客串大妗姐
2010/09/08 06:01:17 網誌分類: 生活
吾友結婚,喜氣洋洋,全部就緒,
準備埋位,.
一通電話,大亂陣脚.
事件源頭,來自伴娘,香港急電,嫲嫲早抖.
喊綫問計
(喊綫~~台山鄉下話-即係打個電話.)
唔使驚唔使驚,candy係大廳.
(candy? yes,在下番名)
除咗伴行紅地氈,一切斟茶遞水,換衫打扇
,隨侍在側,聽候差遣.
吾友頓放心頭大石,歡容展現,四萬咁口,連声
叫好.
一時心軟,踩中地雷,背負十架,行上苦路,
義氣何價?脚下頓足,反囗為難.
惨惨惨!
點樣做好呢份工 ? friend呀!
何以教我?
斟茶時,新郎新娘旁邊位八婆大妗姐,
要講d乜架,使唔使着番套大矜衫,梳番
隻髻?
有冇新馬仔反串嘅造形参考下?
又使唔使提埋人地d鄉親父老
比遞茶利是呢?
諗爆頭!!
喜姐職業做大妗姐，不如請教她吧~
你幾大?咁醒。乜都識。勁
係個伴娘,唔係我,我係老娘
唉，紅白一齊來，你醒喎！