《魔疫》.....part 2

又係講《魔疫》呀!!事緣噚日本來抱住開心興奮的心情去睇"豆豆"，但係人算不如天算，最後因為有"意外"發生，結果臨時臨急轉咗去睇呢套內心爭扎咗成個禮拜，齋睇明信卡都足以令我毛管戙嘅"蟲蟲"─《魔疫》。

已經有好幾年冇睇鬼片同驚嚇片，其實真係好鬼驚，加上之前一系列的毛管"蟲"反應，等開場的時候只有"如坐針氈"四個字可以形容自己。整體嚟講套戲真係唔錯，雖然講唔出有邊一段最嚇人，但係成套戲冇悶場，戲情節奏明快，驚嚇一浪接一浪，單睇戲情就可以五粒星滿分攞四粒星。(唔想講得太仔細，費事畀人鬧我爆橋!)

另外，套戲的音樂效果都非常一流。事關一套驚嚇片嚇唔嚇到人，條聲佔咗一半功勞，以於《魔疫》 的音效.......唔.......夠幫佢攞埋剩番嗰一粒星。

 咦!!咁咪爆燈?!又唔可以咁講喎，因為最初搞到"身痕"咗我成個禮拜的"蟲蟲"竟然成為扣分位，因為實在太差喇，十災之中只有蝗蟲為禍同虱災較有"睇頭"，而行雷閃電天降冰雹同瘡災只能用講係強差人意，睇E-card好過。所以扣番半粒星，總分畀佢四粒半星喇!!!!

另外，值得一提的係個ending，完場之後我收到兩個反應，有個"天真小女孩"問:咦?!唔知會唔會有第二集呢?但係，呢個咁令"小女孩"疑惑的結局，坐我隔離嗰個居然用"爛Gag"嚟形容，即係點?自己睇完自己諗喇!!!