咸水米
2010/09/06 00:34:46 網誌分類: 未分類
你試過全屋被水浸未?還要是咸水?上星期我就試過,咸水渠無端端爆了,屋由頭浸到尾,無一寸地方倖免。
醒目的真真躍到檯面,見我入屋,一面無助,也不敢落地。
咸水浸過了腳跟,搞足幾個鐘,才有空到廚房看一看貓爺們。
全屋都浸了,拖鞋在客廰飄浮......
貓貓嚇得傻了,全體縮埋,小襪竟然大滴大滴眼淚滴落來,嚇死人,原來貓是會哭的。
米米聽見我開門的聲音,冒險跳落咸水中大聲叫我,結果成隻貓濕晒,變咗咸水米。不過我忙於清理積水,未有放牠出來。
這是幾小時候廚房再變成乾地,刦後餘生的貓貓,才跳落地喵喵叫投訴。
事實證明,十貓之中,咸水米真是最勇敢的。
上次Miu Miu倒瀉蕃薯糖水上身, 係冬天最凍嗰日夜晚, 我都要同佢即刻沖涼之後吹乾, 足足攪咗成個幾鐘, 我家甜Miu對你家咸米會攪幾耐呢????
pak ma , 養(貓)兒一百歲 , 長憂九十九 , 大家都明白 ! 你真係一個好榜樣呢 !
哦!因為食咗咸嘢落肚,個腎負荷唔倒麻,明白冇!
關小姐,唔該沖完涼快速幫米米吹乾毛毛呀,要注意佢厚毛的地方一定要吹乾晒先得,如果唔係......半乾濕又有機會皮膚病,因我的貓爺寶寶試過,大劑到要食藥兩星期 心痛死我,想起都驚驚!做過細心的貓奴真不容易的,我會繼續努力!
嘩.....咁大劑呀.....
?? 點解呢?
關小姐 , 好心急睇咸米嘅 "浴" 照呀 ! 佢 "處男下水" , 有冇反抗 ?
今早替咸米沖咗涼啦,稍後有相睇。
關小姐 , 重要等你擇日先大清洗呀 ? 到時可能已經甩晒 d 毛唔使洗囉 !
看來我又要再一次大作戰了,好,擇日大清洗。
關小姐 , 咁大劑呀你, 真係冇陰功 ! "咸米"最勇敢, 真係叻 !
pakma, Agreed咸水呀, 快些同佢地沖洗一次啦!
嘩!咁唔得架,,貓的皮膚好容易敏感,佢會Lam毛,Lam甩晒毛架,快些同佢地
沖洗一次啦,或者用貓的清潔液開希水抺吓貓身都要架,快d攪!貓&狗都唔咸得架!仲Lam晒落肚!
最多我幫您手抺貓大爺啦!辛苦晒您(關小姐),加油!
關小姐 , 咁佢咪變咗 "咸米" ? 你重笑佢 ? 真係冇陰功 ! 應該俾個英勇勳章佢 , 實至名歸架 , 真係叻 !
SINSINHO
咸又米濕晒個樣係好好笑,本來都諗住立即同佢沖澡,但搞完幾鐘後自己都頂唔順,佢自己又LAM乾晒了,咁咁咁,就算啦。
PAK MA,
絕對係TOUGH TASK,當晚我已攰到死死吓,十二點回到家就係咁咯,忟都無用,發咗顛係咁"筆"水囉,初初好規矩用兜,後來唔掂,拆了大垃圾筒來裝水,搞足幾個鐘,翌日半邊身癱咗,痛足幾日呀。
關小姐 , 咁大劑呀你 ! 你屋企廁所廚房都冇去水位架咩 ? 點會水浸成咁 ? 有冇通知業主索償 ?
你入屋時除咗米米 , 係咪個個都往高處跑呢 ? 如果你屋企有閉路電視就好喇 .....我都好想知勇敢嘅咸水米最後有冇沖涼呢 ? 據我記憶所及 , 佢入咗關家門後 , 好似未沖過涼呢 !
pak ma , 關小姐見慣大場面 , 久經訓練 , 唔會咁易暈低嘅 , "貓私語" 嘅 blog 主並非浪得虛名 .
嘩,咁大劑呀 ,睇完晒D相,小襪感性、咸水米勇敢外,關小姐您都好強,好勇敢地處理咁 大單嘢,比著我,暈低做埋咸水貓奴!
有冇同咸水米沖涼呀,其他貓爺毛毛點算呀?救命呀! 快D話我知,我好心急、緊張呀!好主人(關小姐)
我隻苗喵仔都試過, 我幫佢洗耳仔, 佢又掙扎, 又哀鳴! 之後仲見到佢眼角有粒淚珠流出來! 哎!那時我才知道猫也會哭的!
立冬,
係丫,只有小襪係咁,上次有陌生人來我家,和帶牠出去看獸醫,佢都係驚到滴眼淚,我養咁耐貓,都係第一次見。
真係唔講唔知貓會流眼淚啊!似乎你真的要在家裡安裝閉路電視了。+1