11月10日

　　今日恆指下跌二百多，帶領大市下跌既係一眾內銀股，同時內地再加存款準備金，內地通脹今年內應該會超標，相信年底會再加多次息，內地保險股年尾結束前係現水平應該會企穩！

　　今天建行除權，恭喜一眾建行股東，可以平價供股，唯獨不滿係１０供0.７，多左ｄ　碎股，內銀股係剛剛升左一輪，看來要回氣！畢竟內銀股市值好大。

　　本地地產股在整固，整體黎看，沒有問題。

　　恆指成份股冇咩大變，唯獨中鋁同富士康弱得太緊要，特別係富士康，內地似乎要趕富士康往西部發展，有些少政治味道，少沾為妙。

　　大致上維持看升水平，市場資金泛濫，要好好把握大量熱錢留係香港既機會。

　　組合中，不過不失，總括來說，暫時相當滿意，仍然以加注中人壽為短期目標。

　　雖然小弟將中移動換馬至中人壽，但眼見中移動弱到咁，有ｄ　不解，整體黎講，中移動係市場佔有率極高，而且隨住iphone既出現，連帶行andriod等既智能手機開始逐漸普及，相信３年內智能手機成為人人都有既機會都唔細，內地3g上台亦不斷提高，不過確實3g plan費用真的好貴！