關慧玲
關慧玲
關慧玲

夜蒲的貓

2010/10/15 07:00:36 網誌分類: 生活
15 Oct
        朋友家住上環舊樓,窗戶長開,她的貓小吉在午夜時份待所有人都睡了之時,會溜出街浪遊,直至天亮才回家。朋友常笑說,小吉一定是落「老蘭」識女仔去。

        她先後養過兩隻貓,都是自出自入,她連貓屎也不用剷,貓咪卻又能無風無浪頣養天年,想起牠夜裏蜘蛛俠似的飛簷走壁,就覺得很型。唯一一次,小吉離家三日不見蹤影,之後泥鴨似的回來,看來跟人打了場狠架,受了傷,可是傷癒後又照舊溜出去,朋友不想剝奪牠的快樂,雖擔心也由得牠去。

        最近朋友終於呱呱叫,她發現小吉很多貓蚤,到處張羅滅蚤方法,我就笑說,可能是小吉毛太長,到處浪遊的貓,不可能沒貓蚤呀。

        對我來說,貓出街是匪夷所思的事,連偶然被貓爺們衝出走廊都緊張兮兮,外面世界太危險,擔心牠們出了去回不來,帶牠們上街一定貓繩隨身,可能是我太緊張了?

        關慧玲

        
回應 (17)
我要發表
2010/10/21 19:06:46 回覆

我最怕蟑螂 , 半隻小強 ? 唔會食咗落肚呀 ? 我不敢想 ......

關慧玲
關慧玲 2010/10/21 14:41:36 回覆

肥雞藍藍,

你的kisskiss好恐怖丫,我唔敢諗呀。我都試過屋企只見半隻小強...... {#icons_cat6}

2010/10/21 13:33:01 回覆

Catcat, 意外一次就夠了, 為咗貓貓, 都係小心為上, 最好每次都緊記關上紗窗呀! 我家的貓爺連細小如 '衣魚' 和 '蟻仔' 都唔放過, 有時細到連我都睇唔到, 但佢就已經會鬧足成晚, 有時甚至俾埋條 '屍' 佢睇, 佢都似乎懷疑祗係 '幻覺', 仲繼續 '周屋鬧', 有次地下祗見 '曱甴腳', 但就揾唔番個 '頭胸腹', 真係好鬼驚, 但係我依然日日都會忍唔住親親佢0地, 可能已經間接 kiss kiss 埋0個隻......養貓的人才感到貓就是如此 '講不出的可愛', 莫非牠們真就是一直努力圖侵地球, 統治 '貓奴人類' 的 '外星貓'? 哈哈, 我願意被牠們統治呀, 妳呢? {#icons_cat1}   

2010/10/21 11:50:22 回覆

關小姐,

因為佢哋自細同屋企啲雀仔長大, 所以唔會當佢哋係獵物, 只係當成長伴侶, 屋企係海(魚)陸(貓)空(雀仔) , 佢哋已經見慣見熟唔會有流血事件發生~

佢哋對細小蚊蟲冇反應, 唔知係咪睇唔到 {#icons_cat9}, 但對大隻啲嘅甲蟲蝴蝶嘅大隻昆蟲先會呱呱叫, 又撲上撲落, 不過最後我哋都會捉走放生佢, 貓貓哋先會回復一片寧靜~

 

關慧玲
關慧玲 2010/10/20 14:58:54 回覆

catcat,

你的喵咁收心養性丫?咁見到屋內有蚊蟲會撲嗎?

2010/10/20 12:25:54 回覆

我家貓貓從來冇望街習慣, 所以有時唔記得關紗窗都唔會有事, 只有嗡嗡聽到朝旱有雀仔聲會好興奮咁望住隻雀仔, 不過就唔會飛撲個窗度, 佢會呱呱叫話出面有雀仔囉~~ {#icons_cat1}

關慧玲
關慧玲 2010/10/19 15:18:58 回覆

tp03

朋友在英國住,她的社區大部份貓都是通街走的,看見都羡慕。我都想米米有一日能嗅嗅青著的氣味,不過香港地危險多多,只能想吓好了。見佢成日望窗,都真係心痛架。

2010/10/18 18:49:42 回覆

我家的小寶日日都坐係口門向外望...一副楚楚可憐嘅樣, 睇到都心痛....

但冇法啦~!為佢好都係唔可以放佢出去玩, 為有一有時間就陪佢玩多d啦~!

不過佢依家都係唔肯俾我地摸...但就同我地玩得近左....

