學琴

(看到下面一段, 記起一篇未登的文)

青心直說 [胡孟青] 2010 06 30

香港教育制度唔湯唔水係人都知. 衍生不小搵食行業.  据聞現代教育正攪上市.

其他小朋友興趣班也是不小家庭的主要開支.

以下是所見所聞的學鋼琴故事 :

阿女阿仔出世後己經聽到人人話要發掘小朋友潛能, 考小學中學都一定要有"特殊技能", 如音樂運動一定要有一樣.

最熱門是鋼琴, 每區都有幾間.  阿仔四五歲就帶去試, 睇睇佢有無天份 ??

試完一定(多數)是以下結論

鋼琴鋪 : 阿仔幾好丫, 好有音樂感, 你睇佢彈得幾開心. 要早些開始, 對腦部發展有幫助.  (當然啦, 阿仔第一次玩大玩具,一定開心. 腦部發展  ?? 點証實 ?)

阿仔: 好呀, 好呀, 我想學  (大玩具喎)

阿媽: 哦, 咁你俾心機喎.

結果一星期一堂, 每堂三百, 另買書一千.

幾個月後

鋼琴鋪 : 阿仔好快上手, 但要經常練先得.  可以租這裏的, 每星期起碼两次.  或是買個在家日日練.

結果每星期花多幾百, 跟著不久阿媽覺得家中有鋼琴都幾好, 像是高檔不小, 又可以迫阿仔日日練.  最後家中百多呎的廳多了部琴, 飯桌要靠邊放, 吃飯先拉開.

一年後 阿仔對大玩具己生厭, 喜歡踢波多過練琴.  阿媽的投資被聞置, 對阿仔的期望落空. 經常逼阿仔練, 關係也弄差了.  阿仔只覺得琴是他的惡夢.

結果家中多了一件沒用的家具.

現代父母我覺很多是做得太多了.  放鬆吧.