心理測驗

如果而家畀兩支火柴畀你，要你隨便咁拼一個只有一個交接點的圖形，你會點拼???

2支火柴代表2個人之間的關係，火柴係一樣會燃燒的物品，所以今次係睇"男女"關係，拼出嚟的圖型代表住你理想中男女之"愛"係點?

1)山形─如果兩支火柴打斜咁拼埋一齊的圖形，代表住兩個人同心合力向住同一個目標邁進，為咗實現共通的理想，互相鼓勵，互相支持。拼出呢個圖案的人所追求的係二人三足同心合力的關係。

2)L形─如果兩支火柴只係響最邊位有交接的話，代表住你唔想有深入的關係。想見面的時候先見面，想一齊玩的時候先一齊玩，你追求的係無拘無束的關係。

3)T形─由一支火柴去支撐另一支火柴，直的一支代表女性，上面的一支代表男性。呢個係傳統由男士做帶領/決定，女人乖乖聽話就無問題的表現。你追求的係大男人話晒事的男女關係。

4)X形─呢個係身心完全交接的關係。你追求的男女關係理想圖係一份不論係"性"同"愛"都要好滿足的關係。"X"形係女性接受性愛的象徵圖案。

5)十形─一個像十字架的圖形，雖然似"X"，但係因為角度唔同，所以意思都唔同。"十"形代表住你追求的係靈魂的交合，理想的純真愛情關係。

(純粹由日本心理測驗書轉載，信不信由你)