睇樓
2010/08/20 07:14:52 網誌分類: 經濟
第一次同愛人去睇樓~
好耐好耐之前, 我跟爸媽去睇樓; 當時, 覺得好悶, 好悶, 好悶呀!
昨日, 同愛人去睇樓仍然係悶既, 不過我自己又可以講下野, 問下野, 唔只係做跟尾狗仔……
為將來美好既生活質素, 我地唔介意買d舊舊地既屋, 因為可以大間d, 地點就腳d。於是, 睇左d有業主看住同冇業主看住既樓, 所唔同既係嚮後者呢, 我可以勁影相呀!
本來想過開下佢地d水喉睇去水位, 但有時呢d樓會關左電, 又冇晒水, 而且好似某人咁講, 玩咁多野又唔買, 好似好衰。
睇左7間, 有3間唔鐘意; 而愛人, 就只鐘意大間d果d, 唔覺得裝修係問題。可能女仔鐘意靚野, 見有間屋裝修好差就極唔鐘意, 其實另外有間間隔係一樣既我又睇唔出喎。
其實睇呢d樓有個好處, 係睇到佢地點樣擺野, 點樣做櫃咁, 而且佢地d櫃係拎唔走既, 可以就咁用, 一入去就可以住 (懶人)~
冇咁快~
我地係80後, 邊有咁多$$$$$~
大家都只係睇下D樓, 睇下唔代表買到嘛!
要體諒我地呢D後生既,
唔請呀, 第日有機會請你食麥記或者KFX啦。
同愛人去睇樓是否好事近喇?星期日這餐算你預請呀!