超高通脹（１）
中國可能加息對抗通脹及採取進一步緊縮政策，嚇到全球股市腳軟。大跌浪由內地A股勁挫4%開始，到香港，歐洲，一路殺到美國。歐美股市受到愛爾蘭債務危機的雙重打擊，形勢更惡劣。泛歐道瓊斯Stoxx 600指數下跌2.3%。英國跌2.4%，法國跌2.6%，德國硬淨啲，都要挫1.9%。
杜指開市就一路向下，中午更一度跌逾220點，跌穿11000點關口。午後喘定，收市仍大跌178點或1.6%，收11024點，係8月份月以來的最大單日跌幅。標準普爾500指數亦挫1.6%，跌19點，報1178點；納指跌44點，報2470點，跌幅1.8%。杜指期貨最新報11006，較現貨低水18點。
港股美國預託證券收低，ADR港比指數收報23368點，比香港收市低325點或1.4%。匯控收82.04元，比香港低1.9%，中移動收78.11元，比香港高0.3%。「恐慌指標」VIX指數跳升近12%至22.58的近期高位。投資者昨日真係「震」過貓王。
為抗通脹，中國可能加息之餘，還宣佈針對外國人在境內買樓，以及正在研究限制物價過快上漲的措施。再加上兌一籃子貨幣的美匯指數昨日跳升0.8%至79.33；歐元兌美元急挫0.7%至1.34美元。在雙重打擊下，大宗商品市場重創。小麥急回7%，金銀銅全部向下，金價續跌至每安士1338美元，一周內下挫了6%；油價亦急回3%至每桶82.3美元。資源相關股損失慘重。全球最大的銅金礦業公司Freeport McMoran 跌逾4%；美鋁下挫2.8%，係表現最差的杜指成份股。
市場在擔心中國實行緊縮政策的同時，對於聯儲局推出QE2的成效，市場上出現越來越多的質疑。Rehmann Financial投資部負責人Frank Germack稱，「對於聯儲局制定的雄心勃勃的計劃，人們不斷正在喪失信心，而且越來越為之感到緊張。」QE2宣佈後，美國國債價格一路走低，收益率不斷攀升。10年期國債收益率升到2.911厘的三個月新高。不過昨日美股大跌，使很多投資者回歸較為安全的美國債市，將10年期國債收益率推低到2.87厘%。
禍不單行，歐洲債務再現危機。歐盟各國財長正在布魯塞爾開會。據媒體報道，各國在討論向愛爾蘭提供800億至1000億歐元援助，以及向愛爾蘭銀行業系統單獨提供規模較小的援助計劃。令市場憂慮愛爾蘭債務危機可能惡化成希臘式的災難，金融股大受打擊。杜瓊斯金融指數下挫1.9%，美國運通跌1.8%，美銀及摩根大通齊跌1.2%。匯控亦未能倖免，在美國預托證券市場亦比香港再低1.9%。
高通脹殺到，大家都在想如何可以對抗通脹，網友Eric香港-上海有此留言:「33年前400元可以在大陸買到一層樓，現在只能買到幾塊地板，再過20年可能只能買到一個漢堡包。以前最好賣的計算機是8位的，現在是12位的，再過十年可能是14位的。所以怎樣投資保值是現代人的一個難題。」
Eric講的是實例，33年前，即1977年、1978年時，中國剛從文革的災難走過來，1978年才召開中共十一屆三中全會，定下改革開放的路線，當時大家都是半信半疑，所以400元可以買到一層樓一啲都唔出奇，因為若改革不成功，78年400元一層樓，到2010年或許也只值400元，當時的內地人既沒有錢，有錢也不一定敢買樓。時至今日，人人都知中國經濟飛速發展時，資產自然愈來愈貴，這是本來已經會發生的事，再加上美國大印銀紙，搞到全球水浸，內地資產只會升得更快。如今要買很便宜的物業，恐怕只有最傳統的社會主義國家才有，例如北韓(不過不知是否容許私人買樓)，其餘傳統的社會主義國家所餘無幾，古巴的總統卡斯特羅已傳位俾佢細佬，開始搞吓改革，物業可能已開始升值。一句講哂，而家呢個世界無乜平嘢。
睇通脹呢個問題，我覺得可以分開長線和短線。以長線計，除非未來全球陷入長期的經濟衰退，持續通縮，物價不斷跌，否則經濟增長和通脹仍是長期的主題，問題只是正常的通脹和超級通脹而矣。在長期有溫和通脹的世界，你存錢在銀行可能有1厘幾、2厘息，但通脹經常在2厘樓上，那麼啲錢經過1、20年，就會不斷縮水。對抗長線通脹的最簡單方法，就是在資產市場便宜時累積資產，例如在樓市大跌市時買樓(一次過大筆投資)，或是在股市的跌市時買貨(多次性中型投資)，甚至用笨一點的方法月供股票(連續性小型投資)，只要買入價不太貴，買買吓就可以累積增值較快的資產，而這些資產的價值，長線會跑贏將現金放在銀行加累計收取的利息。我經常舉一個例子，你存款在銀行，銀行靠你存錢在它那裏借出去收取利息賺錢，所以存錢在一間銀行，不如買那間銀行的股票(當然假設是一間合理經營的銀行)。
但短線的高通脹，和常態的溫和通脹不一樣，正如目前由以美國為首的全球央行大放水弄出的高通脹，更是前所未見的不一樣。話「前所未見」，並不是說通脹到達前所未見的高度，而是說央行放水的程度前所未見，所以結果亦難逆料，但一個基本分析是:中央銀行是一隻巨輪，轉身不易，這隻鐵達尼號遇上前所未有的危機，要扭軚90度閃避，但巨輪太大，佢如此急轉身，一係轉得唔夠，一係轉得太多，好少恰到好處，美國聯儲局放水也一樣，即使只講美國市場，要放水放到剛剛好也極之難，更遑論對其他地方的副作用了，所以聯儲局放水初時不夠，但為求脫險，最後必定過多，吹出不少的資產泡沫，對這些超級通脹，不能以一般手法應對之。(明天再續)
陸羽仁
Louis888:陸sir出外公幹了, 要下星期先會再答題, 依兩日自己汁生啦.
