BBC用人恰當
在英國播完馬後當然睇世界盃,三場直播賽事分別是中午十二時半、下午三時及晚上七時半,中間的一場我在雅士谷做直播當然看不到,但仍可以早到一些,在旁邊BBC評述員的電視觀看(BBC直播),尾場則可回到酒店看,今次推卻一切英國朋友約會,也無去看歌劇了。
BBC不單不惜工本,用高科技不同角度及慢鏡轉播,而用人更妙到毫巔,前金靴獎得主連尼加一向是主播,上屆他走訪各個地方訪問備戰情況,有深度兼風趣幽默,而由他主打之餘,嘉賓包括荷蘭「青光眼」戴維斯講歐洲隊(他去過歐洲不同地方搵食)、多哥艾迪巴約講非洲六隊(他認真利害,賽前完全不看好任何非洲隊,結果全中),奇連士文則大捧德國,亦有前英格蘭猛將如修夫基和迪臣,兩位守將負責講每隊防守戰略。
不過英國與法國始終係世仇,由第一場起狂踩法國和杜明尼治,更有不少鏡頭播杜明尼治的「衰樣」,又不斷重覆法國「不光釆」地淘汰愛爾蘭,而墨西哥一役更人人都幫墨西哥,識睇的朋友都知道他們想一次過將烏氣盡吐。