幸福人生

2010/05/15 21:09:03 網誌分類: 生活
15 May

華爾街另一位大師費沙 (Philip Fisher) 在其著作中表示,幸福人生應該有一個知心伴侶,兩、三個無所不談的好朋友,四、五隻可以厮守終生的好股票。

自覺尚欠其一,但人生總不可能絕對完美,否則會招致上天妒忌,要在其他方面收回一些東西,所以寧可選擇有一些遺憾!

回應 (74)
我要發表
2010/05/23 23:21:33 回覆

多謝主席的提點,執生喇!

2010/05/23 22:59:03 回覆

豪餅:其實舅父仔一啲都唔木獨,應該係好識冧人嗰庭!

2010/05/23 22:57:11 回覆

我真係想唉.......一聲,

又睇表哥有無時間陪我去,

祖母過身後,

叔叔和姑媽因為祖母的遺下金錢問題而發生大爭執.

我做後輩不便出聲,

只想有人陪我去好了.唔好俾人恰我.

 

豪餅,

不是仔女出聲呀,

係佢個仔對家和路人甲囉........@@

我好少睇TV嫁.

2010/05/23 22:50:20 回覆

安仔:現在應該可以搭巴士經深汕高速公路去梅縣,唔使搭飛機;遇到好似這星期的長週末,隨時過去都得啦!

2010/05/23 22:30:14 回覆

海螺處於頭肩頂的右低位,支持位約 21.50,正嘗試升穿 10 線 22.75,如能企穩 10 線上可試 23.50。

金魚雙底支持位 6.90,不宜跌穿,阻力 7.35,另注意 5/27 除息人民幣 7 仙。

純粹觀圖論股,我自己較喜歡海螺。

不論好股雞股現階段已全部超賣,不再是甚麼位止蝕或上車,而是敢不敢上車或坐貨? 情況有點跟我在 03 年沙士時買貨一樣,我唔係巴菲特,但自覺投資行為有些少類似價值投資;港股現在抵買,但遲些可能更抵,只能按每個人自己的實際情況決定,最重要是不論你持貨或冇貨都唔會忐忑不安,有貨驚帳面損失擴大,冇貨驚回升時走寶。

如果是較早時買下的貨而未有止蝕,可以等大市反彈時減持;如果是現階段撈底搏反彈就要定下止蝕位,嚴格執行。 以前唔識止蝕或唔願意止蝕,希望現在開始改正。

soho*
soho* 2010/05/23 22:15:44 回覆

小安子吉祥, 金hair醫生 你接受唔到, tvb飲食節目主持 靚仔莫樹錦 孿毛醫生收唔收貨?

天呀!! 帛金都嫌三嫌四, 乜野世界呀? 根據呢個線索, 我估呢位老人家係俾佢d子孫激死咖!

舅父仔, 「化作春泥兩相依」,真係好鬼浪漫.

幪面馬仔
幪面馬仔 2010/05/23 22:09:47 回覆

安安

我想出貨,唔喺入貨.

Persie
Persie 2010/05/23 22:01:02 回覆

花姐:保重身體啊!記住多休息,多飲水。 

我記得讀過一個報導,有一位婆婆放了她先生的骨灰在家。她說到她百年歸老,就把兩人的骨灰撒在花圃上,化作春泥兩相依,幾浪漫吖!我都希望死後把骨灰撒在玫瑰花田上,因為我畏水,不想下水,但我就愛玫瑰花。玫瑰花下死,做鬼也風流,這樣也不錯。

2010/05/23 22:00:35 回覆

同意,錢唔代表什麼,只係心意.過到自己就ok.

鄉下係梅(遠).

馬仔,

有無入貨?

2010/05/23 21:53:28 回覆

馬仔:洗咗頭未 (執咗 k-i 少枝籌)?

幪面馬仔
幪面馬仔 2010/05/23 21:51:28 回覆

Hello

今日無出街在家 hea.

2010/05/23 21:47:34 回覆

安仔:你祖母葬喺邊,要搭飛機咁遠水路?

錢多錢少都係代表一點心意,按自己能力做,懶得理旁人說三道四。

2010/05/23 21:07:12 回覆

花姐,

你要保重身體呀,得閒要出外運動一吓,

炒股都要留力,星期五我去左行山東涌至大澳.

爽爆!!

金hair醫生我真係未見過噃........@@我接受唔到囉.

 

主席,

女人始終細心d.

