最忌十五十六

　　恆指從公佈ｑｅ２後已經直線上升，未有暫停之勢，一星期升接近二千點，係人聽到，睇到唔討論至奇。不過，呢批討論既朋友似乎係未入貨，於是，大市又再吊高黎賣，大家再次進入你追我逐既時期。

　　通常呢類時期，係大家既眼光非常準，睇岩左心水股票，十五十六之制，突然開車，形勢上仲破晒咩位咩位，未買既朋友覺得弊啦，唉，賺少左。

　　另一類朋友係低位買左貨，見高，沽下先，等調整低位又買番，呢個方法好正路，先鎖自己利潤，但係個咁急速既大市，結果咁精心安排都中招，用內銀股為例，如建行，有人見高即沽，等低位買番，但沽完又喪升，現時建行下跌，佢會心想，等低ｄ先！

　　雖然建行下午同聽日既走勢我都唔知，不過如果從佢業績出發點，現價都係１１－１３ｐｅ左右，好抵ｗｏ，咁係現價，又升左咁多，買唔買好？

　　以上呢２個情況發生左係我阿爸，阿媽身上，係呢個咁資訊爆炸，流料極多既股市，最蝦大家十五十六心大心細，不如比ｄ勇氣！走貨好易，但留低ｄ貨係很難既決定，要比多好多ｅｑ，但如果持股係優質股，何必走黎走去？

　　小弟看，大市呢一口氣既情況可能持續，不過係今年再上望既位置就不多，下年可能先係戲肉。