神奇梳
2010/07/09 08:43:06 網誌分類: 生活
貓退毛的季節,就算密密替十貓梳毛,家裏還是毛球飛揚,唯有多啲來密啲手。最近有網友介紹,買來一隻可以梳底毛的梳子,令我大開眼界。 它的外形像個扒,比普通毛梳貴,最初還以為不過是哄愛貓之人的把戲,找甩毛怪米米來示範,輕輕在它背上一梳,竟扒出一大團毛來,不費吹灰之力,就梳出平日多三倍的毛髮,不知情者以為我在跟牠剃毛呢。 它的原理其實很簡單,梳子後端的齒比前端的緊密,所以能將藏在裏面很難甩掉的毛梳出來。原來真有這種令厚毛貓咪舒服得多的梳子,只要一次,梳出來的毛真可以織一件貓型冷衫,米米看來也涼快多了。 翌日,在地上滾動的毛果然少很多,果然貴得有道理。 關慧玲 |
我睇完這網介紹...網上又有一個更平的...不過我未買..未肯定是否真貨!
不過...貼個網出黎..比大家分享一下...
http://hk.f1.page.auctions.yahoo.com/hk/auction/1124804035?
OLD OX
多謝你的情報,原來好少寵物店有售,香港區仲超貴,各位要格真格至好,最細的SIZE不貴過一百蚊就合理。
CHIP AND DALE,
呢隻米米都好靚仔,我家米米叫我來打招呼丫。
大家如要買把furminator耙形梳, 不用去銅鑼灣區景隆街一帶找. 昨日行過, 得總統商場的"經X寵物用品"同"名X純種貓"有售, 但售價分別是$16X和$28X, 超貴; 北角和富城市花園一帶也不用找, 事關該區寵物店同樣不見耙形梳蹤影. 今日特地逛太子金魚街, "紅X蔔"同"X-Pets"都無賣, 近弼街同金魚街交界, 有個"樂"字的寵物用品店找到, 賣$98.
回家幫隻英短梳毛, 耙出約一個小童假髮般數量的死毛!!
Old-Ox
我已經買咗把梳啦! 勁多毛梳出嚟!
這是我家米米呀!
bluepanda,
短毛貓都要梳的,其實梳毛的目的,不只為了家居整潔,而是貓愛LAM身清潔,如果LAM下太多退出的死毛,會結成毛球團在胃內,有時見貓嘔毛就是團下的毛太多了,這樣對牠身體不好。這是要梳毛的最重要原因。
你隻仔都好靚噃,唐貓仔甩毛問題通常不太嚴重,都好架。
我都訂咗.....呢幾排兩位貓大人喺咁退毛,不停梳毛,掃地,吸塵都係唔掂,希望聽日攞到把梳可以幫到手啦......我做工人唔緊要,至怕佢兩位大爺食得太多毛毛嘔就慘喇~~
關小姐:
多謝您的意見
關小姐: 我的貓貓王子只是普通的家貓, 身邊的朋友一是養狗的,一是什麼都不養,只養人, 所以我真的沒見過毛海啊, 看到你替米米梳出一團毛毛球, 真是大開眼界呢!咁普通家貓都要梳毛嗎?
囝囝媽咪,
如結了毛球,我建議先字小剪刀將毛結剪去後再梳,因為無論如何輕力,拉扯毛結都比較痛,貓大爺可能詐型啦。
bluepanda,
你養甚麼種類的貓?長毛貓和厚毛貓(例如英短或異短)毛較多,退毛問題較嚴重,你未見過毛海?去任何一個養以上貓種的朋友,都會俾到你睇架。
我說的普通梳,都是動物用的那種,扁平的密齒梳,人用梳梳齒咁大隻,梳唔到架。
關小姐: 我未見過毛海啊. 難怪各位一聽到神奇梳就起哄啦! 你說短毛貓普通梳已可應付, 在寵物店的普通梳, 還是人用的梳都可以呢?
謝謝你!
我想請問如果貓貓身上已結了很多毛球, 這把神奇梳是否可以發揮解毛功能?
題外話一則, 尋晚交收時哥哥仔話呢幾日唔知點解突然咁多人買呢款梳, 剛剛post上去好快已經有人bit, 我話因為我將你條link宣揚開去, 佢尷尬一笑, 好可愛, 哈 ^v^
嘩嘩嘩, 真係不得了, 呢把梳勁好用, 平時兩隻唔多甩毛o既大爺輕輕一梳已經有好誇張o既效果, 甩毛怪叮叮更加壯觀, 三隻大爺更加露出非常冧o既表情, 而且梳完之後d毛好滑, $68平靚正, 強烈推介 ~~~
wongmaymay,
底毛梳的原理是輕拉出裡毛,但無損面毛,所以不會扯甩貓咪表面的毛毛架,不過短毛貓甩毛少,所以普通梳已可應付了。
咪嗚,
係丫,梳完貓大人啲毛真係順咗好多,你的大爺喜歡就好囉,我以為旺角買已好平,點知網上仲平,多謝大家方推介。下次都係再格吓價先。 你隻喵好英呀。
關小姐妳好,我都買咗啦,今晚在地鐵站內交收,星期日看完妳的blog後在網上搵到的,正是小儀post的link,6.8cm賣$70,剛剛試用完畢,嘩,勁掂丫,我家大少勁冧勁開心,梳完後超嗲,d毛滑咗好多,不過奉勸各位阿四一定要去浴室梳,否則真箇是毛情洶湧,非常多謝關小姐的推介!!
