賭徒（２）

2010/06/17 09:32:33 網誌分類: 未分類

17 Jun

香港放咗一日假，期間美股大升咗一日，前日杜指大升213點，昨日幸好也保住升勢，最後微升5點收場，兩日加埋升咗218點。

美國5月新屋開建數字大幅下滑，Fedex季度業績唔理想，加上西班牙債務危機有升溫跡象，美股繼週二大幅收高之後，昨日早段偏軟。不過，美國總統奧巴馬見完BP公司總裁後，BP同意設立200億美元嘅墨西哥灣漏油事故賠償基金，市場消除了不明朗因素，能源板塊普遍上揚，帶動大市反覆回升，杜指收市更倒升5點，收10409點；標普500指數微跌不足1點，造1115點；納指持平，報2306點。杜指期貨最新報10386點，比現貨低水21點。

港股美國預托證券與周二收市比較，維持升勢。ADR港比指數收20448點，比香港收高386點或1.9%。匯控收報74.83元，比香港收市高1.3%，中移動收78.07元，比香港收市高2%。

美國公佈的房地産市場數據令人失望。在美國政府結束向購房者提供減稅優惠政策後，美國5月新屋開工數字按年計下降了10%，總數59.3萬套，跌幅高過市場預期的下降5.2%至63.7萬套。　　

昨日公佈PPI指數則表明5月份通貨膨脹壓力依然溫和。指數較4月下降了0.3%，少過市場預期的0.5%。如果不考慮流動性較大的食品與能源價格影響，核心指數則增長0.3%，係連續第七個月環比上漲，其中以輕型卡車價格上漲較為明顯。而5月份工業産值則較去年增長1.2%，高過上月及市場平預期的0.8%。

上次講起賭徒，又有一個例子和大家分享，網友失敗投機者留言咁話:「陸sir,睇完你篇文,我亦好有感觸,想分享自己的故事,亦希望陸sir指點迷津.我是一個掛名股票經紀 (因為沒有客,只是自己幫自己炒) 入行只有半年,但自己投資投機經驗都有幾年,工具包括期指期權牛熊等衍生工具.係半年里,試過用20多30萬本,1個月里搵左20多萬,但最近都輸番出去,連自己的本金都輸得七七八八,覺得自己非常失敗.好多時我都覺得自己是一個投機者,同賭徒是有分別.但有時又不其然諗,自己係唔係都是一個賭徒.因試過曾經幾張期指,幾球牛熊過夜,一晚輸十個(10萬).我而家都是未到30歲,但都經歷了多次大上大落.而家負債接近100萬,好迷失.我是想做一個成功的投機者,不過到現在為止,結果係失敗的.但如果轉第二行,都唔知何年何月有機會還清.我知道陸sir一定見過好多呢類例子,希望陸sir可以分享你的睇法。」

我後來追問「失敗投機者」，究竟佢欠100萬和炒股有無關，佢咁回應:「陸sir, 100萬是之前欠下的,都是炒股,炒期指,期權輸的.而最後剩下20-30萬,諗住可以慢慢翻身,不過就越踩越深.」

聽完全套，可以總結「失敗投機者」的個案，佢合共借咗100萬，之前炒輸咗70、80萬，剩番20、30萬，過去半年做「掛名經紀」輸埋，即係輸清100萬，不知何去何從。

人作為靈長類動物之冠，論攻擊力不如獅子、老虎，論速度不如獵豹，憑甚麼稱霸地球? 主要係用腦，靠學習。我看過一輯紀錄片，講一隻猩猩如何慢慢學識用石頭打開椰子來吃，猩猩都OK，可見智力更高的人類，學習能力更高。對，就是高階思維和學習能力，令人類可以稱王稱霸。那麼「失敗投機者」你又從自己的失敗經驗中，學到甚麼呢?

