立會九西補選「候選佳麗」點評

泛民五子五區總辭，話係公投。

選民好端端投你票，送你入議會，家下未問准全港選民就總辭。

至少我會問：你話辭就辭，把我這等小選民當日投給你們的票，當是甚麼？

    現在民建聯和自由黨杯葛，結果係禾雀亂飛，一批不知來歷的勇者出來參選，其中又以毓民選區最刺激，惹來七位俠士，要與毓民一爭長短。

    妙就妙在，九龍東梁家傑，只有一位對手，個個走黎九西同毓民鬥，似乎大家都唔睇好毓民。

    好，我正好住在九西區。既然你們九西八子來我地頭搞局，就讓我這個九西小選民，就你們的政綱逐一點評！

    唔好以為做議員好易！嘿嘿嘿！

1

林依麗

玉照：似選美，加埋與謝律師的桃色糾紛...呃...

職業：地產代理

政綱：

是眾候選人中較勤力的一位。

不過第1條就話取消廉署，第13條話監管業主法團防貪，無左廉記，阿姐，你搵邊個去防貪呀？

Grade：C+

2

張錦雄

玉照：英姿颯颯，玉樹臨風...

職業：社工

政綱：

第一句就反高鐵？佢唔知九西區有個indy搏命撐高鐵頂啦！

我現在懷疑佢借社工之職權，當日曾經鼓勵80後反高鐵。

由於我驚佢當選後，會反巴士，反飛機，反高清，反藝術，反地產，反遊樂場，搞到我和家人第時連商場都無得逛，火車無得坐，遊樂場無得玩，我俾U佢。

Grade: U (Unclassified)

3

黃永志

玉照：憤青

職業：學生

政綱：

堅持普選，廢除功能組別。基本上係泛民提出的口號，學生唔做功課，抄人家知識產權，唔俾泛民告侵權已算偷笑。違反學生守則，要扣分。

Grade: C (唔好問我點解得C，學生守則唔係我定的說！)

4

白姐姐

玉照：不錯，不愧是傳媒人...

職業：傳媒人，不是媒人。

政綱：

以文明為民主前提，概念強大。因為佢唔係學生，所以抄泛民口號無問題，只要泛民唔告佢侵權就得。但就算告，佢都有謝律師頂住。

請走癲狗，正合我意，俾高Ｄ分先得。

但講真，其實佢個政綱無提及任何具體政策，沒有香港未來藍圖，所以俾佢入左立會，我也對佢無任何期望。係因為無得揀，先會揀佢。

Grade：B

5

郭兆明

玉照：個頭做咩事飛起？

職業：董事，係咩地方董事呀？

政綱：

先普選，後攪珠，民主暗室，一珠能破。這暗語我破解不了，也許是號召江湖人物的口號。話唔定有作為。

Grade: ？

6

佘繼泉

玉照：殺死人笑容...

職業：商人，李嘉誠都係呀！

政綱：

發展中小企係好，不過又要捍衛專業人士收入，又要保障基層就業，政府邊度來咁多錢？講講如何開源好唔好？

唔好話學希臘發債喎，希臘債券好唔掂喎。

Grade：C+

7

蔣世昌

玉照：道貌岸然，肅然起敬！

職業：教育

政綱：

促請立法推行政府房屋交通欠周全？這是甚麼意思？難明。

小班教學係我心水，唔錯。

不過，貧富懸殊拉近，醫療福利改善，長者支援及時等等，都係有目標，無政策，似係得個講字多Ｄ。請問蔣校長有咩妙計，可以單靠立法，就能拉近貧富懸殊？

Grade：？（等你答左我先決定俾幾分，唔答無分。）

8

黃毓民

玉照：個頭剪左，斯文左。突登去剪的，一定係！

職業：辭職立法會議員（想做返份工，點解之前又辭職，玩老闆／選民？）

政綱：

與總辭五子完全相同，好團結。

但真係好想問，為何社民連會認為，廢除功能組別和實現普選係做議員的唯一政綱？我睇英國首相選舉，美國總統選舉，人家卡梅倫同白高敦，美國奧巴馬，政綱涵蓋範圍遍及醫療、金融、科研、勞工、工業、農業、基建、經濟、教育、環境保護，甚至太空競賽和軍事等各方面。

為何你們的政綱講來講去都只有普選？

我好支持毓民的不該poor guy論，但你自動放棄為我們繼續掟蕉的尊貴議員身份，我尊重你的辭職，不會留你，至少這一次補選一定不會選你。

另外，反高鐵一役，真係令人體會到咩叫做「癲」。

Grade：U (辭職的人無資格再參選。)