河馬仔冇馬跑望燈一想

2010/08/15 22:18:39 網誌分類: 生活

15 Aug

9月5日賽馬日就快到,作為一位馬迷來說,就像在農曆年三十晚對住電視倒數一樣(即係又一年.........冇乜新意)

總覺得馬季開鑼意味住我銀行戶口的數目字又預備倒數,希望今年的速度不要這麼快,但正所謂"人生滿希望,前路由我創",一日在世上,奇跡可能會出現,當然每位馬迷都希望有機會發達,如果贏到三T的話就更是理想的奇跡.

還記得前兩年有幾次贏完馬後,去馬會領回五位數獎金,當時真係覺得好威(因為馬會職員會寫低您提幾多錢,後面的馬迷就睇住您贏咁多錢........當然唔夠兩個月就輸番哂.........",及後就和家人到大飯店食番餐勁,每次都大魚大肉,捧住個肚走,跟住第二朝就番工捱騾仔,但次次臨番工個晚都諗下如果有一次真係贏大錢的話,就去銅鑼...灣食鮑魚慶祝一下,又如果贏到真係唔使番工就好啦..............不過次次我就會諗起我阿媽的一句說話,因為我阿媽係我每次贏馬輸馬後都好鐘意講呢一番話.

"錢搵人就易,人搵錢就難",我細個個陣唔信,但出到來社會之後就好信.

靠一雙手賺錢係唔易,特別在現今香港社會.不過正如我阿爸係我中學時同我講:"您要中六合彩的話,都要有廿蚊買四條電腦飛.您唔去賺錢的話,連個希望都買唔到."

奇跡當然唔係成日都有,但一定唔係等個天跌下來的,雖然好可能奇跡一生中都不會出現,本人亦未曾見過奇跡出現,往往都是失望而回,不過相信只要有恆心及熱誠的話,我還是相信奇跡的出現.
...
當然我上述所說的奇跡不只是博彩的範疇,人生在世連小小的希望都不給自己擁有就有點兒沒趣.可能努力和奇跡係有一定的連繫的,一齊努力吧!原來賽馬之中有時都能尋找到少少的生活靈感.

到了暑假中段、又到了動漫迷熱烈雀躍的日子了。因為各式各樣的動漫及同人活動都會開鑼、大家當然都會大汗疊細汗、唔怕太陽哂住都樂在其中啦!

今次河馬仔專欄為了多謝各位支持、迎接這個熱力夏日、三位看板娘---馬場樂子、馬場彩珠、MARY CHAN齊來支持同人創作。今次WALLPAPER主題為「以心傳心」、繼續支持充滿心思及愛之同人創作。

今次由河馬仔出品、由同人組織mech-doll之畫師AKI繪製而成。