叻 ~~~~~心理

 

治療. 

 

 

屋企開飯,切忌色香味、大魚大肉,病人望見自

 

己個碗營養餐~糊仔,一定冇厘癮頭,越想越惨,

 

悲從中來,淚滴碗中.

 

所以要學六月雪竇娥,匿埋食糠...........

 

咁又咪鬼學佢咁惨,匿埋食义鵝飯又得,魚翅又得,

 

隨本人喜好啦!