紙袋逃生記
2010/10/11 00:05:07 網誌分類: 未分類
昨晚半夜,廚房傳出一聲巨響,太累了沒起床。翌日一看,重重的生鐵鍋成隻飛了落地......
很多東西都掃低晒......
米米瑟縮一角,既眼瞓又驚慌。
原來曳仔玩紙袋,玩到被trap住,肚腩太肥套不出來,整晚想擺脫個袋,掃低晒所有嘢。
笑完一大餐,映埋相,至幫佢解圍。
骰仔俾佢攪到成晚無得瞓,仲安慰佢。
解除束縛,怒踼衰袋。
成晚束住個胃食唔到嘢,一解圍即刻大啖食翻夠本。
貓的好處是善忘,你睇佢個招積樣,佢點肯減肥丫?
財仔,
牠肯吃濕糧就好了。
貓不懂得用言語告訴牠生了,只能唔肯食唔肯疴來表示,多些留意牠的表現,如果一兩日仍持續,就快睇醫生啦。
關小姐,
我只貓貓終於肯食野拉,今日我成日上網穩資料,D人多少講一下兩種情況:
1,貓貓腸胃有問題,有野系個胃度消化吾到,甚至便秘。
2,貓貓口腔有問題,可能牙疼,可能生“菲痔”。
我今日試下將D貓糧先用水泡左,等D貓糧無甘硬,再俾貓貓吃,他就吃了。估計可能系生“菲痔”,等多兩日,睇下情況,如果無改善,我就帶他去睇醫生拉。
財仔,
貓唔肯食嘢一定係唔舒服,牠有無正常如廁?就咁好難估計牠有病,但一定不是健康狀態,睇醫生穩陣喎。
pa ma.
唉,係丫,呢排瞓得好差,成晚發夢,半夜紮醒,聽到巨響以為又是夢囉。
關小姐, 米米真係好淘氣, 唔怪得妳特別 '寵幸' 佢啦, 個生鐵鑊咁重, 好彩無整親其他貓爺咋(當然亦無扑親米米自己), 否則就大件事啦, 不過全人貓就成晚無覺好瞓囉,陰公! 另外, '骰仔', '小甘' 同 '亞寶' 都好上鏡, 真係 '愛C' 10 貓囉.
關小姐,
我想問下,我屋企只家貓(7-8個月大),呢几日突然间唔食野,吃都系吃好小,只系饮水,但无发现呕吐或者其他现象,早两日唯一反常系既距成日训,以前系好活泼既,唔知系咩事,以你既经验估计会系咩问题吖?
米米真淘氣呢! 我最喜歡最後那張相.....
傳出一聲巨響您、您、您都忍到唔出去睇下發生咩樹, 相信您真的很累了!
米米經常都攪出一些笑料,但當您看到最尾張相,就甚麼激氣也忘記了!
米米個肥腩.....@@勁呀...
衰仔米個腩....................
moew,
我的家,膠袋、紙袋等都是絕跡的,窗戶從來不開,窗繩也捲起來,就是知道牠們淘氣。可是牠們甚麼都能拿來玩一餐,都是見一樣收起一樣。
這個紙袋,手抽是很大的,大得所有貓頭都通過到,亦放得很高,那天晚上家人放低在廚房裡,想不到米米攞來玩,激死人,可牠解放後就沒事兒一樣,放心,牠是強貓,無咁易被嚇驚的。
你說得對,貓就和小朋友一樣,常遇到想像不到的風險,要時刻小心。
我唔係想掃興, 但真係好危險, 米米咁肥美, 心臟負荷一直唔細, 過度驚慌足以令佢暴斃, 如果條繩短的話更可能勒死佢, 你真係要小心, 唔係次次咁好彩, 你不但無咗可愛米米更令其他貓咪一生留下陰影
幸好紙袋手挽夠闊,如果箍住條肥頸周圍狂奔,俾野 "kick" 住就弊。
關小姐 , 佢都有前科 , 唔係第一次喇 ! 貓貓真係最貪玩又善忘嘅動物 !
唔知佢會唔聽寶爺嘅勸諫 , 控制 一下飲食呢 ? 你睇寶爺幾 fit !
haha~~~笑c咗~
未睇晒下文,我都估到係肥米,無咩原因,....見到第5張相果陣,佢個肥腩....成班貓爺根本無得fight!!!