河馬仔河馬仔
河馬仔河馬仔
河馬仔河馬仔

(河馬仔專欄)《轟天猛將》電影觀後感

2010/08/29 23:14:40 網誌分類: 影視
29 Aug




有咁多經典的武打動作片國際巨星,又係史泰龍執導!點都忍唔住入場觀摩一下啦.

其實故事講真一句,都真係簡簡單單.話說由史泰龍飾演的僱傭兵主將,在城市中經常會接一些委託來完成一些拯救行動等等.而團員大多是僱傭兵中的高手(由積遜史達頓,李連杰等等飾演),個個武藝高強,裝備精良之類...

到到中段,接到由布斯韋利士飾演的委託人所託,要求史泰龍的僱傭兵團對付某個獨裁統治者.而在僱傭兵團的兩位成員進入到該統治者之管轄範圍後,才巧遇此統治者之千金.在探路中巧遇軍方的士兵後,兩位成員成功逃離但該千金被捉回.

最後史泰龍飾演的僱傭兵主將逃回後覺得要拯救該千金,結局又係點?究竟布斯韋利士所演的委託人真正的目的何在?大家要入場睇睇啦!



講真感覺上個故事就真係都好簡單直接,當然沙石位及一些不太合理的情況都有,頗為平鋪直序,全套片都唔駛觀眾諗好多野,對生活緊張的香港人來說都係好事來.

不過此片絕對唔係冇野睇,全片其實節奏控制得非常好,全片充滿大量打鬥,轟炸,飛車場面等等.每位主角 均其實見到非常用力.有些場景如戰鬥機向碼頭開火及片尾駁火的場面,絕對不比以往的RAMBO系列遜色.再加上每次的打鬥,轟炸,飛車場面其實一點都唔 短,而且人數唔少之餘場景亦唔欺場,鐘意睇呢類片的朋友應該會好喜歡.

至於演員方面,雖然大家可能會期待有阿諾舒華辛力加及布斯韋利士的演出,但佢地都唔係主角,當然片中的 時間就唔慌多.不過此片主角中以史泰龍及積遜史達頓為主線,兩位表現合拍.而史泰龍亦比拍RAMBO6時更加FIT.與積遜史達頓攻擊之場面速度感唔慢. 雖然李連杰的出場就冇咁多,但與朗格龍單打獨鬥之場面亦拍得精彩.

另一方面要讚的地方就是全片沒有太過聚焦在史泰龍身上.各個主角都各有表現時間,反而更覺多姿多彩.再加上全片之中對話方面都會夾雜住一些笑得出之笑位及一些感慨位,並且全片亦有一些自嘲年紀唔細跑得唔快等等,感覺上會令此片會較為真實.

總括而言,雖然看完此片給我的感覺都如像一位網民所述般:

噠噠噠噠噠噠噠噠嘭嘭嘭嘭嘭嘭嘭嘭轟隆轟隆轟隆轟隆(乘N次)

但如以睇動作,睇明星,睇場景的話,其實都值幾高分.況且睇戲求娛樂而已,此片做得到此效果.本人建議看此片時最好找一間音響及畫面設備優良的戲院,會更加投入的.

看板娘---馬場樂子---對《轟天猛將》之評分:




到了暑假中段、又到了動漫迷熱烈雀躍的日子了。因為各式各樣的動漫及同人活動都會開鑼、大家當然都會大汗疊細汗、唔怕太陽哂住都樂在其中啦!

今次河馬仔專欄為了多謝各位支持、迎接這個熱力夏日、三位看板娘---馬場樂子馬場彩珠MARY CHAN齊來支持同人創作。今次WALLPAPER主題為「以心傳心」、繼續支持充滿心思及愛之同人創作。

今次由河馬仔出品、由同人組織mech-doll之畫師AKI繪製而成。





另一張名為之WALLPAPER,希望大家能有一個悠閒寫意之暑假!

由河馬仔出品,夥拍同人組織---LAPUS之畫師CHIYA一起設計,由LAPUS之畫師CHIYA負責執筆繒畫



*(圖中所述之看板娘人名純屬虛構、如有雷同、實屬巧合。)

WALLPAPER以發放。
回應 (0)
我要發表
user

最新回應

河馬仔河馬仔
河馬仔河馬仔 2021/05/09



2021/05/08「河馬仔賽馬專欄」,在一二哥之間揀大細注揀錯,就變成冇左好多張演唱會門票。

是日 : + $6008 - $18900 = - $12892

累績 : - $12892 - $299541 = - $312433

河馬仔河馬仔
河馬仔河馬仔 2021/05/02



2021/05/02「河馬仔賽馬專欄」,要追番三年的負數,真係要十五連莊先得。

是日 : + $42877 - $18900 = + $23977

累績 : + $23977 - $323518 = - $299541

河馬仔河馬仔
河馬仔河馬仔 2021/04/25



2021/04/25「河馬仔賽馬專欄」,可唔可以唔好次次十幾萬條位置Q派彩輸個鼻,條位置Q,29倍得第一第四。

是日 : + $6208 - $18900 = - $12692

累績 : - $310826 - $12692 = - $323518

河馬仔河馬仔
河馬仔河馬仔 2021/04/11


2021/04/11「河馬仔賽馬專欄」,冇隻11號就全中收幾萬啦,真心灰,今次都係輸足半年後首次有錢收番少少了。

是日 : + $23267 - $18900 = + $4367

累績 : - $315193 + $4367 = - $310826