你總結唔到，我替你總結，第一，你未具備投機贏錢的能力，但有好清楚的失敗往績。好似賭馬睇隻馬過往賽績，我睇你啲炒股賽績，都會估你賭落去多數輸。直至你發現自己過輸的原因，並經清楚測試你的總結是正確之前，最好方法是唔好再賭。停一停，諗一諗。

第二，我靠估你輸錢的原因，和好多散戶炒股、炒衍生工具輸錢一樣，係同大朋友對賭，輸俾佢地。賭衍生工具是一個「零和遊戲」，你贏，就是對手輸，你輸，對手就贏，而你賭衍生工具，對手並不是隨機分布的其他散戶，而係各式各樣的大朋友。炒期指，散戶好多時是和本地和外資大戶對賭，試想一間大行自己炒作都可能買賣幾千張期指，要搵散戶做對手，佢想揸，自然造到個市有咁衰得咁衰，佢可以借現貨大手沽空，然後買期指，插到底反手撈番現貨，坐待收成。反之佢要沽亦都係一樣，造到大市好好等你接佢貨。至於期權和窩輪，你去買，就係同沽家對賭，方向有三個，升、跌、唔郁，你買升，開跌或開唔郁，都係你輸(唔郁時會輸哂「時間值」)，即使你買升買中咗，股票真係升咗，都要你走得到先至算贏，曾經升過你無走，最後跌番落來，你一樣輸。

第三，要賭贏大戶絕不容易，要在鱷口偷金賺小小使費已經好難，我估你炒作的方法根本係錯，好多時甚至不是炒作，係賭博，你話「因試過曾經幾張期指,幾球牛熊過夜,一晚輸十個(10萬)」。炒咁大過夜，好多時和賭大細無乜分別，炒股過夜，最大變數係當天晚上美股表現，美股升一日跌一日，邊個咁有把握估到美股點走，你揸咁大過夜，可以一晚發達，也可以一晚輸清，同賭錢無大分別，如果你每次都把手上注碼投哂入去，中兩日，錯一日，最後一錯都你令你連本帶利輸哂。唔識控制風險，係炒作方法的根本問題，成日想一朝發達，一晚番本，結果反而會把自己的本金不斷賠上去。所以簡單一句，唔識賭唔好賭。

第四，後生大把機會。你話做掛名經紀自己炒「到現在為止,結果係失敗的.但如果轉第二行,都唔知何年何月有機會還清100萬欠債.」呢個世界無得一步登天，有正確方法，慢慢累積可以修成正果，方法唔正確，只會愈行愈遠。如果你做經紀有自己客仔，一個月有萬零銀或以上收入，自己唔炒都可以搵到食，當然可以做落去;但如果你根本無客，靠自己炒食自己佣，半年炒股唔見30萬，平均一個月都唔見5萬，你唔係打工收錢，係貼錢打工，不如唔做好過。

第五，肯博實有出路。戒掉壞習慣，增加正收入，係累積財富之路，我唔知你有乜其他壞習慣，例如賭波，如果你賭一次2000次，買3次中一次淨輸兩次，一年隨時唔見10萬、8萬，戒咗佢已經有唔少錢還債，打兩份工又多啲錢還債，花三幾年還清債務，從新上路。關鍵是從失敗經驗中汲取教訓，唔好再做錯事，慢慢就可以行番上正當軌道。

陸羽仁

回應 (146)

我要發表

陸羽仁 2010/06/18 10:02:22 回覆

陸羽仁覆網友

CCB:你話有閒錢好唔好買恒大，內房股中，龍頭當然係中國海外，另一國企華潤置地都開始有規模，二選一我會選華潤置地，因為佢size相對中海外細啲，成長空間大啲，而且部份土儲相當便宜。但這兩隻都係大股，論增長，當然不是高增長股。

恒大老細如拼命三郎，下下去到盡，好博，博到最近幾季賣樓呎數追過大陸最大的萬科(銀碼未追得上)，成為售樓呎樓全國排第一的房產公司。如果俾佢博到，佢未來兩三年增長會好勁，但講得係博，自然都有風險，只怕佢資金週轉唔來，特別係股價跌得比較多，都會影響其再借錢的能力。所以唔係唔可以買，要係買佢時要有控制風險的預備，要麼定止蝕，要麼只放小注，輸咗唔入肉。

Fatfat3838:廣東省的政策都係想產業升級，想將一些低技術、規模細勞力密集的細廠換走，如今佢地頂唔順提高工資或民工荒，被逼關門，和廣東的政策大方向相符。

Loss confidence:輸得多，贏得少，係散戶炒股累積輸大錢的原因。而炒期權、窩輪仲難，因為呢種東西適當時候要落車，想贏得多，坐過籠又變輸，炒呢啲嘢更有一個適時食糊的問題，更難把握。

