唔跟升

2010/06/18 09:32:08 網誌分類: 經濟

18 Jun

美股先跌後升，走勢峰迴路轉。令人憂慮的經濟數據接連出場：新屋建造大幅下滑，失業人數攀升，製造業指數遠低過市場預期，美股反覆下挫。但午後傳出西班牙成功賣出43億美元國債的好消息，緩解了市場對西班牙無力舉債、需要救援的憂慮，歐元向上，兌美元升近1.24美元的近日新高，刺激咗Caterpillar、卡夫食品及Chevron等向歐洲出口產品的企業的買盤，加上淡友嘅冚倉盤推動，美股臨近收市嘅半小時發力抽上，由跌轉升。杜指倒升25點，收10434點；標普500指數重上200天平均線上方，微升1點，造1116點；納指亦升1點至2307點。杜指期貨最新報10385點，比現貨低水49點。

港股美國預托證券造好。ADR港比指數收20295點，比香港收高156點或0.8%。匯控收報74.91元，比香港收市高1.2%，中移動收77.79元，比香港收市高0.8%。

美國最近公佈的經濟數據，壞消息不絕於耳，連番打擊市場投資情緒。最近一周的首次申領聯邦失業救濟金人數較上月增加1.2萬人，達到47.2萬，而市場預計為減少6000人至45萬人，數字差過市場預期。四星期的平均數字仍然係46.3萬人，雖然明顯低於一年前的高峰期，但依然處於較高水平，就業情況無乜明顯改善。目前美國經濟正持續創造出新的就業機會，但絶對數字依然太小，不足以推動失業率顯著下降。加上早前公佈令人失望的5月非農就業人數報告亦不理想，很多投資者都非常謹慎，並重新評估了他們對美國經濟復甦的預期。

另一份重要的經濟數據也令人失望。費城聯邦儲備銀行宣佈，6月費城地區製造業指數降至8點，遠低於市場平均預期的21點，5月該指數為21.4點。上月新屋開建以及動工許可證數量大幅下滑，由於房屋種類不限於低價房，係包括高價房的整體性下跌，所以政府的房屋補貼計劃即將到期，並不是導致樓市出現下滑的主要原因，因為受資助的主要是低價房，新數字顯示整個美國樓市都仍然非常疲弱。不過美國參議院已通過將原定於6月30日到期的買樓減稅計劃延長至9月30日，只等眾議院嘅通過，一旦議案獲得通過，6月份將有大量新盤完成交易，預計7、8月嘅建築市場會有番啲起色。

5月份消費者價格指數(CPI) 下降了 0.2%，不包括能源與食品等波動性較大産品的核心CPI增長0.1%，與市場預期相同。CPI連續第二個月下降，不但無通脹壓力，仲有輕微通縮，預期聯儲局可以繼續將利率維持在歷史最低水準。

睇完一堆美國數據，只能有一個結論，美國經濟即使在復甦中，也是比較弱的復甦，而且仲係俾政府插緊喉送緊養份，唔知政府拔喉佢頂唔頂得順。美股目前的走勢受兩股力量左右，一方是歐元上升歐洲危機消減，推高股市，另一方是美國數據差顯露復甦隱憂，拖低股市，兩股力量在拉扯著美股。美國再唔見到一啲靚數據，風險就會逐步增長，因為作為一個反彈而言，歐洲股市都反彈咗好多日。英國金融時報指數和法國CAC指數都連升咗7日，是去年7月以來最長的升市，呢段期間英國股市升咗5%，法國股市更升近10%，問題是這些連升的股市未必可以持續，即使歐洲開始回穩，但股市反彈到咁上下，都要先來一個短期調整，會拖番美股向下。

睇番港股，昨日走勢明顯弱過美股和歐股，完全反映唔到端午節假期間美股的升幅，一副「唔跌都偷笑」咁款，其中一個原因是受制於內地股市的弱勢，另一個原因係無乜錢來香港炒作，不止內地水唔來，歐美水亦無來，我估無水到主要是因為人民幣升值預期下降，加上大陸股市感覺唔好，跑輸美股，更令資金卻步。時近半年結，芬佬把錢放過來，怕大陸市順勢一跌，拖累佢半年條數，所以我估歐美資金即使覺得大陸股市和香港國企便宜，都唔會馬上來炒。港股跟唔到歐美股市升，怕佢唔跟升跟跌，小心歐美股市回吐時，港股卻要跟它們嘔番啲出來。

