《Connected》曲詞音色富內涵 喚醒大眾「連繫」不可少 RubberBand唱出心連心
2010/09/13 08:44:30 網誌分類: 娛樂
繼《APOLLO18》及《BEAMING》後,RubberBand的最新專輯《Connected》亦已推出,為了表達人與人之間連繫的重要性,五位隊員在創作上花了無數心機及創意,更特別將專輯帶到英國著名錄音室AbbeyRoadStudios進行Mastering,出色細緻效果恍如RB在你面前演奏,「最愛與台下的觀眾進行互動,心連心的感覺好出。」主音6號興奮地說。因為科技的先進,令人與人之間變得疏離,大家都是時候從視窗跳出來,去連繫世界,去珍惜及關懷身邊的事及人。主持:黃柏高統籌:林永匡協力:廖思慧、袁東亮 RubberBand的專輯製作一向認真,估不到《Connected》更上一層樓,因跑到英國著名錄音室AbbeyRoadStudios進行Mastering,效果非常細緻,音色堪稱一絕,作為音樂製作人多年,我敢說,的確較本地的Mastering出色,RB對此亦深表認同。 6號:「質感好強,對比以往嘅錄音係立體咗好多,好似喺你身邊唱歌咁,聽〈SimpleLoveSong〉嘅效果最明顯。」 正:「我嘅結他聲喺Mastering前後分別好大,唔知佢哋喺嗰邊做咗咩,但我好開心。」 偉:「開Hi-Fi聽嘅感覺好強,真係好似個歌手企喺前面唱歌,特別係阿正個結他,好有層次非常出色。」 琛:「我哋做唱片,一直希望可以人性化啲,當中最基本嘅條件就係用真樂器去打動人,所以做呢張碟前,特別買咗部VintageKeyboard,做完Mixing之後,發覺就算好多樂器疊埋一齊,佢哋每種樂器嘅層次都好清晰。」 重回地球連繫人類 因為菲律賓事件,令到香港人更加團結,人與人之間的關愛發揮到極致。RubberBand這張新專輯《Connected》的推出,實在是一個適合的時機,可以喚起大家對他人的連繫及關懷。對於嘔心瀝血製作的12首歌曲,RB都各有所愛。 泥鯭:「一直以來想我哋嘅碟由A、B、C字頭延續落去,之前兩隻碟太空感好重,所以今次決定回歸地球,覺得Connect呢個字好切合我哋想講嘅嘢,眼見大家不斷用msn或SMS作為連繫方法,看似好緊密,其實好疏離,我哋就係想講呢回事,所以就將碟名改為《Connected》。我想講吓〈田鼠論壇〉,首次5個人有份唱,係一個開心嘅嘗試。」 6號:「上次做Concert成熟咗好多,好Enjoy同台下嘅觀眾一齊唱啲好鼓動人心嘅歌,所以試過幾次唱〈天連地〉,一去到中間個啦啦位,觀眾就會自然跟住唱,做到心連心嘅感覺。特別要多謝小肥,佢幫我哋好多首歌唱和音。」 正:「音樂上,都想做返一貫RB嘅風格,做一啲舒服嘅歌,〈一轉身卻天亮了〉就係呢種曲風,但當中加入咗弦樂四重奏喺後面,令歌曲更豐富。」 琛:「〈囍宴樂隊〉係我哋出道前嘅回憶,因為以前做好多WeddingBand,6號畀好多Idea我,佢想我彈一個好有Character嘅琴,畀好多嘢我聽,想我喺呢首歌放多啲新元素。」 偉:「最鍾意阿正寫嘅〈海‧地〉,我哋可以喺自己好安穩嘅城市生活,但世界有好多天災人禍發生,不過我哋只會投入自己嘅視窗,唔會去關心世界,歌詞好有意思,特別係阿正嘅結他,感覺好悲壯,中段嘅結他Solo,聽到毛管戙。」 橡膠戰隊期間限定 為了配合唱片推出,RubberBand推出由自己設計的紀念品供歌迷們珍藏。 泥鯭:「首1千名購買專輯的樂迷可以免費換領一副好靚嘅太陽眼鏡,實在係物超所值,另外,仲有T恤、環保袋、帽及電話保護殼等,希望我哋嘅Message透過歌曲、MV及紀念品傳開去。還有我們推出了iPhoneApps畀歌迷下載,內有新碟歌曲試聽又有相,都係免費㗎。」Paco6號正偉琛泥鯭 黃柏高 |
| |
| |
| |
| |
| |
| |
| |
|
回應 (0)
我要發表