「創意」最無創意
創意,近年來似乎成為香港熱門名詞,出現率奇高。
可這個詞在十多年前,幾乎無人問津。
現在,連政府中人也帶頭講甚麼創意工業的說。其實是香港工商界看著人家日本動漫勢頭強勁,其文化侵入全世界,連鬼佬們都定期舉辦COSPLAY活動,Pokemon在歐美也賣個滿堂紅,所以開始眼紅。
換在我小時候,多看兩集卡通片,已經可以給出大人們借口,話我地小朋友無心向學,大時乞食。
現在呢?是政府走來鼓勵後生一輩學創意,搞創新工業,直頭世界變。
上星期,幾個學生來見我,請教做學術報告的事。我話,搞唔掂就跟人家的論文,自己出外找些例子和數據,好好地證實一下,聊勝於無。
學生答話:「咁樣跟人,會唔會好似無乜自己見地?」我心想,就係你地根本無見地,我先咁樣教你地,用最傳統的方法,確保最基本的分數。
好多學生已被「創意」二字洗腦,唔知係陷阱。
其實,在市場學界,推出新產品,成功率偏低,即九死一生,已是人所共知的事實。換句話講,就係凡是沾著「創意」、「創新」的任何產品,失敗率一般都在80-90%以上。既然這已是既定事實,政府向後生一輩硬銷「創意」,其實等同叫人送死無異。
*香港人學搞創意工業,拍攝阿童木立體電影,虧損數以億計。
想深一層,人地日本動漫及遊戲產業,從沒有以「創意」和「創新」自居,只是日本人覺得甚麼有趣,就搬出來嘗試,然後有甚麼元素必定成功,就納為方程式,配合新元素推出。整個動漫遊戲界,就這樣子運行三四十年,變成一個有強大堅穩基礎的文化事業。日本人動畫遊戲產業賴以成功的,不只是創新元素,而是一大堆傳統方程式。
舉個例,幪面超人方程式,是以昆蟲面具隱藏身份之英雄,背著悲哀的身世,與惡黨戰鬥。其進化方程式,則是與其他同樣擁有悲哀命運的英雄戰鬥。其市場定位,主要對象為青少年男孩。
第二例,魔女方程式,從最早期的鏡子魔女,經過小忌廉紅極一時,到不久前小魔女Doremi,魔女一般可以進行超華麗之變身,變身後別人認不出真身,同時因為身份不能公開,令魔女的戀愛好事多磨。其市場定位,是少年女孩。
*小忌廉以不同美術形式在媒體中出現。
第三例,戰隊方程式,幪面戰士人數基本五位,他們以團隊作戰,對付惡黨。故事強調愛、友情、覊絆、信任、努力等核心價值。最初隊員之間一定會有牙齒印,但在戰鬥中加深了解,在強大敵人下終能以默契取勝。對象為兒童,教育性強,有人稱之為教育番組。
香港人只管眼細別人的成就,看到日本動漫華麗外表,卻不知人家背後有無數必勝方程式之精心計算。
*不少廣告商抄襲戰隊概念宣傳產品,卻對戰隊所代表的核心價值視而不見。
其實,任何媒體作品,成功要素必定為七成舊橋三成新鮮,甚至想要穩勝,應把舊橋提高到九成份量,只留一成創新。這才是文化工業致勝要素。正所謂橋唔怕舊,最緊要受,就是這個道理。當然,那一成創新也十分重要。創新的元素,如果證實成功,就會被產業沿用,升級為方程式大量生產,成為一種不斷重用的必勝舊橋。
試想想,周星馳電影表面鑊鑊新鮮鑊鑊金,但骨子裡的無厘頭搞笑法,卻從沒改變,是舊橋,只有舊橋的無限演化,才是絕對。
*周星馳電影好有創意?不是啊!靠一套無厘頭方程式就足以瘋魔世界。
另外,文化工業致勝重點也不是求新,而是求產業配套結合。日本動漫遊戲產業,英語縮略詞為AGC,即Anime、Game、Comics三產業緊扣結合。查實更不只如此,背後還有聲優、藝能、玩具、Cosplay等產業配合,環環緊扣,做成exponential式增長效應,才能成為強大產業。
任何一個動漫或遊戲作品,必然跨媒體亮相。
舊老闆經常要求我,要我設計一個像Hello Kitty一樣可以賺翻天的可愛漫畫角色。我話是痴人說夢。Hello Kitty歷久常新,其無口設計固然是一絕,但更重要是她背後有一隊強大的SANRIO經理人團隊。這團隊到處告人侵權,卻又容許Hello Kitty以無孔不入的方式進入世界上各種女孩經常使用的媒體,包括雜誌、玩具、電玩、Video,但別忘記還有鑽飾、毛巾、水泡、間尺、擦膠、食玩、錢袋、玩偶、信紙、電郵信箱、麥當勞玩具、日本旅遊紀念品,外加Hello Kitty Land和不同的Kitty展覽。
*替招牌角色換上骨頭衫,傳統中國文化業者做不到,心中太多框框是也!
