超錯一戰:煲呔VS余若薇
從廈門回來,香港把陶醉在閒適中的我召喚回來。
現實是,這邊廂世界盃開打不久,那邊廂煲呔單挑余若薇。
*煲呔VS余若薇,我還以為有奇跡,結果係無。
煲呔班子接二連三落區做勢,起錨超錯,嘆為觀止。做勢做得好,連胡紅玉同夏佳理都落場做廣告。黃仁龍唐英年則洗校演講,政府相當勤力。
不過,最不明白為何煲呔死都要單挑余若薇。
固然之,我是最支持議政的人,煲呔話要搵人辯論,我無理由唔撐。然則十隻手指有長短,人都一樣。煲呔出名容易黑面,而且在電視機前拙於言辭(鬧手下除外),相反余若薇身為大律師,辯論係拿手好戲。煲呔未打先輸,幾乎係註定的賽果,不明白為何煲呔仍要硬上。
別誤會,我不是說政府不應該搞辯論,但人選方面,煲呔是否最好?
在曾班子旗下,其實不乏辯才,我個人首推孫公和黃仁龍,認為這兩人代煲呔上陣,結果會光彩好多。
當一位特首當眾出來話:「我盡哂力嫁啦!」市民感覺如何?我會覺得羞家。特首身為一區之首,除了是決策者,同時是一個代表香港的人物,其公眾形象有特殊戰略作用,社會凝聚力是大是小,特首公眾形象多少有些影響。
反之,同是一個班子,手下代表主帥上陣接戰,可謂理所當然,論戰得利,固然開心,論戰失利,也還可以換人再戰,這是兵法之本。一開始就派大將出陣,大將一落敗,軍隊往往士氣盡失,為兵家之忌。
*為何不找黃司長和孫公出陣戰泛民呢?
這樣做,又會不會違反辯論的意義呢?
我又認為不會,因為辯論是需要高度技巧、思維清晰、熟習議題,以便講出重點,辯出真理。煲呔動不動黑面,出鏡冒冷汗,縱使政府在推動政改起錨上,多麼有理,由煲呔去講,也難以講出重點。
況且,礙於其特殊身份,煲呔打中共政府的工,有好多國家機密不能說出口。就算煲呔是辯論天才,也不能充份發揮。
相反,若由黃仁龍或孫公出戰,心理包袱相對小,發揮相信會比煲呔好得多,能把相對多的真理辯出來。
大家回憶一下,當日肥彭做我地末代港督,有幾何親自出來揹黑鍋子?燙手山芋的政事都由手下大將陳方安生及其他官員搞掂,自己保護好自己的公眾形象,來與魯平過招。
*肥彭從來不在小事上出手,瑣碎事都給手下代勞。
所以,個人認為,煲呔單挑余若薇,是極度愚蠢的行為。
一次,我有幸陪一班小朋友訪問煲呔,親眼見到幾位年輕官員近距離陪同煲呔,當佢地覺得煲呔有咩講錯,就耳語提點。
我心想:「煲呔,你搞乜鬼信呢班乳臭未乾的小子?」佢地出來行走江湖都未夠你老哥耐,你倒過來聽他們?
*其實煲呔平時間唔中都有落區的說!
記得商台光明頂的劉細良,以及一班論政論出名的青年知識份子,曾被煲呔挖角。不知那幾位年輕官員,是不是當時挖過來。
如果是這些人聳恿煲呔單挑余若薇,我真係得寫個「服」字。
世上不學無術,識少少扮代表之人,不知幾多。
PS
關於政改方案,我個人無咩特別意見,反正一切都唔係大家坐低傾返來,全部係妥協結果。
我認為如果市民和政府不養成議政習慣,即使有普選,香港也不能搞出甚麼好事來。
差大哥:
你講邊兩個靚仔靚女呀?
indy
咦。两个都靓仔靓女黎啵~唔怪得甘耐看啦~
天佑:
馴良如鴿,靈巧像蛇,是我們基督教教訓丫。
心正者可以行事狡猾,也能誠意之演說。
演說這回事,少一點誠意也很容易被人看穿。溫嘉寶夠高級卦,成日出巡做政治Show,但佢在鏡頭前,唔係咁多人會質疑佢的誠意(我都唔質疑佢)。
你講韋小寶,韋小寶其實就是人辦。雖然奸,但在陳近南、師太、康熙等人面前,都幾忠心。
indy
謝謝芷& QQ,
我邊有果個鬼佬老竇咁大隻呀?
佢簡直就係阿諾舒爸生力啤黎QQ
indy
indy : 呢個圖啱您多 d !!
ZERO:
就我當日所見,煲呔對鏡頭前的失言十分敏感。
他的那些小官們,近身提點佢注意說話,佢基本上好聽話。
但我覺得果個小官的提點好多餘,反而令煲呔更杯弓蛇影。
我覺得佢似係俾一班偽專家搵哂笨多D。
查實,聖經話:一生的功效由心發出。
我覺得佢搵神父幫佢矯正心態仲實際,心正則言正。
言正的人講的說話,錯極有限,就算給人扭曲,要打圓場都易好多。
俾人見你黑面,查實已輸哂分,就算唔講錯說話,人地都當左你心有鬼先。
indy
Indy: 如果煲呔希望找來理念不同的人做智囊, 就要看自己是否真有能力去駕馭!
+3
冬姐:
我周六原來要去澳門,來不了啦。
你們遊行加油噢QQ
^^Yoshi
indy
你說得對!點解唔叫黃仁龍出來辯呀?我睇好佢啊!+1