復活

假期前後，圍繞股票市場相信離不開新股．

３隻新股中，亦有我嘅心頭好．不過身邊太多人討論啦．包括一Ｄ無投資經驗嘅．既然要用大量資金去博幾成升幅．（實際因為中籤率低，可能要用幾萬博幾千，即係大約１成回報．）太低啦．再講好似風險好低，但實際係定價博哂矇咁高．

於是我寧願搵Ｄ復活股，復活股同變身股唁同；變身股嘅業務會１８０度轉變，但係復活股會專注自己本身業務，但係經營理念同手法上作出大轉變．

其中一隻我睇中嘅係Ｂｏｓｓｉｎｉ（０５９２），佢上年業績真係唔見人．但係佢哋今年決定大革新；先換執行董事，換ｌｏｇｏ．但我首先留意到嘅，係佢哋２個新廣告．知道佢哋嘅對象由年青人到一家人，特別係童裝．理念完全正確，因為童裝比成人時裝細好多．最後咁啱復活節同老婆行街睇戲，撞正佢哋用富豪雪糕車噴咗佢哋搶眼ｌｏｇｏ，派免費雪糕宣傳佢哋旗艦店開幕．反應非常好．

睇返股票，由３月底開始造圓底．依家到右邊爆發階段．佢哋咁有誠意，應該有一番作為．初步目標＄０．６．

０９９５　　４０００（＄　６．２５）　    
０５９２　１６０００（＄　０．５２）　    
０６０６　　１０００（＄　３．８１）　  
０１３７　　１０００（＄　１．２６）