我一直想去拜一拜祖母.

記得以前香港直飛要一個星期得一班,

 

另.今年朋友祖母去世,有說話傳到我耳邊,點解我俾咁多??

天呀!!重要有人幫口,什麼世界的.......??

 

soho*
soho* 2010/05/22 23:55:25 回覆

主席, #914, #2009那一只好D?  #1280 匯銀家電 #175 吉利 有貨.冇貨點搞? 止蝕位/加注位/入市位, Thanks !

2010/05/22 22:14:24 回覆

花姐:中國人始終相信食得飯才有精神是有一定智慧。 精神的精是「米」字邊、氣色好唔好的氣字也有「米」在裡面、唔食得飯,飲啖粥水都好,粥也同樣有「米」!

人生到最後,將還有用的器官捐出去,軀殼火化然後將骨灰撒入大海,簡單利落,如果所有人都願意這樣做,既可遺愛人間,又節省地球資源,兩全其美。

花姐
花姐 2010/05/22 20:08:41 回覆

師妹有心好返七成,慳妹我餐餐都迫自己食飯,因為病唔食冇體力,

我唔准自己瞓太多,晚飯照煮,肥仔返來,飯來口張,我閏佢『你似有病多過阿媽喎!』

慳妹我支持,就將火化後骨灰撒入大海算數!

以前既醫生有醫德好多,冇家陣啲一畢業就一起掛牌抓銀!

幪面馬仔
幪面馬仔 2010/05/22 19:22:17 回覆

師姐

師妹向你請安.

2010/05/22 15:49:20 回覆

花姐:食番飯未? 有啲醫生真係會令你好有信心,未睇已經好番一半。 以前啲醫生在診所掛有病人送來牌匾寫上「仁心仁術」或「劍膽琴心」,但現在好醫生難求,既要有醫術,又要有醫德!

你有大官照顧,我就決定連棺材都慳番,人如其名! 嘿嘿嘿!

2010/05/22 15:30:56 回覆

本週恆指走勢:

四月份共留下 6 個裂口:

4/7 上升裂口 21547 - 21747

4/19 下跌裂口 21788 - 21740

4/22 下跌裂口 21475 - 21471

4/26 上升裂口 21442 - 21489

4/27 下跌裂口 21489 - 21383

4/28 下跌裂口 21224 - 21121  

連同本週新增一個,五月份至今共兩個裂口:

5/5 下跌裂口 20743 - 20504

5/17 下跌裂口 20131 - 20012

5/17 19832  19832  19593  19715

下跌裂口 20131 - 19832

5/18  19768  20012  19674  19945

5/17 下跌裂口部份補回 20131 - 20012*

5/19 19552  19785  19546  19579

5/20  19694  19747  19276  19546

本週最高 20012最低 19276

今年高位 1/11 - 22671

今年低位 5/20 - 19276

花姐
花姐 2010/05/22 15:29:40 回覆

慳妹,病了五天,錢真係可以把痛苦減輕,區區感冒原先打算吃些成藥可擺平,點知年齡出賣了我,結果愈咳愈厲害,頭痛有如火山爆發,不敢怠慢,晚上肥仔回家雖然見其累態畢現,本放棄叫他載去看醫生,可是痛苦的煎熬都要開口,幸好都係人,有人性,在元朗看過的醫生診所停低,讓我進內診病,誰料護士小姐報稱一小時醫生才回來,我等唔及啦,轉去最近的另一間,皇天不負有心人,我排第二位,未幾輪我了,入內見一年輕男生34左右,問題不大,不過他染上成頭金髪,閃過肥仔以前的顏色,(現在明白會嚇人一跳,已染深栗色),登時我真係想離席,心想俾你醫得好才怪,唔屎已執一身彩,他冷漠的問我有何病,告知頭疼有很多痰,又流鼻水吸入冷空氣咳到粒肺,然後同我聽前後肺,跟住話多飲水出去等取藥,唔洗三分鐘,好夾我的性格『快』,似乎又快左啲播,取藥坐車速速返歸,其實想講某些行業的形象是否真的須要兼顧一下,唔同髪型師、模特兒、歌星、藝員要誇張打扮,引別人注意,總算大命,藥到病除!

你阿姨有你總算執到,我睇怕日後入棺材都要自己瞓入去,慳妹我靠晒你架啦~

我阿媽以前有病住院,每逢我和家姐探望,梗同隔離病友話好彩有兩個女,依靠仔屎快啲,一切天意呀!