2010/10/18 13:54:30 回覆

我明白贊成/反對也各有顧慮,'易地而處', 我係貓貓無得夜蒲都會唔開心, 人同人/人同貓相處, 不是應該尊重牠喜歡的生活方式, 信任牠的能力, 讓牠快樂嗎?  但另一方面, 市區環境人多車多又有虐貓者, 加上可能被'漁記'無辜捉了, 而且最近有個真人真事, 貓貓住5樓有窗網, 有天因自由出入上了天台, 結果又一次飛貓喪命, 所以我個人認為, 真係唔想日日'等貓歸', {#icons_cat10}除了如果我住離島嘅村屋, 周圍無馬路無汽車, 我就會考慮俾貓貓每天快快樂樂離家, 亦希望佢平平安安回家啦!呀, 我家附近有些養貓貓嘅店舖,晚上收舖後間中也遇到呢班 '街坊' 通街行, 我會好開心咁同佢0地個 '打招呼', 真係好好笑. {#icons_cat9} 

關慧玲
關慧玲 2010/10/18 00:10:19 回覆

流浪貓,

朋友說有丫,已絕育,同埋貓蚤情況大有改善喎。

2010/10/16 20:18:20 回覆

我想問妳朋友有否替小吉絶育呢?若沒有的話,對方就絶對不負責任!若有的,便好了。可是妳朋友的養貓的方法很old-school哦!小吉出街後懂得回家,當然十分好,但萬一牠在街上遇上了意外,甚或被人虐待或惹了皮膚病,他/她會心痛嗎?又或被人以為是流浪貓,好的便被好人家收留,若給「漁護署」捉了,而妳朋友又不知道的話,豈不是死路一條?!貓貓,不懂得如人一般曉說話,有事不會求救哦!愛牠,還是要牠乖乖地留在家裡吧,至多給牠看看街外風景好了。

2010/10/16 11:09:17 回覆

關小姐 , 我並不是話你朋友唔鍚貓 , 只係大家處理手法不同 , 好似貓貓喜歡食罐頭 , 小食 , 總不能放任佢任食 , 對身體唔好 , 是否代表我唔俾佢做佢喜歡嘅事呢 ?

我只係表達我自己嘅意思 , 並無意開罪你朋友或批評佢養貓嘅方法 , 希望你見諒 , 唔好介意 .

關慧玲
關慧玲 2010/10/16 00:38:25 回覆

我這個朋友都好鍚貓,知佢有事立即買咗貓蚤藥俾小吉,日夜監察住佢,仲會帶佢去沖澡,之係佢父母對貓自出自入的睇法唔同,佢的貓又真係曉得回家,未試過出事,我諗小吉都好醒目嘅,唔係都唔會識路回家啦。

2010/10/15 14:21:33 回覆

我也一樣, 連貓貓王子靠近門口我已經好緊張, 馬上禁止他再行前一步. 返工前, 要先把他安放在小房間裡, 關好門, 待我回家後我才讓他自由活動.

2010/10/15 11:08:50 回覆

關小姐 , 你友人嘅飼養方法我不敢認同 , 我就一定唔會咁做 , 飛簷走壁好有型 ? 我不敢以佢哋嘅生命作賭注 .....

我只知一次意外 , 足以致命 ! 你可以笑我太緊張 , 但我實在輸唔起 !

2010/10/15 10:46:54 回覆

狗狗出街會識路返屋企唔係奇事,但貓喵都可以就真係好過癮,雖然小吉已習慣成自然,不過外面世途險惡,壞人實在太多,尤其係果d以虐待小動物為樂趣既無恥之徒,一定要教識狗狗同貓喵們,小心為上.... {#icons_cat4}

2010/10/15 09:57:57 回覆

當然不是您太緊張啦關小姐,您帶牠們上街一定用貓繩這是對的,當您見到燈柱貼著走失貓或狗的啟示 {#icons_cat10},您就知到自己做得對架啦!

我們的照顧方法是用了80後,小吉那種生活方式是60後,我祝願小吉身體強壯,出入平安,小吉您要乖乖地,主人就會錫晒您! {#icons_cat8}

貓蚤會吸血,請快快帶去比醫生處理,做個負責任的主人。 {#icons_cat1}

user

已關注

最新回應

淺雪
淺雪 2021/10/01

{#icons_girl1}

淺雪
淺雪 2021/04/29

嘩..以後真要小心..

   

水滴石穿
水滴石穿 2021/03/05

我今年都派給友人6只貓貓利是,一樣理我都傻的主子做派 {#icons_boy1}