陸羽仁

回應 (367)

我要發表

2010/06/21 09:13:53 回覆

麟, 點走法? ${#icons_cat8}$

子龍 (kaka就是大叔的契哥) 2010/06/21 09:03:52 回覆

九升連誅.....我隻熊 ${#icons_girl6}$

2010/06/21 09:00:38 回覆

貓兄，南區試吓收珠江訊號，或者收到cctv1架.....

2010/06/21 08:49:41 回覆

人仔會否幫助完成九升連珠呢... ${#icons_cat8}$

2010/06/21 08:21:56 回覆

s2000, 是呀! 睇不到. 我都知新界, 九龍和港島北面有機會收到cctv5.

我唯獨是住港島南區, 是無可能收到. ${#icons_panda19}$

所以我打算為了世界杯, 搬去你屋企附近.

到時, 我真是

我屋企好近你屋企, 我地可以飲tea! ${#icons_panda23}$

2010/06/21 07:15:32 回覆

恒生指數 18/06/2010 收20246 升148點

恒指今天高開,下試低位支持,最低見20138後急速回升,預料週一升勢持續,上試13/5高位20526阻力後作浪4調整,調整後將回試頭肩頂頸線跌穿後上升阻力約21000點.

2010/06/21 06:55:24 回覆

金融High Tea——本地銀行有商機

2010-06-21

近日外圍股市喘定反彈，但香港股市未跟足外圍升幅，主要受內地股市呆滯拖累，拉住恒指後腿。早前港股跌到19000點左右就頂住唔跌，上周五收20286點，繼續一個溫和反彈的進程。

        內地突調整匯率政策

        近期內地股市對香港是一個負累，以上周五計，內地A股繼續插，上證綜指跌咗1.8%，跌到2513點，險守2500點大關。

        農業銀行上市抽水在即，對市場有好大壓力，若阿爺不發功護盤，2500點話穿就穿。上周五內地小型股跌得最犀利，創業板指數繼上周四大跌5.1%後，上周五再跌6.1%，爆咗個小型股災，內地股市未走出一個下跌不休的格局。

        相對而言，歐洲局勢有少少回穩，而美股呢次反彈到如今已超過上一個反彈浪頂，一浪高於一浪，雖然呢一轉升得多有機會調整，但美股走勢開始回穩向番上。港股就夾在中間，追唔上美股，又唔至於似內地股市咁差，正式係阿陀行路——中中哋。

上周六內地宣佈增加匯率彈性的新政策，成為中港股市新添因素。自從歐洲爆發債務危機，歐羅大跌變相推高人民幣匯價，外界估計內地將貨幣升值的機會仲低，故此部份資金開始撤離中大華區域，上海出現市民兌換美元的潮流，港匯亦強勢不再，在這個基調下，內地管理層忽然在匯率政策上變調，相信係G20開會在即，美國壓力沉重有關。

        人民幣重啟彈性匯率機制，有美國分析員估計以目前全球金融狀況，人民幣兌美元未必升值，但一般相信人民幣輕微升值機會存在。無論點都好，中央調整政策，點都改變了外界認定短期人民幣不會升值的預期，成為股民要考慮的因素。

        美資行高盛睇好工銀亞洲（349）及中銀香港（2388），佢在上月底發表一個報告，話內地收緊貸款，令部份需求轉移到香港，有些本港銀行受惠，特別是母公司是內地銀行的香港銀行受惠更多。

        內地公司來港借錢

        高盛當時睇住金管局公佈的銀行貸款增長數字，睇好本地銀行十分合理。因為3月份貸款增長按年上升9.5%，而按月亦上升2%，香港當時已是連續第三個月出現按月上升勢頭，數據反映香港銀行的貸款市場正全面復甦。銀行界人士話，香港貸款需求仍在上升中，這對銀行業的營運比較有利。

