PACO名人會
PACO名人會
PACO名人會

轉型當美容達人 出書開店分享心得 袁彌明︰下一步結婚生仔!

2010/07/26 08:46:40 網誌分類: 生活
26 Jul
        袁彌明敢言,不平則鳴,有說她當年因不忿被無綫抹殺,毅然轉行從商,開拓美容產品事業,要知道,「塞翁失馬,焉知非福」,這一轉,讓袁彌明眼界大開。做生意非要集天時地利人和配合,袁彌明對網上傳聲筒又愛又恨,愛它能堆出每月300萬營業額,恨它稍有差池便令人萬劫不復。搖身一變做美容達人,袁彌明滿肚大計,出書教扮靚,開分店,結婚生仔,每樣都是她今年要做的。主持:黃柏高統籌:林永匡協力:彭燕燕、袁東亮、陳紀瑩

        做生意,引入新美容品牌,讓袁彌明當上美容達人,剛推出的新書《袁彌明28日魔幻煥膚全體驗》教人洗面護膚,還追上潮流推出iPhoneApp,電子書大收宣傳之效。

        「新書參考美國、台灣、日本及中國的美容資訊,加埋自己心得寫成,好有用!所謂『28日魔幻煥膚』,其實係想教人護理肌膚,你知嘛,皮膚新陳代謝周期大約28日,每一周期就退換一層角質層,跟住我做,每一日都好重要,因為要Keep住由內至外做保養,所以每個步驟都唔可以Skip!電子書係將新書分拆推出,方便隨時閱讀。」

        星級顧問團

        出書教人護膚,自身保養很重要,袁彌明皮光肉滑,生招牌更容易贏取信任,袁彌明說她甘願當白老鼠做試版,加上身邊有大班星級美容化妝師作她的顧問,早已試出一套自家扮靚秘笈。

        「我15歲已入行拍廣告,仲記得當年由阿Zing(頂級化妝師)化妝,當時大家都啱啱入行,後來亦跟很多星級化妝師合作,佢哋畀好多專業護膚貼士我,我自己都鍾意試唔同產品,皮膚屬中性,唔易敏感,所以唔介意做白老鼠。試到好用又價錢合理嘅Product,就會介紹畀朋友。」

        兩年開三店

        說到生意,袁彌明滔滔不絕,加上善用網上傳聲筒,拍短片教扮靚護膚,結果成功宣傳自家小店「袁彌明生活百貨」,賣她認為是最好的產品。

        「初初只係想同人分享扮靚心得,寫唔夠具體,所以買部DV機自拍放上網,網上宣傳效應好大,同時都驚俾人鬧,鬧我唔緊要,唔好鬧我公司。所有產品都係自己試過覺得OK先引入,例如王牌產品角鯊烯(Squalene),每日搽一、兩滴,一個星期毛孔明顯收細,BB濕疹都用得,每個月賣過萬支。男人最煩係暗瘡,我有隻Botani草本暗瘡膏,點一點,兩晚就謝。賣產品會先了解成份,上網搵資料,做足功課,依家每月營業額有300萬,九月會在尖沙咀開分店,希望年底前在沙田區開一分店。」

        搵樓大半年未睇啱

        袁彌明愛得透徹,談到感情生活,她會大無畏告訴你跟男友拍拖同居如何愜意,現正計劃結婚生仔,準備隨時步入人生另一階段。

        「我同男友係玩Poker牌識,佢係穩陣派,做任何事都好穩陣,好醒又有學識,斯文又乖仔,從來唔去蘭桂坊蒲,好難得,我揀定咗佢,下一步會結婚生仔,依家搵緊樓,想搵層1200呎,三間房,最緊要四平八穩,唔好有斜路,有斜路邊推BB車,好危險,最好有落地玻璃,港島區,大坑、銅鑼灣、跑馬地都睇過,總之搵到就會結婚,不過都搵咗大半年,未睇啱。」Paco袁彌明

        黃柏高

        ■向來敢言的袁彌明,做過節目主持又講過世界盃;近日她轉戰商界,更出書教人扮靚。■性格率直敢言的袁彌明,曾出席維園舉行的城市論壇,大談????模風波。■袁彌明(左)曾在有線擔任世界盃主持。■做生意有道的袁彌明,與胞姊於鬧市開舖賣餅。
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.