我舊老闆只有區區一本兒童快報可以讓新人物亮相,實力比為蚊與巨熊之相比。唔好話我地做細既無想頭,先問問做阿頭既,到底有沒有看清世界形勢,同人地成功背後的真正原因。
當人家在用無數舊橋賺我們外匯時,唔好繼續喊那個白痴的「創意」口號。香港講左十幾年「創意」,港人的「創意」水平還停在幼稚園階段,就係因為講黎講去都淨係識得「創意」兩個字,對「文化」不求甚解之故。
唔好再講「創意」,呢兩個字係用到濫、最最最缺乏「創意」的名詞!
麥嘜成功謝立文的角色緊要D。
一隻豬,無咩特別,人人都畫得出。
一隻可以抓住大家現實生活同兒時感觸的豬,就無咩人學得到。
另外,相信麥嘜背後的營銷Team裡,應該有一兩位高人。
天佑你都幾執著,不過執著先有偈傾,唔駛閃既。
indy
麥嘜的成功, 我覺得是 團隊精神, 互相尊重 的結果.
這些公仔, 如你所說, 隨時揾到 中學生畫 另一個version.
但係 那一team 人, 尊重 麥小姐.
而且, 任何 主角, 都灌輸了 原作者的思緒. 換了他人, 就是另一個角式.
中華英雄 便是了.
沒有長期 有關工作, 和對市場的觸覺. 想變一個 宮騎駿............ !?
hmmmmmm ~~~~~~~~~~~
萬樣事, 總有一個開始. 政府可以做的, 是一個 生境.
哎呀 ! 我又執着喇. sorry sorry.
閃lu.
抄個公仔唔駛抄足嫁,攞佢個精神造成另一個公仔就得。
邊有得告嫁?
而且,我都唔見有邊個有咁勁既大作出到黎,值得人地去抄。
好多所謂創作,塞俾人都無人要,只是孤芳自賞而已。
如果有話邊個華人有咁既本領,出到一套令人拍案叫絕的漫畫,我心中只有陳某的火鳯燎原,但人家都係改三國,唔係全新人物。
麥嘜都係異數,但人家都識得營銷,唔係一味匿係一兩份報紙裡面reproduce自己,而係識得跨媒體經營,出書、見報、做精品。
如果無一隊有相當實力的營銷部隊,靠一兩個character設計成功,都係無用。
indy
//如果佢地筆下的公仔有質素,轉個頭就俾人家偷去橋,以新版權大量複制。//
呢樣, 就係 政府可以做, 亦應該做的事. 否則, 就永無 創作產業.
記得有個傳聞, 曾幾何時, 海峽同胞 有個機構, 替他們的廠商處理訴訟. 因為那個時期, 是繼日本後, 抄電腦硬件設計的時期.
不過, 香港人不太尊重創作. 市場如此, 又可以 講咩呢 ? 唉 !
天佑:
只會發白日夢靠「創新」的小朋友,不用給援助。
因為只會係浪費公帑。
如果佢地筆下的公仔有質素,轉個頭就俾人家偷去橋,以新版權大量複制。
如果佢地筆下的公仔無料,送俾人都無人要。
佢地無一個產業連鎖去保護,出到個天才都無用,何況天才根本萬中無一。
華特迪士尼初初畫的公仔唔係米奇,而係一個俾人盜用左版權既公仔。
呢個公仔現在並無流傳於世。
indy
冬姐講得幾岩,除了個設計有一定內涵之外,洗腦式宣傳是另一要素。
唸下個M字叔叔個樣點,但日日用廣告去洗,大家一樣幫襯。
跨媒體式去洗,令好多人用,都係谷形象重點。
有人以為靠創意可以發達,其實好天真,尤其在今日信息氾濫既世界。隻韓國版中國娃娃都紅過,依家去左邊?
原因值得大家唸下。
indy
有咖.
他的眼光, 他的眼光 .... 未沿襲 香港對鬼 的態度, 變出來囉.
之後 我和殭片 I, 又再演變, 又係對生死的無奈, 但係又有點 希望.
不過, 後以無繼. 或者想加入日本文化啩. 變咗超人變身. 魔女上身, 打怪獸.
還有 金庸大俠, 牛仔佬豆. 麥嘜呢 ? 老夫子都可以 返生.
創新, 始終係由 揾唔到工, 又諸多白日夢 的人開始嘅. 當然要有 願意接受 新事物 的銷費者 啦.
所以 近來 有人提到, 要讓 搞創作 的人, 有兩餐飯仔食先得.
希望政府 諗到方法, 幫幫 喜歡 發白日夢, 又唔識 追數 的 朋友啦.
呢個 唔知算唔算 白日夢 呢 ?
後生一代, 太喜歡 把創意 和 日本式動畫 扯上關係. 又點可以 嬴到 日本 呢 ?
我完全不覺得 Hello Kitty 有幾得意囉。不過當一樣物品以洗腦式的宣傳攻勢入侵你的生活時,那樣東西就會變成一種潮流,成功了便是有<創意>囉。+1