六千億
2010/11/04 23:51:44 網誌分類: 未分類
六千億再印銀紙,問你服未,資產價值睇怕再被推高,看來正開始形式泡沫的起點,人人一聽見要印銀紙,再睇見周街新聞,第一時間諗,弊啦,又印銀紙,股樓咪繼續升,但又見市升極都唔停,就開始諗點算。
其實以接近兩年時間睇七千億的救市換黎各地股市再上近一年新高。個別情況去睇,以金融股最受得益,其中用人民幣既內銀內險,簡直坐火箭咁,中行,建行,工行,其實兩個月內已經升左成蚊,而且升勢好順,係大市未見32000點已經見接近歷史高位。
大量銀紙流入市場,推高樓市,再加上任總都講過,其實唔係泡沫誕生,只係資產市場改變導致價格急升,可能樓價只係岩岩開始。
今次又再次大量印銀紙,其實間接將同美元掛勾既港元拉埋落去,呢次變左唔係大戶禁錢,係大戶不斷存錢,迫到部機爆同壞為止,再拎出黎拆骨修理,究竟係咪咁?
回應 (0)
我要發表