        佢話，過去佢哋受幾重打擊，首先係貸款比率偏低，收咗存款都借唔出去，但銀行營運燈油火臘開支唔細，貸款比例少就無乜肉食。其次是外圍低息、銀行水浸，令貸款利息偏低，貸款相對存款的淨息差收窄，即係借到錢出街都賺得唔多，大家諗吓那些和Hibor（本地銀行同業拆息）掛鈎的按揭就知，在拆息低企時，這些按揭只收1厘息，銀行做咗都唔見肉。第三係理財收入減少，過去銀行做好多理財生意，賺取非利息收入，但自從雷曼事件後，金管局收緊銀行經營這些業務的限制，銀行大歎生意難做。

        雖然這些大環境因素未完全改善，但最壞的情況已經過去，特別是貸款需求持續增長，令經營環境慢慢有根本改善。

        銀行界人士話，好似工銀亞洲阿媽工行（1398）是內地最大銀行，在內地生意網絡龐大，在內地受制於阿爺限制放貸的政策，有啲客戶需求借錢都借唔到俾佢哋，但如果對手係國企，在香港有子公司，過去香港子公司唔使借錢，如今就可以叫這些國企子公司在香港借，借完運番去內地用，這就是高盛所謂母公司係內地大銀行的本地銀行之優勢。

        高盛薦工銀亞洲

        高盛在5月底出完報告後，到呢個月中再出報告，話本地銀行業前景較今年初好轉，估計工銀亞洲今明兩年估計盈利增長仍然理想。高盛出完報告後，工銀亞洲都升咗唔少，上周五收市20.45元，已好接近高盛的21元目標價，距離佢嘅一年高位21.15元，亦只差3%。

        工銀亞洲現價只等如10.5倍市盈率，可等略回吐時吸納，然後食住經濟復甦帶動本地銀行業生意回升。另一隻阿媽係內銀股嘅是中銀香港，是外資行睇好的本地銀行股，上周五收17.76元，比一年高位19.88元，仍有12%差距，不過論市盈率中銀香港現價已經是13.7倍。

        中環茶友打趣咁話，外資銀行阿媽窮個仔賤，因為阿媽唔會照顧阿仔，如返內地做阿媽同個仔會爭生意。但以工銀亞洲的情況，卻是阿媽富個仔貴，同阿媽有分工，按道理工行是環球市值最大銀行，亦是中國第一大行，自己咁威，都想個仔威啲，所以等佢個仔股價回吐時買吓，唔止可以食住香港經濟復甦條水，仲可以望吓佢阿媽做多啲嘢湊大啲個仔，都有啲投資價值呀！

        陸羽仁

2010/06/21 02:25:24 回覆

奇哥，話時話，係講吓波經先至引返你出嚟，之前又上咗少室山避難？

包 2010/06/21 01:55:43 回覆

鼠：意大利對新西蘭都贏唔到@@睇下人地巴拉圭咁樣贏法，清脆俐落，咁先係強隊架嘛

係球場上點樣跌法都係一種戰術戰略來的

意大利贏唔到新西蘭

就算話意大利幾慢熱都好，都好難令人滿意啦

2010/06/21 01:37:05 回覆

奇哥，你都要求幾高下 ${#icons_cat9}$

唔知係咪大笨偏見，見佢意大利佬有幾吓輕微碰撞，都會跌得好勁好狠

PS 到目前為止，呢屇世界盃，馬會應該好好賺

包 2010/06/21 01:14:30 回覆

意大利打得唔好

節奏打得唔夠快和迫得唔夠緊

但好過英國果場。

2010/06/21 00:34:20 回覆

求知散仔，唔計輸俾「上帝之手」那一年，另一“蘭”已經令佢嘅擁躉失望四十四年了。 ${#icons_cat3}$ PS 新西蘭個龍門真係上咗身 ${#icons_boy9}$

2010/06/21 00:26:26 回覆

1188 正道集團 18/06/2010 收0.275 跌0.01

正道集團於4/5最高見0.47調整.今天剛跌穿長期上升軌支持線,圖形不妙,往下支持位為0.185和0.15,閃.