大虎:你問點樣才可以投機贏錢，呢個係成百上千本書探討的主題，等我組織下，再在網誌講講。

紅油炒手:你呢個問題好有趣。「"白街" 話日日幫你慳----慳左即是賺左。黎耀長話買野慳左$3.8，即是賺左3.8。看似有道理，但又覺似是而非，譬如今天2628收市$34.8 相比起海嘯前$53.8。今天買，平了$19------照白街話齋: 賺左 $19。若姨媽姑姐從不買股，今天買 1萬股，豈不即賺19萬？明天再買、再賺，甘容乜易發達？」

首先，贏輸有時是相對的，假設你全屋炒股都輸錢，你由頭到尾都不買，放在銀行存定期，到頭來你多錢過佢地好多，你「贏」了，這是「不賭是贏錢」的道理。

但要絕對地贏錢，第一要買到好股，佢賺到錢，股價會增長、派息會增長。第二要買入價便宜，咁就更抵。所以姨媽姑姐過去從不買股，但今天佢34.8元買國壽，當然比53.8元買國壽的人「賺」了，因為同一件貨，佢買得平當然有「賺」。但倒過來說，如果姨媽姑姐一世人都不買股，你買國壽，即使在53.8元買，買貴了，但跑十年廿年，國壽的股價加派息，好可能比在銀行存款高，咁買咗貴的國壽(假設佢係一隻中長線都可以保持盈利增長的股票)，長線都係比揸現金好啲。

你另外問的投資酒樓的問題，要花一點時間講，不如下星期在網誌中再答你。

2010/06/18 09:52:00 回覆

子龍兄，

仲有仲有「有前冇後，打死把就！」

haha

子龍 (kaka就是大叔的契哥) 2010/06/18 09:14:07 回覆

門徒兄: 早晨呀何為攻何為守???

攻要狠守要忍

攻想嬴守怕輸

攻如雷守如陰

攻要直守要曲

攻要動守要靜

攻要溝守要坐

攻要long 守要short

攻中有守守中有攻攻守兼備大戶也頭痕呢 ${#icons_boy1}$

2010/06/18 09:06:35 回覆

陸老師︰

您好﹗今早老師在專欄裡提到內房股。

若果現在手頭上有閒錢，想投資一隻內房股，預左放幾年都沒問題的話，恆大地產(3333)是否好的選擇呢？因我早前抽新股時抽了一千股，想加多四千股而已，所以可以長擺。

還是內房股仍以中國海外(688)作為首選？

soho* 2010/06/18 08:50:35 回覆

感謝陸sir百忙中抽空回覆! ${#icono_85}$

2010/06/18 08:36:39 回覆

金融High Tea——內房股超前炒

2010-06-18

香港過一個端午節，就錯過了美股杜指200點以上的升幅，如果前日不是放端午節假，香港照開市而內地無市，香港跟吓日本升番1.8%，都有三幾百點進帳。

        恒指昨日高開140點後，最高升至20200點就無以為繼，跟隨A股逐級回落，收報20138點，升76點，大市交投仍然淡靜，全日成交只有492億元。

        富不與官爭

        昨日市場焦點係中資電訊設備股。中興（763）在新加坡舉行的電訊展上宣佈，獲中國電信價值10億元的合同，以支援中國電信的城市光纖網絡專案，觸發市場炒作，中興漲3.7%，相關行業中小型股份亦借錢搶高，摩比發展（947）及昂納光（877）漲9%，Z-OBEE（948）更飆升近12%。

        昨日講到澳門生意好，賭業股亦都郁郁哋，澳博（880）升2.3%、永利（1128）升3.3%，銀河娛樂（027）更追落後，升6.6%。

        恒地（012）李四叔個干德道豪宅盤天匯的天價成交，醜婦終需見家翁，最後只得4個單位成交，大部份撻咗訂，由於呢啲單位交易去年恒地已經入咗帳，所以今年要嘔番7.3億出嚟，搞到證券行要降低恒地目標價。