2010/05/22 14:31:33 回覆

豪餅:心誠則靈,看來佛祖收到你的 message 發功啦!

 

家母居長,有弟、妹各一;阿姨 03 年底先後兩次中風,後來又患上癌症,帶病延年。 今年初癌細胞擴散,醫生建議自費注射每枝六千元的特效針藥,每個療程三針,但阿姨自己拒絕;最近一個月病情急劇惡化,醫生叫大家有心理準備,昨午我到醫院探望,在耳邊對阿姨說:「今天是佛誕,佛祖來接您,您已經了無牽掛,請安心上路;日後您在天有靈就保佑兒孫,記得順便保佑我!」

一小時後,在歸家途中接到大表弟電話,阿姨安詳而去。

阿姨有 4 個兒子,沒有女兒,可能男孩子始終是粗心大意,所以她事無大小都找我商量;料不到人生最後一程亦間接由我替她畫上句號。

2010/05/22 12:58:06 回覆

主席和各位:

午安,多謝主席的分享.

2010/05/21 21:55:24 回覆

有朋友私留言問我日前提及做咗功課的幾隻心水股是甚麼,我就在這裡列出來:

長倉:莎莎 5.00 或以下,息率超過 4.5%

短至中線:安踏 11.50 或以下、太保 28.50 或以下、中興通訊 21.00 或以下、昆崙能源 9.00 水平、朗生醫藥 4.00 或以下。

由於外圍仍在下跌,這些預設目標價要隨時調整,止蝕位亦按個人情況設定,因為恆指 19000 看來並不很穩妥。

2010/05/21 21:41:34 回覆

k-i 少:從恆指日線圖看,我覺得另外兩個大位是 19110 和 18500。

soho*
soho* 2010/05/21 18:37:47 回覆

         {#200905091604028472_600w.gif}佛祖保佑, V 型反彈, 險過剃頭, 從地獄返回天堂 {#20080715220140507.gif}

內地股指期貨結算日, 上証綜指開市見2481(跌74點)後拗腰上2584, 收市升27點(報2583), 以接近全日最高位收市, 又係V型反彈, 從即市低位計上升了103點, 阿爺! 靠你喇!

周四港股V型反彈, 周五內地股市V型反彈, 今晚美期結算, 有冇V型反彈呢? 唔該歐美股市生生性性, 唔好再發癲, 就算唔升都唔好再插喇! 拜托晒!

2010/05/21 09:09:50 回覆

CEO 真忙,仍未見得閑出來;

soho,persie:2601,我昨日入1手29.15,前日入2手30.2;----長倉

名仔:2357,以前在3.3入手(長倉,潛水中),19/5再入時,預穿上午低位即沽冇面睥!!

長倉貨1919,175,2009,1777,極度潛水中,因為不在我手中,不能游水,好希望好似soho,成日可以游來游去,好自由!

soho*
soho* 2010/05/21 00:56:31 回覆

每逢股份跌穿整數大位 (五毫.一蚊), 我都會睇下佢能否立即走番上黎, 否則就會擔心佢既波動區間向下移, 不過太保招股價係 $28, 斷估跌穿都識得番上黎, 所以太保$29我就覺得可以入第一注, 佢近日走勢明顯轉弱, 如果內地股市仍然不振, 保險股都唔頂得幾耐, 如果想入貨, 最好用止蝕資金黎買太保, 唔好加入新資金.

Persie
Persie 2010/05/20 23:25:03 回覆

主席: 我真係慢慢儲緊貨架#883我曾經持有一段長時間, $7開始買,兩萬股長短倉. 可惜後來太開心沽晒補回.

 

好想買太保 #2601, 但見佢跌破$30大關, 想起soho教誨, 臨崖勒馬.

 

之前沽出的1000 #6,我在$44.80買回。估唔到在被洗倉中重傷的我,仍有6號仔我,好!

 

如果歐元解體, 我真係唔知D高息貨幣會點走, 所以我主力傾向儲人民幣. 但以我買左澳幣廿多年, 見證過它有17厘高息, 亦見證過它在金融海嘯由$7.5碌落$4.68, 上個月再重上$7.20. 我咩野風浪未見過? 所以我唔係好驚. 中銀都俾到4厘幾息我, 如嫌不夠永亨更佳. 不過中銀exchange rate website, 澳元一天間已跌了4.5%, 天啊,實在滑得好快。

 

在市況急跌中仍堅持自己是對, 是不容易。

2010/05/20 23:20:22 回覆

CEO 真有本事, 越忙越開心.

