<街童> 第四章(重遇)

2010/08/11 19:06:44 網誌分類: 《街童》小說 (會努力去寫)
11 Aug

兒子沒有確實回答我的問題,只說:「我再想下先啦,總之,呀媽妳要信我。」之後,他很自然地把話題轉到:「係呢,呀媽你返工果間小學開始要出卷未呀?我返緊既中學下個月測驗啦。」

「我果d已出左一大半,唔使同呀媽擔心,呀媽打字一向係又快又狠架嘛,又識自己畫畫,排版又學過,你同我定啦。」

「不過唔係快、狠、準,因為呀媽成日打錯字……」

「嘿,知錯能改,善莫大焉。最緊要個定稿冇錯囉!」

「今晚食咩呀……」

「食煙……肉蛋漢堡!」

「呀媽又嚇人啦。呀爸今晚收夜咩?」

「佢有兩個同事請左假,一個人頂三個。你知佢辛苦就唔好亂用d錢黎巴結同學,知唔知?」

「又變返到先講既野既,唔制呀,呀媽,咩都你講晒啦。不過唔使我煮都已經好好架啦。」

恰巧,那星期學校開始與合作伙伴討論如何籌辦一個禁毒遊戲日,主題包括遠離毒品和煙草。我拿了一些單張看,並找到了網上版,包括一些青少年對朋輩染上毒癮可以怎麼辦的資料。

「咦?」

「做咩事呀,老媽子?」

「你老媽子有個舊同事,嚮佢返工果間小學製作左個好完備既禁毒週教學計劃,佢地小學用左,話d小學生都覺得好有用囉。」

「香港黎黎去去都係得果堆學校,呀媽你做過咁多間,緊係會有同事終於事業有成架啦。幾時到妳呀?」

「一早”有”左,”有”左你呀!你好好地讀完書,做個好人,就係我最大既事業。」

這一晚,我邊看着日記邊想……十數年了!十數年前,那所謂舊同事,是我曾經暗戀過的;當然,他不及我現在的丈夫好,而到最後,即使我跟那舊同事能走在一起,我必定會離開這舊同事,在於性格和理念都很不同。其實,十五年來,我的心靈長大了很多,嘴巴也磨利了許多,對於以前做「教學助理」職場上曾遇過的不快事,卻好像很難忘記。丈夫說,難忘記,就拋開吧;拋開不代表它們已不在,但已不能再影響你了。

事有湊巧,在籌備禁毒遊戲的中期會議中,這舊同事到來講解了他們的設計。他,好像認出了我;他望望圓桌上的名牌,更加肯定是我,所以會議完結後他開始跟我談話:

「好耐冇見,仲係咁青春喎。」

「我,仔都有啦,中一啦!」

「我個女依家先小四。估唔到,大家又年長左添。」

「閱歷豐富左,幾好丫。好多困難,我依家都解決得到。係呢,點解你可以做果間學校做咁耐既?成二十年啦喎。」

「近我當時既女朋友屋企,即是我依家既老婆囉。」

呵呵!

年輕女孩子,時常陷入對一見鐘情的迷戀狀態,時常構想對方是沒有女朋友的寂寞男生,更妄想自己擁有驚為天人的魔法,可以奪得眼前男生的「芳心」。其實,人大了,化了,這一切我又怎會在意呢?

「唔通你地拍拖拍左好多年?個女先小四咋?」

「由中三開始拍,都唔記得幾多年囉。」

丈夫知道,又會捧腹大笑。其實,知道又如何呢?他第一句想說的可能是「抵死」,第二句是「你想多了」,第三句或者是……「佢今日發左福未?」

 

待續

回應 (0)
我要發表
user

最新回應

ivina
ivina 2021/12/09

{#iconb_69}

ivina
ivina 2021/12/09

英文版UPLOAD緊

wongi
wongi 2021/11/06

送上星星。姜B魅力很厲害,他的影迷在金鐘的麥當奴排隊,在mirror 樂隊前拍照啊!場面熱鬧啊!

淺雪
淺雪 2021/10/30

你都幾多想像力..不個鍾意一個人或一首歌..係冇理由可言..