摺耳貓之痛
2010/09/24 08:44:04 網誌分類: 生活
因為領養了真真,對摺耳貓多了認識,原來摺耳貓因為配種問題,有機會出現遺傳性骨骼痛楚,貓咪每走一步,都有如錐心般痛,無藥醫,只會不斷惡化,獸醫只能以止痛藥紓緩病情,骨骼病變會慢慢蔓延至脊骨,令貓咪癱瘓並引致極大痛楚。 聽得令人膽顫心驚,再翻查資料,這種圓頭圓面的超可愛品種,由上世紀六十年代開始繁殖,不過很快已發現因配種而產生遺傳性病變,目前英美都已禁止了,只有亞洲及澳洲仍有人繁殖,還未計非法配種的。 可幸獸醫檢查過真真,牠暫時沒有問題,托賴牠亦很活潑,噩運似乎未降臨到牠身上。人類何必因為自認為的美感,將痛苦加諸動物身上?如果家有摺耳貓,唯有多多注意並小心照顧,沒有的,不如養其他品種吧?不想牠們再受苦了。 關慧玲 |
WOW.....家家好可愛啊!
3b3b,
家家好靚女呀~~
我係家家,9個月2.4kg貓咪女,關小姐&真真有禮,nice to meet you all hee hee
3b3b,
家家好有台型丫,等佢好番活潑啲,UPLOAD多啲相上來俾大家睇吓丫,等我又俾真真睇吓先!!!!
3b3b , 你個女家家好粗壯噃 (應該係女掛 , 希望冇老花睇錯 ), 她前半生可能是個悲劇 , 可幸遇上你 , 扭轉咗佢嘅一生喇 ! 真係多謝你同恭喜你 ! 又救咗一條生命 ! 以後多 d 上嚟分享家家嘅生活點滴 , 大家都會好關心佢呢 !
又真係好有生氣0架......起碼知道佢地健康正常.
關小姐,真的非常非常感謝妳的鼓勵,意見及提示,我們會緊記並加以實踐.其實是我們好運遇上妳,米米(米米的超級可愛,使我們決心領養貓咪)和妳一衆貓咪,所妳們是其他貓咪守護神呀!妳看家家一齊安好,已進駐了我家SOFA.做了絕育手術,一星期後拆線,到時就真正自由啦!哈哈 =) 再次衷心感謝妳! 家家主人
大家好
完全同意.遺棄小動物既人我都想打 請問大家食得訓得玩得的貓,就是健康的貓 大家知不知我的貓何解.成日肚呵??但無生蟲!!一食其它貓糧.就呵它食ROYAL CANIN YOUNG MALE的 THANKS antydorothy
完全同意,但凡聽到各種理由遺棄動物的,那怕是再堂而皇之的理由都好,我都想打人。
3b3b,
非常多謝你,你的善心令多一隻貓咪有安身之所呢。摺耳貓是較易有骨骼問題,不過如果獸醫檢查過沒事,就放心吧,只要定期檢查,可以防患於未然。大家都知繁殖摺身貓有問題,但畢竟家家都出世了,又好運遇上你,是牠和你的福份,好好照顧牠吧。
放那裡都沒問題,只要安全便可。最重要是窗戶如沒裝圍網,就要小心貓貓看窗時跌下(我家是全年不開窗的),其他就沒所謂了。
如果牠開心活潑,讓牠自由發展吧,貓本性是喜歡跳躍,看著牠搗亂,會覺得家中滿有生氣的。
如果獸醫認為不用補充劑無問題,就先觀察一陣子,如果牠有不精神或異樣,就帶牠見獸醫。
個人認為,你會是貓貓的最好醫生,日日先著,仔細歡察牠的起居,再贈你一個貓錦囊:食得疴得玩得的貓,就是健康的貓,以此為量度,大概可掌握牠的健康。
家家靠你了,祝健康到老。
sinsinho
仲有一個point我地未講呀,就係果d養左小動物十年八年,之後突然話自己有左/自己太太有左要要生bb所以要中途遺棄小動物既人,唔知佢地有無諗過,如果將來佢地老左,d仔女好似佢地咁緒多理由藉口去趕佢地去老人院,唔知佢地會唔會傷心難過呢?
sammisp821, 認同 !
重有嗰 d 養咗幾年之後 "忽然" 之間會對動物敏感嘅衰人 , 佢哋玩厭之後 , 又扮晒無知話唔知會咁架 ! 唔知點解會咁 !
攞佢哋返嚟時就扮晒醒目 , 咩都得 , 得 , 得 , 唔想養佢哋時即刻咩都唔得喇 !
人類唔單止係會貪圖一己私慾而紜痛苦加係無辜既小動物身上,有時更會為左自己既一時寂寞難耐而唔經大腦諗清楚就去養小動物,當果份寂寞過後就遺棄佢地,呢d人仲衰啦.....
好恐怖 ! 何解為了貪圖人類一己私慾 , 要將痛苦加於無辜嘅小動物身上呢 ? 人類"自以為" 美麗嘅外表 , 卻令貓貓換來一生痛苦 , 最可悲是 "無藥醫" , 若眼見至愛每日受痛苦煎熬 , 舉步維艱 , 實在比處死更難受 !