嬲與笑之間
2010/06/04 09:42:38 網誌分類: 生活
| 貓太多，常會叫錯了名字，把阿Kidd當做小Miu，想小甘來，口裏卻說了阿寶，貓爺又似乎不太介意，反正牠們回應與否，視乎心情，有時叫紅豆來搔貓頭，卻有三隻貓有反應，都把頭仔伸過來要你搔癢。 我有時懷疑，牠們是否真的知道自己有不同名字，還是靠辨別我聲音的高低，去分析人的狀態；聲音愉快時就敷衍一下你，憤怒時就逃之夭夭，不過更多時是「撲克臉」，睬你都儍。 那天，當米米又因為玩報紙玩到太過亢奮撒了尿，我很氣，大喝：「臭米衰米」，或許憤怒的氣場一下子在空氣中充斥，竟然所有貓都一齊看着我，之後全部「飛機耳」，夾着尾巴走避，客廳一下子空空如也，看着又笑了出來，這樣又嬲又笑的日子，我想是所有養貓人的寫照。 關慧玲 |
 | |
Catlover , 你個故事係咪未講完 ? 個貓啱啱做完絕育 , 唔係要休養好先送俾人咩 ? 除非係有經驗喇 , 如果唔係我諗都唔係咁好 . ........
見到米米，我想同大家分享吓我的故事。
我的遮大(Jedi)本來是隻街貓, 一年前有朋友個朋友話想要貓B, 我想努力借機會幫吓de貓義工, 送走一些小孤兒啦, 點知送來的, 在貓籠中臥着的是一隻剛剛做了絕育手術的少年, 眼昏昏的, 好似仲未完全清醒咁。死啦....同貓B好似有D距離喎！貓義工話, 「你盡吓人仕啦...唔好睇佢生得咁大隻，其實佢係小朋友嚟𠺢咋，頂多八個月大啫，佢唔怕人，好乖好乖，如果唔係我do放翻去啦！」
可是...
小鴨子: 我的貓貓也愛睡在我旁邊,像守護我的貓天使啊!最近給他做了新貓床,他很喜歡呢.
關小姐,
我家也養了兩隻貓, 牠們真的令我改變了不少, 每晚回家見到牠們, 我的心便被牠們溶化, 我很愛牠們, 牠們也感受到, 其中一隻貓貓愛跟我睡, 還要貼得我好實, 另一隻豆豆好像懂得聽人說話, 叫牠一聲便會走來跟我一起坐, 我真的愛到牠們不得了.
小鴨子
關小姐: 謝謝你.
要不是網友提起懷孕與養貓, 我真係唔知有d人會咁諗播. 期待你下期的文章.
關小姐，
好呀！好呀！在下期專欄講有關題目，可以讓多D人暸解清楚，貓咪同孕婦其實可以共存，而且我深信在懷孕期間，貓咪的趣事必定會為我帶來快樂，對肚中的BB仲好啦！
米米媽:
其實我覺得米米佢地係聽得明你講野既,唔好講貓貓,講下狗狗,佢地都會明白主人講d咩,所以我認為貓貓都無係一樣,只係天性cool d, 無狗狗咁熱情罷,我更相信,唔止人係識得睇人眉頭眼額,其實連動物都應該會識架,.....
bluepanda，
重點：讓舊貓知道你不會貪新舊，鍚牠多一點。新貓最好是貓b，如是貓仔一定要絕育，否則可能引起舊貓打牠。
cccat，
真係無見不排咯，幾好嗎?貓也好嗎??
black cow,
多謝你呀，好在有你這種不盲從的愛貓人，不理性的故事聽得太多了，我能將你的經歷再寫一次?在下期的專欄?
關小姐
好耐無同妳傾談了~~~~睇妳以上的文章,妳的呼一聲就唔見貓咪.哈哈哈
關小姐，
我好喜歡睇你的網誌及專攔，更會剪下貓咪的相貼在公司，當然我亦是特別喜歡米米。我家有兩個兩歲幾大既小朋友：小黑（波斯貓，男仔），牛女（英短摺耳貓，女仔），佢哋都算好乖。
我想分享一下「懷孕與貓」，我預備今年懷孕，好多朋友叫我送走佢哋，但是我當然唔會為一個新生命放棄佢哋，因為佢哋都是我的仔仔女女。香港群貓會之前邀請咗獸醫及外科醫生講解「生一個仔要殺一隻貓」，大家可以到以下網址觀看：
http://www.catsocietyhk.org/cs/?q=node/121
睇完後，我暸解到有機會令孕婦流產既「弓型蟲」不只存在貓咪的糞便中，食生肉（魚生）既機會比貓咪大。弓型蟲會在貓咪排便後24小時才蜉化，所以只要注意清潔就會減低風險，希望多D人認識，小D貓咪被人遺棄。
祝各貓咪及貓奴健康快樂！
貓貓的確FEEL到我地生氣或唔開心0架.
如果家中一向只有一隻貓, 突然有另一貓加入, 佢會唔會唔高興0架? 事前要做D咩準備, 讓新舊貓可以互相適應呢?