魔根大通將恒地目標價由68元下調16%，至58元，較淨預測資產值折讓達25%，相比自2000年以來長期平均水準18%，維持「增持」評級。

        唔止香港樓市回春，連內地證券商都開始睇番好啲內房股，建銀國際研究部話，內地發展商去年已簽訂合同的銷售強勁，相信佢地今年盈利的可預見度，應優於市場預期。保守估計，內地主要發展商至今已鎖定今年銷售預期73%，而明年鎖定23%。

        內地發展商在09年賣咗樓，唔可以即時入帳，要等2010年、甚至更後，到交樓時才可入帳，所以今年的賣樓收益，絕大部份在去年已簽合同賣咗出街，即係話今年大部份盈利已經是既成事實。建銀估計，恒大（3333）、碧桂園（2007）、綠城（3900）、中渝（1224）應已鎖定今年房產銷售預測的81至97%，為同業中最高。

        建銀睇好內房股

        建銀維持內地房產股「跑贏大市」評級，料緊縮政策的影響已被市場消化，一線城市地產市場已降溫，下半年中央不會有新的調控政策出台，房地產銷售將於下半年升番上來。建銀首選華潤置地（1109）、雅居樂（3383）、合景泰富（1813）和世房（813）。

        一般相信，內地樓市會慢啲，但不會大跌，所以內房股調整到咁上下就開始有吸引力。

        之前主要怕阿爺不斷出新招去打擊樓市，如今看來阿爺都收夠籌啦，所以敢死隊就開始入市撈貨，超前去炒內地樓市企穩啦。

        陸羽仁

2010/06/18 06:49:24 回覆

1898 中煤能源 17/06/2010 收11.1 升0.2

中煤能源於27/5以破腳穿頭轉勢訊號回升,已突破短期及長期上升阻力線,圖形利好,上升阻力為11.5和12.5.

2010/06/18 04:20:57 回覆

袋鼠：早晨噢！

又做夜鬼，睇你真係唔使點瞓噃。 ${#icono_3}$

2010/06/18 04:12:39 回覆

Dow Jones Industrial Average(DJI: ^DJI)

Index Value:	10,434.17
Trade Time:	4:02PM EDT
Change:	24.71 (0.24%)
Prev Close:	10,409.46
Open:	10,409.98
Day's Range:	10,319.22 - 10,441.20
52wk Range:	8,057.57 - 11,309.00

2010/06/18 03:31:51 回覆

小弟劣作，題為"風險管理"

http://blogcity.me/blog/reply_blog.asp?f=LK153APKF0120999&id=250314

2010/06/18 02:14:12 回覆

啊!! 原來如此!! 多謝陸sir你的回覆!! 怪不得我另一朋友說廣東省已有很多廠無做. 我諗那些全是細廠了...

2010/06/18 01:45:08 回覆

門徒，咁夜瞓，等開場？袋鼠先行一步去搵周公… 幫我同Kathleen講午安…

門徒 2010/06/18 01:37:32 回覆

子龍兄:我又問我又問...咁何以為攻又何以為守呢 ${#icons_cat9}$

門徒 2010/06/18 01:30:45 回覆

籃妹:妳問子龍兄係咪投資投機都一樣架

咁門徒想問妳投資同投機既目的又一唔一樣呢

門徒 2010/06/18 01:08:21 回覆

你班友仔:完黎個個靜雞雞私訪相授...兩美盡得真傳快成陸sir網內既股壇雙妹嘜呢 ${#icons_cat2}$

享師兄:已練成隔夜咒嗎???小門以後跟你搵食了 ${#icons_cat8}$

失敗投機者 :當初點解會有份咁既衝動借錢投資既 ${#icons_panda1}$ 銷售金融???對經濟應要有一定認識吧...係咪都要同客戶做風險評估既呢???

潘記:如現在未能改變環境請改變自已心境 ${#icons_cat1}$ 這範疇內你有神一樣的權能呢

2010/06/18 00:53:07 回覆

執拾舊影像檔案時，搵番一套James Steward主演嘅電影叫「It's a wonderful life」(1946 - 已經係public domain)，這套電影其中經典一句，亦係電影嘅故事重心，正正係陸sir在早前在營運人生所講「以生命影響生命」。

"Strange, isn't it? Each man's life touches so many other lives, and when he isn't around he leaves an awful hole, doesn't he?"

