十冤九仇

2010/06/18 08:43:10 網誌分類: 生活

18 Jun

        朋友的貓記性特別好，十世的仇都記得。朋友媽某年帶貓B去打針，貓B的求救聲驚動了最錫牠的貓媽，咆哮一會更想撲前打人。之後貓媽更牢牢記着，每逢見到朋友媽都會發惡，好幾次抓傷她，朋友意圖做和事佬，貓媽卻連朋友都抓傷。

        最近朋友父親去探她，隔住鐵閘已聽到貓媽低沉的胡胡聲，令人不寒而慄，嚇得朋友爸不敢入門，原來他年半前曾無意踢中牠，這樣記仇的貓，真還是第一次聽見。

        她爸媽怕被襲擊，唯有避開。朋友很苦惱，到處問人貓為何會怨氣沖天，如何化解這段仇怨？

        或許，朋友貓曾有過失去貓B的悲慘過去，或是在街流浪時被人類欺負得很慘，戒備系統才這麼強。雖然我家十個大爺都會打架，可幸都較樂天，常被我踩中貓尾都沒有發惡，貓有時真是難以明白。

        關慧玲

回應 (27)

我要發表

2010/06/24 19:58:31 回覆

唔好意思。

因窩打老道豪華酒樓後巷有很多貓貓繁殖了很多。怕漁農處捉去毀滅。想揾貓義工帶走 d 貓。

關慧玲 2010/06/23 13:14:22 回覆

tp03,

見到你同貓仔的生活片段真開心，跟著你好幸福呢。

2010/06/22 12:05:20 回覆

tp03:小寶好靚女呀!

我媽家養的貓女都好惡0架, 佢仲對小朋友唬唬聲, 嚇得我媽都唔敢接近佢, 佢只讓某幾個人碰佢咋, 包括我, 可能因為我家有貓貓王子, 有陣貓味掛. 哈.....

不過,佢以前曾有一次走失, 在街外流浪了兩星期, 幸得神眷顧, 最後讓我們找到她. 或許這段流浪的經歷嚇怕了她, 所以才對人有戒心.

2010/06/21 22:58:09 回覆

多謝各位支持啊~!其實我都用左好多時間引佢同佢玩架~!重拍左一d短片, 平時睇到佢玩就已經覺得咩都直返曬~!

注意! 呢後短片係係岩岩過去個個週末拍架~!重係咁耐以黎第一次拍到仍全相, 所以十分珍貴架~! 所以好開心咁急住處理好就同大家分償~!

有興趣可以去睇下:

http://www.youtube.com/watch?v=T-cGXkhSbNI

http://www.youtube.com/watch?v=bdINxEBy83Y

2010/06/21 19:08:06 回覆

tp03 ,

街上成千上萬嘅流浪貓 , 偏偏叫你哋遇上 , 難得大家有緣相聚 , 同一屋簷下生活 , 當好好珍惜才對 !

我都相信有因果報應 , 可能佢前生服侍過你 , 今生要你反過來服侍佢報恩呢 ! 不過點都好 , 我好欣賞你對小寶嘅態度 , 唔會輕易放棄 , 好多時你用心去做一件事 , 只要問心無愧 , 人在做 , 天在看 , 上天自有安排 !

2010/06/21 15:45:12 回覆

tp03

妳隻"衰囡"實在太靚女啦！比佢抓吓咬吓都低啦！ ${#icons_dog1}$ 講笑咋！不過，佢嗰樣好sweet喎，唔似會係一隻惡貓，可能真係以前嘅日子唔好過，又嚇親過，所以先致咁惡。遲D當佢安定咗落嚟，就會好好多嫁啦！唔駛擔心。妳咁有愛心帶佢番嚟，比D時間，比D空間,妳一定得嘅！我地支持妳。

2010/06/21 10:42:52 回覆

對呀 ! 正如關小姐講 , 人只顧說貓貓如何兇惡 , 往往忽略了他們背後的故事 , 你看米米 , 自小萬千寵愛 , 在愛之中成長 , 那有這樣的事情發生 ? 要重新建立大家互信關係 , 總不是一件容易的事 , 幸好 tp03 你能體諒 , 明白 , 其實只要佢對你放下介心 , 家裡每日嘅歡笑聲一定多過嘆氣聲 ! 努力呀 !

2010/06/20 23:17:21 回覆

tp03, 加油啊 !!!

關慧玲 2010/06/19 23:45:38 回覆

tp3,

我常這樣想，貓貓的心，何嘗沒有傷痕?就是因為被人類欺負得不敢信人。

2010/06/19 22:07:49 回覆

sinsinho

由一接小寶返黎就預左.....其實經過咁多事, 自己好多次有放棄佢嘅念頭, 但只要念到最初係我地招野佢在先, 傷害佢在後, 而且對比佢嘅傷痛我呢d又算得係咩啊~!

如果真係放棄佢...我念咁我同出面打貓剎貓嘅又有咩分別?! 我相信有因果報應架~! 所以到最後我都隱左落黎~!

睇今日就有好結果喇~! 有左小寶同屋企人多左話題.....偶爾見到佢出黎玩到返天個樣就好笑啦~! (雖然呢d時間通常都係我地偷偷摸摸睇佢,只係咁已經可以令工作嘅煩惱都少左好多架~!)

2010/06/19 18:37:49 回覆

tp03,

你呢 d 傷痕不時都會喺我腳上 , 手上見到 , 遲 d 會退 , 想當年小米抓我嘅傷口太深 , 都成6, 7年喇 , 唔會退架喇 , 呢一世都會跟住我 , 我唔介意 , 每次見到條傷痕都想起佢 , 佢唔鍾意人攪佢 , 但若果佢心情好 , 久唔久都可以摸吓個頭仔嘅 , 近住條尾就萬萬不能攪 , 死穴嚟架 ! 如果心情唔好就 "胡胡聲" , 張牙舞爪 , 不得了 ${#icons_panda26}$ .

由佢囉 , 我見到佢食嘢 , 飲水 , 洗面洗手 , 瞓覺 , 甚至開大開小 , 只要每日都見佢健康快樂 , 我就於願足矣 , 我只想佢可以平平安安咁生活 , 唔好受到傷害 , 佢唔係公仔 , 佢都有自己嘅喜好 , 有思想 , 正如關小姐講 , 佢係我嘅家人 , 只不過係一個唔合群嘅家人啫 ${#icons_panda2}$ !