(河馬仔專欄)《猛火爆》電影觀後感

導演 : Robert Schwentke

主要演員 : 布斯韋利士 摩根費曼 尊麥高維治 海倫美蘭 瑪莉露絲柏嘉

故事大鋼 : 退休的特務員摩西(布斯韋利士演)每日無所事事地打電話和負責退休金事宜的接線生(瑪莉露絲柏嘉演)對話,有一夜突然遭到一批不明部隊來襲.為了知道事件的真相及拯救那個接線生,展開了逃亡及追查,從而得知驚人秘密.

看後感想 :就一個漫畫改編而言,片內感覺充滿看漫畫的感覺,總覺得畫面交代都幾淺顯易明,而且節奏流暢,絕對唔慢.片內由於各主角要到處去,每次都會有交代的畫面,故此有點RPG的感覺.

論場面方面,當然唔期望有好多打鬥場面,畢竟各位主角都唔係後生.埋身肉博的場面都有但真正唔多.較失望的就是飛車場面,時間唔多之餘亦留下不到深刻的印象,不過其中在貨物櫃碼頭戰鬥的一幕卻是最精彩.

論人物方面,全片最突出就是尊麥高維治飾演一位神經質的隊員,尊麥高維治盡顯了一位受過精神創傷後的人 的神緒及表情,在言語間亦感受到老馬有火的自信及放手一博的輕狂.每每他的出場就帶動了全院觀眾的情緒.布斯韋利士則做回一貫鐵漢的角色,當然途中都加入 不少笑料,但打鬥場面唔夠多卻是會令主角有點失色.摩根費曼的戲份以文戲為重,只可惜出場時間真係較少,難以有所發揮.相反佔戲較多,演退休神槍手的海倫 美蘭,演貴婦的角色都頗穩健,只可惜唔知點解全場在實際戰鬥時準繩度真係麻麻,感覺欠了說服力呢.而女主角之一的瑪莉露絲柏嘉其實在片中有牽引作用,但由 於全片有太多經驗老到的演員坐陣,鋒芒亦不太明顯了.

整體而言,此片劇情雖然唔係甚麼精彩絕論,但悶場真係好少.再者各資深演員都演得出味道來,以娛樂片來說可算是不俗了.

看板娘---Mary CHAN---對《猛火爆》之評分:
*(圖中所述之看板娘人名純屬虛構、如有雷同、實屬巧合。)