PCCW與老人家

2010/09/29 01:17:56 網誌分類: 生活
29 Sep

{#images.jpg}

PCCW近日推出eye2服務,令我無意中得悉長者們對這公司的忠心。

眼前兩位模特兒小姐,很美是吧?

可她們年長以後,可會像我以下講述三件事裡的長者一樣?

    PCCW推出eye2,身邊一位老人家也收到推銷信,問年輕人那是甚麼?

    eye2抵唔抵用,我認為同我地交緊幾錢月費有關。如果我們交緊幾十蚊一個月,用eye2我猜多半要我們轉高價月費,咁就無謂。

    於是,我問老人家:你俾緊幾錢月費呀?

    老人家答:一個月140幾蚊囉!

    年輕人話:唔係丫馬?好多人都係平均幾十蚊,就算無優惠,一個月正價都係110,點解你要交140?而且仲係個個月找數?

    老人家找來一本銀行存摺,上面清楚列明,每月自動轉賬144元,交易碼是HKT。這是一個幾十年前做落既交易,HKT唔駛講,如無意外,就係PCCW前身--香港電信。老人家幾十年來,不知世界轉變,仍然在付一個已經變成不合理的服費月費。世界變了,也一直無人告知老人家。有關公司,有錢收,老人家是否俾貴了費用,誰管?

2

    依家電信公司流行合約制,做個電話服務合約,最少綁你年半。

    我們做用家,年半後價格更便宜也好,只要服務合理,一般也就算了。事實上,自從香港電信經營權開放以後,電信服務費就開始逐年下跌,綁客合約成為保障收益的主力武器。用家都習慣左俾人綁,同時睇住其他公司減價,無得轉Contract。

    另一位老人家,雖然生活費不多,但她仍然堅持保留電話號碼,繼續幫襯。

    推銷員跟她講了一大堆古怪合約條款,我只好幫手聽電話。佢地話,口頭對話就是合約,完成登記,補送一紙簡單合約,列明條款。

    合約異常奇怪,大概係話為期一年半,其中一二三七...等月份免交費用,其餘月份80多元,平均一年半48元月費。結果呢?第一二三個月沒有免繳費用,來了一張幾百元的賬單,把老人家嚇個半死。

    做細既,只好幫老人家打電話。

    客服查過賬,話賬單係咁,還給了一個奇妙理由,話呢D叫「先消費後回贈」。電信公司開始欺負我們了!我不服,高速檢查那紙合約,「先消費後回贈」六個字,根本不存在。

    我也清楚記得,做合約錄音時,我也沒聽過客服有講過「先消費後回贈」,擺明出錯單後,還作些堂煌名詞出來死撐!

    我同老人家商量,決定終止合約,理據是電信公司收費違反合約條款在先。

    打上台,遇到一位有為青壯服務員,我們指出賬單違反合約,他禮貌地同意我們的要求,在不收取罰款的情況下,讓我們取消合約。

    數星期後,終止服務書交了,竟又一名自稱電盈職員的男子來電,話我們終止合約,須繳罰款。他的來電,自不然又嚇老人家一大跳。

    我說,有為服務員不是已代表你公司,承諾無條件終止合約嗎?你這是推翻承諾嗎?自稱電盈職員說,他要調查那名有為服務員講過的說話。

    我話,你調查係你既事,有為服務員已代表PCCW作出承諾,就要兌現承諾。你話佢所講唔算數,咁今日我同你傾,會唔會第日又走來一名經理,話你講過既話唔算數?你地公司個招牌咁大,知唔知咩叫trust-worthiness同Corporation Communication丫你?(下刪數百字...)

    就這樣,自稱電盈職員暫時讓我擊退。

    我同老人家講:早叫你Cut左個電話嫁啦!

    老人家話:我點知佢咁唔守信用姐?我由大東電報局時代,一直用佢地電話,用到依家家嘛!以前佢地好可靠嫁!

    小超人玩財技累街坊的事她當然知道,可她仍然當電盈係昔日大東時代既香港電信。在老人家心中,香港電信樹立的優良商譽,到今日竟仍然存在。

3

    再有一位老人家,87歲了!