2010/06/21 00:11:08 回覆

你地出街睇喇...雖然我唔睇...但我覺得會熱鬧D

我見有D 商場都有大電視播世界盃 ${#icons_panda2}$

2010/06/21 00:02:14 回覆

大笨,

估唔到新西蘭打得咁好，好過另一隊有個“蘭”字果隊，下場新西蘭對巴拉圭，照用番呢種打不死熱血精神去作賽，加上新西蘭龍門上埋身，佢哋可能有機出線十六強啦！ ${#icons_cat9}$

期待北韓對葡萄牙，可能北韓 K.O. 葡萄牙 ${#icons_panda5}$

2010/06/20 23:53:51 回覆

求知散仔，你上次話紐西蘭夠熱血，今場對意大利佢哋真係夠熱血 {#201005121723109976.gif}

2010/06/20 23:48:03 回覆

噢!

2010/06/20 23:29:20 回覆

貓兄:

我比你嗰兩個方法都唔得??

你住邊呀... 我住新界 cctv1可以睇到喎....免費收的...

2010/06/20 22:39:55 回覆

早場看到的網, 中場開波前又斷了, 另一個又unstable

可能有線有專人去捉, 點都好, "死不裝有線"

至多早 zzzz

2010/06/20 22:34:01 回覆

意大利真係有十二碼運（又係8號仔）… ${#icons_panda20}$

2010/06/20 22:30:15 回覆

我在香港住個屋苑，裝完有線之後再取消，接收訊號會有問題。

2010/06/20 22:28:20 回覆

史哥, 全部都是 ${#icono_74}$ , 包括世界杯! ${#icons_panda13}$

大笨袋鼠, 我都想同你一齊慶祝, 借5舊來去 k 房呀! ${#icons_panda12}$

2010/06/20 22:23:23 回覆

仲期望紐西蘭可以再完場前最後一刻贏一球十二碼，代替澳洲報四年前俾意大利臨完場前呃一球十二碼之仇…點知班兄弟咁好嘢，七分鐘整球俾意大利嘆！爽呀！！

PS 賽前呢邊電視台播某一個意大利球員「假動作」精華剪輯…

貓貓，去K房或酒吧啦！多啲人睇開心啲！

2010/06/20 21:50:45 回覆

Last Bullet, 佢地答應o左 cancel contract ${#icons_panda3}$

牆頭草, 我就是上網睇不到! ${#icons_panda8}$

2010/06/20 21:19:27 回覆

貓,

上網睇得喎, 正在看, 不過呢場好悶.

用你的智慧看以下 www.atdhe.net or TVU player to cctv5

2010/06/20 21:12:10 回覆

牛腩兄,

我十年前已經發左個毒誓……

「生不入官門死不裝有線。」

希特拉咁惡都CUT唔到有線呀﹗

http://www.youtube.com/watch?v=dAFbbyzpk-8

2010/06/20 21:03:29 回覆

我因為上網再睇不到世界杯, 因為比人blog曬, 而且我仲是用 i-cable 上網.

最後, 我本來已向有線低頭, 走去申請, 2年合約. 仲加錢睇高清. 而且今早仲打算換o左個芒, 買部full hd tv 24".

不用了...... ${#icons_panda10}$

因為我是i-cable上網用戶, 已經有十幾個免費台比我睇. 佢地答應今日開波前, 有得睇.

點知是沒有. 原因是佢地未轉到比我. 氣死我! ${#icons_panda8}$

都不人知點做生意. 趕客! ${#icons_panda27}$

最後, 決定cancel contract. 因為佢地沒有理行合約.

我同世界杯完了!

