不誠實的女店長
家裡附近的一家茶餐廳有位女店長經常口甜舌滑,但小妹對她極之反感。每次回家必然路經該店,總見她態度親切的說:「立小姐,你很久沒來了。」看著她笑意盈盈,本來禮貌上也應該報以一笑,然而想起她過去曾幾次欺騙小妹,實在不想理她。
小妹一向忠厚老實,自然最討厭別人砌詞狡辯。話說有次小妹晚飯時點了一碟蒸魚,等了三十分鐘依然未到,便催促這位店長,豈知她說廚房的師傅忘了,現在馬上趕緊幫你再做,然而該店的老闆兼大廚與我極之相熟的,他走出來跟我說,是那位店長忘了落單,不是廚房的問題,換言之是店長在推卸責任!(記她大過一次!)又有一晚小妹點了個「薑蔥生蠔煲」,事先已問這位女店長生蠔的數量會否很少?她用高八度的聲音答我不會,並說會叫廚房多送我幾隻的。誰料那生蠔竟然是做蠔仔煎蛋或蠔仔粥所用的「珍珠蠔」,是根本不可能用薑蔥來煮的,因為蠔仔的體積經過煮熟後,會由一粒「珍珠」變成半粒「綠豆」,是要用放大鏡才能找得出的,況且那些根本不能稱為「生蠔」,是存心欺騙消費者嗎?(又記她大過!)另一個晚上,小妹不記前嫌,又點了一個檸檬蒸烏頭,這次很順利,也吃得很滋味,但付錢的時候,店長說因為這條魚特別大,老闆吩咐大魚一定要多收兩元的。但小妹點菜的時候,從沒要求過要特別大的,何故吃下肚子才要我接受這個差價?根本不合理!別少看這兩塊錢,付得委屈就自然生氣!(第三次大過!)
本來這家茶餐廳的晚市小菜是很不錯的,為了一個不老實而又可惡的員工,令小妹只好選擇放棄。當然除了以上三件事外,小妹還最怕人說話時聲音高八度的,加上不停的說話和過份熱情的行為,令我完全無法享受一頓安樂茶飯。我不怕嘈吵,卻怕一種刺耳的噪音。有時不受歡迎的聲音鑽進耳朵,就如千百隻蒼蠅飛到面前,一樣令人發瘋的!
* * *
以下這些就是<珍珠蠔>
小本生意要誠實可靠才能得到街坊的支持架!
呢種人,市面都不知幾多.
平哥,有好多人為左美食,真係唔怕俾人鬧架。
師姐,係囉,做生意誠實好緊要呢。
呢个世界真係變左,誠實D人真係越来越少了,唉
以前我住係港島東時, 在西灣河有間 "大壽X和X", 見過有個女部長黑口黑面, 高聲呼喝客人, 聽說她經常都是這樣, 客人也習以為常, 她是我所見過服務態度最惡劣的服務員, 但很奇怪, 在這間日本餐廳外面長期排長龍等入座!
我都最怕大大声讲野同唔诚恳的人!
咁GE店員都有架! 我係老闆就立即炒魷啦~
有时为了好味的食店,宁愿忍受差劲的服务,确实无可奈何。
立冬应该把这情况直接反映给东主知道,当然如果东主就是这女店长,就无话可说了。
我都好憎人唔老實,一定唔幫襯!加星一粒!
May姐,可惜間食店是休星期日的,所以佢日日都享舖頭睇到實呢。
Winkjet,多謝!以後要多來流下口水啊。
有心人,我個樣咁善良,唔蝦我蝦邊個呢?
奇哥,那個薑蔥生蠔煲真係好離譜啊!
Cashin,那間食店多收你廿元又真係好過份喎。
Liji姐 & hoho姐,點解你地咁叻睇得出我係俠女呢?
心之,是呢,食飯是唔可以受氣的。
六哥,你說得沒錯,老闆真係靠晒佢啊,因為佢都幾盡忠職守的,所以兩蚊都要同我計囉。
大臣哥,你對我真係好好啊!
如玉妹妹,我很久沒去了,一於唔理果個女人呀!
將你這篇文交給他,已盡己任算了!
Indy,有位高人幫我整架。好多謝佢呢!
Wongi,是呢,現在我這裡是間豪宅啊!
Winnie,係囉,我唔想吃飯吃到一肚子氣呢。
石仁哥,是呢,我真係一個快樂老實人啊!
冬姐:
一直沒留意,你換左個好靚靚既招牌喎。
邊個幫你整嫁?
indy
羅賓兄,可惜佢老闆好buy佢,而佢又當正自己係老闆娘咁。
多謝佩妮!唯有唔幫襯佢啦!
好厲害呢!立冬,你的家變得很熱鬧呢!
美食令人分心啊!
怎可以專心閲讀你的好文章呢!
果斷滅絕這些不良的分子,值得送上勇敢星星一個呢!
可惡,這種鋪頭,不要再去了 16+
不用帮衬他们,俺煮给你吃
不過如果我係老闆, 可能正正好想請呢d伙記. 始終識social既店員同精明既客仔一樣咁少. 二害相權取其輕也.
員工倒米,老闆點會唔知,可能另有原因,又或者有特別關係,好難講,香港地唔光顧呢間,仲有大把選擇,選間老實,唔受氣已經賺番。+1
難道立冬好好恰?
+不信星13
立冬不愧為俠女耶!
第二,三件事係好差的服務
可能係以最少的成本賺取最高的利潤
而唔係想提供最好野。
有D人以為咁樣叫做能幹嘛!
而且佢可以做咁耐,佢老闆可能好欣賞佢呢種技倆。
indy
一般情况下,这种情况发生多次,便不会帮衬了。
可能见你靓女,好虾D呢。又或者,妒忌你靓过佢呢。
呵呵! 立冬把頭頭的菜式修改了, 美味的鮑魚, 真令人垂涎欲滴呢!
+7
从此文看,更证明立冬妹妹是一位行侠仗义的奇女子。加星推介!
你講既第三個case,我都有類似經驗,話說我跟朋友去打冷,點了一個鵝片,我地係睇左價錢60元才點的,到埋單時,發現金額不對,收多了二十蚊,一問個伙記之下,佢比我地既答案係"老板,我突登叫廚房斬幾件鵝脾比你地食架",我地都鄂一鄂然,我地幾時有要求過要鵝脾呀, 基本上這間食店我朋友係幫襯開既,經同老闆交涉後,我地比番60蚊就算了,果啲人真係好有問題
立冬晚安!
看在這家的晚市小菜不錯的份上,
或者趁她沒返工,再尋求美食吧!
+4
立冬,我也有類似的經歷,和你一樣,和它拜拜.
立冬是個快樂老實人,但竟被她當老襯添..實在可怒也.
要向老闆兼大廚品她一品,使她知錯後改!
有陣時對著呢D人,都好無奈。唔想對住佢,唯有唔幫襯。