    她生活清貧,每月靠1400元綜援為生。家人同佢講:不如返三水好過啦!

    老人家話:我都想返,但我字都唔識多隻,唔知點做手續。

    家人自動請纓,為她張羅,終於讓她回到三水。

    辦理手續期間,需要處理很多文件,包括電話費單。家人發現,老人家1400元一個月的綜援,其中500多元竟然用在電話月費!

    家人問,點解你電話費咁貴?

    老人家話:我唔知呀,我字都唔識多隻,佢張單收我幾錢,我點知姐?

    家人調查下,發現那是一個連昂貴贈品銷售的月費計劃。老人家因為唔識字,收到贈品領取信,也不懂得領取贈品,就這樣過了時限,但每月500多元電話費,仍在她戶口裡扣除。

    到底推銷員係在咩情況下同老人家做這種合約呢?推銷員是否明知老人家唔識字,仍然硬向她推銷老人家用不著的計劃呢?

    我一想到這裡,就不寒而慄,仿佛是鱷魚吞吃獵物,骨都要圇乾淨!

{#n求證監會徹查懷疑種票事件 a.jpg}

公司重短利甚於商譽,股價復活,是否真的可期?

難為老人家們還把某公司當成當日由鬼佬管治、商譽無得頂既香港電信!

    從來,只有末日公司,才會重視短利多於商譽。

    任何企業,若有打算植根一地,長遠發展,其商譽就是一切,有時甚麼不惜花費巨額金錢,也要保住公司清譽,把招牌省到立立令。

    故事裡的電信公司,行徑為何妄顧商譽?

 

PS. 今早,自稱電盈職員來電,向我道歉,話合約可以無條件終止。這位自稱電盈職員,難道昨日才首次學會咩叫信譽同商譽?

回應 (7)
我要發表
彭彭
彭彭 2010/10/02 23:05:20 回覆

個eye2查實都唔係咩新高科技。

只係一個駁了網路的電子相架而已噢QQ

欽差大臣
欽差大臣 2010/10/02 00:05:14 回覆

甘多高科技

······

唔识点使添~~ {#icons_girl8}

彭彭
彭彭 2010/10/01 13:27:25 回覆

eye2可唔可以駁落電視?佢個畫面咁細,唔會浪費左部電視機咩?

松花芥子
松花芥子 2010/09/30 14:53:44 回覆

我香港屋企有EYE2,因為老媽子中意睇體育台,所以參加左個好貴200幾元到套餐,個EYE2就免費送咯!都好,有時老媽子睇體育台,我就攞個EYE2睇新聞。

彭彭
彭彭 2010/09/29 23:15:29 回覆

無面超人@@

想極都想唔到, 係邊間公司?

CTI?

我唸佢老豆都係語重深長, 知個仔作孽多, 為個仔好...

唉...

天佑平常心
天佑平常心 2010/09/29 21:33:26 回覆

唉! 

上次是完了合約  終止服務, 應該 有 按金退回.  最後 拖. 拖到 剩返 幾毫.  我投訴無效.  但係, 我要 佢 寫返  幾毫 嘅支票 俾返我 !  支票都拖咗 好奈.

反然  無面超人公司, 反應好快, 仲真係 退返 按金. 好似係 cash tim. 讚.

 

老豆 叫佢 搞 慈善基金啦,  真心 想佢 積福. 這是中國人的 美德.  

希望 .......................

立 冬
立 冬 2010/09/29 12:56:20 回覆

老人家最易受騙.香港的社工最好多點關心一下長者的需要.莫說是不識字,即使識字都好大機會墮入推銷陷阱的.+1

user

最新回應

sinnid
sinnid 2019/06/17

支持

美麗的黃昏
美麗的黃昏 2019/05/14

很好的分析

彭彭
彭彭 2019/03/27
@基督徒...

基督教是講救恩定係治罪呢? 同唔同性戀都好,人人本來就係會干罪。這是必然的。

再者,你係讀全本聖經,定係專讀一兩節?

你考慮事情,只用兩節經文來考慮嗎?

基督徒
基督徒 2019/03/27

不要曲解經文,同性行為是逆性行為,是罪。