什麼都...................完啦! ${#iconb_cat5}$

2010/06/20 19:23:28 回覆

MarvinLi，其實話幫朋友都要分開睇邊個嚟幫，明白自己錢財自己管就幾好，但有啲人唔明白係佢哋自己決定，有時股票唔跟意願方向走時，會俾佢哋媽。不過我估DreamBoy唔係特別指呢啲咁個別嘅股票、市場分析，而係對個人理財之中，根據風險胃納而作資產分配嘅分析。

門徒，睇得所有內銀股咁差？三寶係大笨嘅重點根據 ${#icons_panda5}$

阿爺要唔再做東亞病夫、吐氣揚眉、大國崛起，一定要戒咗美債呢隻毒！ ${#icono_4}$

PS 有另一個叫日本嘅東亞病夫做辦你睇。

2010/06/20 19:05:35 回覆

大笨袋鼠 18/6/2010 18:11:45 網友在此的回應

//I rather now helping/advising some of my close friend on some financial decision/stock picking or 心理輔導 ppl only//

MarvinLi，講說過程中會有快感，都係一種回報。而且這些事理知識，要可以做到解釋到別人容易明白，自己才可稱得上真的明白箇中道理，助人其實亦同時助己。

PS 你有無同朋友講明，你嘅意見係有投機/賭徒心態架？

當然要state risk la,通常:如果呢隻xxxx咁weak 不如沽左佢反正都係low買下指數fund etf 好過啦,個market 一升 d index etf 都會彈,,,又唔會跑lose 大市,不過有risk 架就係你隻字####跌左咁多幾時反彈我唔知彈果下會勁過大市的range ,,,通常聽到if反彈會快個個市d人又係會長hold唔放...但又好少有幾會有人問你的股票係100%唔會彈(700,175,2866,2038,各色蚊形股....)

唔講明正反兩面又唔得...講左,,,一定擇短炒變長渣(打唔到個hold的中文)
好人難做呢

門徒 2010/06/20 16:11:27 回覆

阿爺似乎中伏呢...(美債)變相貶值啊 ${#icons_panda8}$

2010/06/20 16:08:59 回覆

"人行調整人仔匯率彈性"會有咩事發生?

即係人仔變相升值

門徒 2010/06/20 16:08:49 回覆

咁原地踏步又是唔是錯呢??? ${#icons_panda1}$

2010/06/20 16:05:54 回覆

我知道買完939過一排實要供股

不知是好是壞!? ${#icons_dog3}$

門徒 2010/06/20 16:02:00 回覆

爛賭小妹:好少財演會話內銀差的 ${#icons_cat9}$ 我個人觀點之麻妳想買就買啦到我第日想買時妳賣番俾我丫 ${#icons_panda23}$

2010/06/20 15:56:47 回覆

門徒&史哥,

內銀咁差嗎?呢幾日仲打算買建行... ${#icons_dog9}$

門徒 2010/06/20 15:50:10 回覆

史哥:我唔係幾鐘意玩內銀(息差未擴闊前) ${#icons_cat10}$ 而且股本權益定期分薄中...而且大量放貸實存隱患呢

2010/06/20 15:41:51 回覆

"人行調整人仔匯率彈性"會有咩事發生?

好驚...... ${#icons_panda6}$

扮豬兄, 我都有2823 =.= 等到頸都長......

2010/06/20 15:38:52 回覆

我的策略: HSI

跌 abt. 2000 點----->開始買,

上升 abt. 2000點 ----->開始賣

最近底部 18971,

回彈上升左 1300, 快到浪頂, 小心的 !!

2010/06/20 15:32:40 回覆

Brother 門徒(尋求1個%的奧秘中)

e... You have a share /bull for '939'? ${#icons_panda1}$

P.s Yes,

2010/06/20 15:26:20 回覆

噢!

門徒 2010/06/20 15:26:12 回覆

史哥:圖形就是雙底破頸線係咪??? ${#icons_cat1}$

2010/06/20 15:03:53 回覆

Afternoon everybody: ^^

P.s Brother Cat Cat:

Are you still ${#icono_74}$ now ar?

P.S Brother 門徒(尋求1個%的奧秘中):

I found a golden hill valley showing on the daily graph-939 with SMA(5)(10)(20). Besides, the Signal MACD had already shown a double bull signal now also.

Wa.... ${#icons_panda26}$