關小姐,因為我屋企個隻d毛好短,如果用呢把神奇梳米會梳哂d貓毛出黎囉?
(包括埋健康個d貓毛)係米架? 謝謝!
bluepanda,
是呀,一般換毛季節是春天之後,因為牠們冬天會長出一層底毛,本是是保暖用,所以天熱就會甩,是正常生理現象。
我家幾隻短毛貓甩的毛不多,普通梳已可應付,不過幾隻英短就難搞些,退毛時節家裡毛海浩瀚,非處理不可啦。
謝謝您的推介,我會買來試一試,會再來分享
請問係咪一定要同貓貓梳毛0架,無論係長毛定短毛?
貓貓退毛的季節通常係幾時呢?
小儀,
對呀是這把,嘩,網上買仲平!!!可以介紹俾多啲人喎。
Hi 關小姐, 試試這條link可不可以, 因為他沒有詳細介紹, 所以我不肯定是不是你購買的型號
http://hk.f1.page.auctions.yahoo.com/hk/auction/1124668399
小儀,
我click入去但睇唔到把梳的樣子,不過如果都係以梳底毛做設計,都應該差不多,你可以問吓買主。
的確唔係間間寵物店有,因為比一般梳貴,未知佢好處前,唔係咁多人會買。
關小姐,原來唔係每間寵物店都識這把神奇梳,有些店員仲一頭霧水,但皇天不負有心人 ,我都買到了,好開心呀,即晚試用了,初步請先慢慢梳,因每隻貓咪反應不同,各貓主人唔好心急,此梳好好用,梳走好多死毛,我與兩貓少爺都鈡意!多謝關小姐推介!正正!
關小姐你好, 我上網搵到呢把梳, 賣$68, 賣咁平我驚係假, 你認為買唔買得過 ?
http://hk.f1.page.auctions.yahoo.com/hk/auction/1124664578?rr=1050393235
ding,
掂唔掂丫?貓大爺鍾唔鍾意???
買左la, 買左la, 唔該哂 miss kwan & black cow , 我都係在金魚街買,都係$98,haha~
我這個是最細的SIZE,98蚊。在旺角金魚街其中一間寵物店買的。盒面寫明是FURMINATOR
可唔可以影把梳的相睇睇呀...我想買呀
Thank you. =)
米米好得意呀!
CHIP AND DALE,
餐桌?無喎,係點樣架????
米米好正....
我家的貓貓也是叫米米呢! 都係甩毛甩得好勁架,
睇到你介紹的底毛梳, 我會買把試試 : ]
另外你家的貓有無用餐桌呀?
windykwai,
米米毛皮好厚,梳完係少咗順滑咗,不過說明書都話唔好太用力梳,太大力恐會傷到皮膚。
我在旺角某寵物店買的,近金魚街有好幾間,佢寫明係firminator,好似一個扒咁嘅,有三種size,我買的是最小的98蚊。你可先格價。
嘩~~ 貓咪d毛會唔會 "粒" 晒嫁.. 對佢地d毛生長有冇影響???
請問係邊度有得買? 係米間間寵物店都有? 謝謝!
由於群情洶湧,再一次鋪firminator的資料上來 大家可以參考吓。
http://www.furminator.com/shedless.cfm
各位,無錯,就係black cow介紹的那隻firminator,強烈推介。
我上星期都買咗一把furminator黎服侍兩隻貓大爺,好有效! 不過佢地似乎未習慣,成日想走。搞到我要趁佢地食飯嗰陣係咁梳..
米米個樣好 enjoy 咁噃 , 關小姐好似幫米米除緊件底衫咁, 爽爽 , 米米真識嘆 !
關小姐咁多貓 , 梳出嚟 d 貓毛可以織一件彩色貓衫喇 !
甩毛怪"米米"...睇張相就知佢好舒服喇,我估如果用吸塵機去吸貓毛,米米媽你屋企咁多隻貓貓,一個吸塵機袋可以一野就滿晒...
關小姐,
好開心聽到個梳幫到你同埋各貓大爺換涼快夏天look!在新梳的登塲下,米米是唔是繼續蟬聯家中的甩毛冠軍呀?
Ding and pakboma
在賣寵物用品店有其他牌子, 在網上尋找"超級去死毛梳",見到"Furminator"呢隻專利梳好多人讚好,可以去佢地網址[睇片],效果同我隻一模一樣「勁」,記住要去浴室幫佢地梳,唔是D毛飛到周圍:
http://www.furminator.com/shedless.cfm
不過,上網D價錢都幾參差,由一百元內到四百元內都有交易,我個梳就買咗大約一百元,可以去寵物鋪或者上網睇下。
早晨,我好心急呀!關小姐這把梳是否在寵物店買到呢?我都想買呀,叫做“梳底毛的梳子”好驚喜呀,看到米米個樣超滿意,好似在講...正呀,好舒服呀主人 ,我另一推介,也是可針對貓毛的,就是供貓食的新鮮貓草,同小麥草個樣相同,好處是貓毛會從便便中排出來的,很不錯!
Miss Kwan,
可唔可以post 把梳張相出來,我都想買返把,謝謝!