CJ :  oh! 小弟昨天  (19/5) 入左你放的 2357呀.

包
2010/05/20 22:46:31 回覆

hi~all

馬仔:洗左頭未,ha~

主席:辛苦但鍾意,能做自己鍾意的事,忙也開心~恒指現時邊個係支持位?thx

2010/05/20 13:22:04 回覆

主席,和各位:

午安,今日各愛股暴跌,,,,2000,2005,175,,2357,1177,1889,***

好彩2000,昨日已走,今日補返少少,多謝您的分析.

2010/05/20 09:28:18 回覆

舅父仔:唔緊要啦,就當做長倉慢慢儲貨,迎接下一個牛市。

2010/05/20 09:25:47 回覆

k-i 少:我係辛苦命,愈忙愈開心,真要命!

你估我係花旗嗰個操盤員,按錯掣,1k 變 1m?

昨晚做咗功課,揀咗幾隻心水股,定咗死雞價,幾時到價就買,隨緣啦!

2010/05/20 09:22:21 回覆

花姐:好好休息,好番一齊打大鱷。

花姐
花姐 2010/05/20 08:55:15 回覆

各位早晨:病到七彩,咳到似狗吠,食完西藥手軟腳軟,股市屎很多人,大家低估戰况,我昨日開市沽了2005,雖然執少好多, 下午已跌到入貨價少隻少些牽掛,大家唔好太勇,留得青山在,日後再可戰大鱷,人還很虚弱,昨日電腦壞机,肥仔半夜載友人回家修理,今天才可回應大家。好眼瞓休息一下。

包
2010/05/19 23:53:34 回覆

主席今日有無沽幾球期指對沖現貨?番工幾好嗎?

 

聽日會唔會掛死雞盤?

 

 

Persie
Persie 2010/05/19 22:34:39 回覆

我今日又表演空手入白刃,買左 #883 ($12.2) 同澳元 ($6.7)都花左幾皮野,而家見到澳元跌到$6.57了,跌勢好急吓。我隻首域資源都在短時間內跌左足足10%,大大獲。

2010/05/19 21:40:35 回覆

Pouring cats and dogs,大家今晚放工有冇很狼狽?

2010/05/19 21:37:29 回覆

cj:中航科下一個支持位 2.40,阻力位 2.80。

現階段所有基本或技術分析已失去作用,全部股票去到死雞價,只按個人情況是否夠膽搏反彈或長倉分注吸納;之前我多次表示 2/8 的 19423 並非全年低位,看來明天趁長週末假期前會應聲而破。

包
2010/05/19 20:47:29 回覆

馬仔:有無養猫?

假期就到,有無去食三文魚壽司?

幪面馬仔
幪面馬仔 2010/05/19 20:23:39 回覆

k-i 少

隻老虎現在變咗病貓,不過此刻好多都喺。

包
2010/05/19 20:20:02 回覆

馬仔:今日有無俾雨淋到?

你連老虎都夠膽打,咁個市俾你沽左落來都好合理啊,hah

有無心水股想買?

幪面馬仔
幪面馬仔 2010/05/19 19:30:52 回覆

k-i 少

我沽空個D,唔會上榜,所以你在 soho 屋企睇唔到架。
 其實無買賣,點會有空.

包
2010/05/19 18:42:14 回覆

hi~all

馬仔:有無沽空? {#200812262310082020.gif}

2010/05/19 15:41:22 回覆

主席及各網友:

午安!我都要錢!!!!

要先撤退神信了,目標轉2357********有空請幫忙看看.下午2.7入,見穿2.65,速速走人,明天再看..

2010/05/19 13:26:58 回覆

名仔:

{#h用就是了.gif}

2010/05/19 10:04:03 回覆

主席及各網友早晨  : 又跌300pt. 並無止蝕, 死啦 !!! 要找大耳窿借$買貨....

2010/05/19 09:43:38 回覆

今日又玩過山車!

包
2010/05/18 23:43:05 回覆

hi~all

主席:多謝你分享x2

Persie
Persie 2010/05/18 22:43:34 回覆

主席:多謝你分享你的長倉股票啊!

 

今日港燈好勇猛!

瀏覽更多回應 正在載入...
user