PS. 如果有睇開FarSide報紙漫畫，zuzu's petal亦係來自呢齣電影。

2010/06/18 00:38:56 回覆

亨兄:跳太多可能有反效過bor hoho

潘兄:唔係為咗錢,可以為係為你太太,家庭,未來....

Ton Ton

2010/06/18 00:02:18 回覆

好辛苦...我疲憊...但都要工作.....為乜?就係為左錢.........

小潘

2010/06/17 23:38:55 回覆

呢幾日咁靜, 似有大爆爆

2010/06/17 22:55:42 回覆

明明美匯跌，歐元升，點解道指會跌既？我唔會輸，再跳!

{#20080718152342527.JPG}

2010/06/17 22:52:44 回覆

pplo, 藍妹: 請交功課

2010/06/17 22:48:02 回覆

{#20080718152342527.JPG}

2010/06/17 22:12:28 回覆

陸sir,

你說:你(失敗投機者)未具備投機贏錢的能力

甘, 請你詳細件講何謂投機贏錢的能力,

點漾做到,thank you.

2010/06/17 20:45:40 回覆

扮豬兄：請回家 ${#icons_cat1}$

2010/06/17 19:56:05 回覆

916 龍源電力 17/06/2010 收7.70 跌0.02

龍源電力於26/5最低見6.64回升,至4/6最高見8.23調整,在11/6兩試7.45反彈,今天為外擴日陰蠋,圖形不妙,如能升越今天高位7.83阻力仍可看好,如7.45失守,便為頭肩頂形態,可能再試6.64支持,小心.

2010/06/17 19:35:27 回覆

大家好似對投機點樣長勝有興趣

唔怕「書」者, 不妨睇下,「交易創造自己的聖盃」

然後睇埋, 「想法對了, 錢就進來了」

外加「隨機致富的陷阱」

完成之後, 應該唔會下下去盡架喇

當然, 目標係投資既師兄姐(pplo, 藍妹), 有時間都可以睇下既, 唔明都唔緊要

2010/06/17 18:15:49 回覆

觀世音

作曲:方大同
主唱:劉德華
填詞:林夕

接吻聲　喝彩聲　派彩聲　拍檯聲
按扭聲　拆樓聲　跳樓聲　聽不聽
唱K聲　唱票聲　上牌聲　碰牌聲
吃糊聲　算帳聲　訴苦聲　聽不聽

＊湧湧聲浪撞睡蓮　瞬間生滅如一念
　閉起眼觀照　塵世上音波的曲線
　法界看盡眾聲　喧嘩閃似電
　像貪瞋痴交響盛宴＊

攻訐對拆論辯胡言　傾心細訴立誓甜言
爭吵哄騙大鬧謠言　也更可是非點
烽煙抗議怒罵儳言　悲哭控訴道別留言
招呼耳語問候微言　說教勸交吹牛敷衍

雨會乾　鳥會飛　蝶會死　夢會醒
樹會枯　愛會苦　耳會躲　聽不見
疾似風　逝似煙　謝似花　碎似灰
遠似星　淡似水　靜似心　聽不見

REPEAT＊

彼此有壓力未能眠　彼此有怨念夢難甜
彼此有困局問誰憐　世界誰在打點
彼此有抱憾未能言　彼此也有恨問誰填
彼此也有病被人嫌　有劫要等高人指點

(喜歡你　打倒你　未解決等你)
念在你　推舉你　別一味小器
(未表決等你　為何你未忘記　為何你想死)
大家都等你　你去死　為何你想死

聽飛蟻撲翼伴愁眠　聽喪禮眼淚滴成蓮
聽乞丐缽上撞銅錢　聽眾聲在表演
聽短訊往復渡餘年　聽伊美對罵疾如蟬
聽心跳放下靜如禪　聽法句經釋然

釋迦說法贈下遺言　拈花帶笑靜默無言
超生破障寂滅忘言　你會否靜一點
聽一個印度籍童言　聽他笑說欲渡明年
聽他喝清水彷似箭　你會否不張揚捐錢

啦...道理深　道理淺　放於心解脫
無常道都不可說　靠你解決