陸Sir早晨！我在7.57買左38，是否可以再坐下呢？謝謝！
短炒牛今日可以食糊
各位網友及陸sir,
請問大家覺得是否值得額外認購中國銀行及建行的供股權?
siu siu
又是晴朗的一天. 係邊度跌低 就要邊度企番起身.
小弟咁黑仔, 都抽到"四環", 就知個市會跌, 可惜之前的熊仔全部打曬靶, 輸到攤攤腰, 唔敢再去........依家"四環"個份, 唔夠填月供和老強個份....無奈
S2000,
如果中銀有戶口就中銀啦, 中銀外幣的買賣差價較細, 你可上網比較一下。
http://mymedia.yam.com/m/910276
港股跌開有條路，美股前晚唔靚仔，開市預咗港股好極有限，結果指數低開260點，初段竟然玩吓反彈，但下午內地股市繼續下跌，恒指最終收報23214點，跌478點，但跌市交投仍然相當多，成交金額1030億元。
內地收緊銀根仍然是市場最大負面因素，特別係滬深股市跌勢未止，兩市股指大幅低開，滬指跌破年線，多個板塊紛紛走高影響，股指早段回升，但市場拋壓依然較重，午後股指延續震盪，市場的恐慌性情緒迅速蔓延，最後上證綜指滬指報2838點，下跌55點。
資金流快到嚇親人
以中國為首的新興市場嚴防資產泡沫，加上美國共和黨為首的國會議員，質疑聯儲局的量化寬鬆方案，對挽救經濟有幾大實質作用，揚言推翻決定，消息令到美元反彈，炒賣資金暫時變得審慎，商品價格明顯回落，金、銀、銅全線下跌，原本炒通脹的概念受政策不明朗因素籠罩，相關資源股借勢調整。
港股氣氛由月初牛氣充斥，睇三萬點以上之聲四起，到最近連插過千點，氣氛急變，不但令股民一時難以適應，同時令好多分析員O晒嘴，要急急調整預測。出現咁樣情況，最主要係因為全球資金，正以史無前例的速度移動，各地金融市場變化極快，好似歐洲股神保頓都話，現時資金流動之快，是他前所未見，連見多識廣的歐洲股神都話資金流向難於捕捉，可見市況難玩。
首日掛牌，收報1.81元，較招股價2.2元跌18%，入咗飛的股民都幾傷。買新股扮咗蟹就要應變，假如係借孖展買嚟係投機，一見勢色唔對就要走人；如果係睇好前景用實錢入飛，覺得隻股實力仲得，咁仲可以等等。
中環茶友話，呢輪調整嚟得又急又快，而家睇番早前期指成交大增，相信有大戶已經部署做嘢，趁好消息食胡兼殺好倉，所以好多下半年升得急的股份都跌得好犀利，因為基金沽貨獲利，到目前為止仲係大把錢賺。呢個情況係美股都係大同小異，美股下半年抽上，杜指升破萬一點，基金經理接近年尾，計賺錢數誘因特別大，反正今年回報有交代，食完胡跟住早啲放假，咁又何樂而不為，所以對基金經理講，至今為止的調整，係由獲利觸發的「快樂式跌市」，同股災大跌有所不同，至於趁沽貨順手做埋期指淡倉，係順手有照，臨尾「掠」多筆。
享受消費不急搏殺
咁獲利式跌市幾時告終呢？茶友話，過去幾日大市雖然跌，但有個別大股頂住，即係話基金仲係有秩序沽貨，相信套現仲未完結；另一方面，亦可以留意吓今年升得多的板塊，股價是否回復穩定。
今年基金贏到開巷的股份包括零售股、汽車股，昨日市場開始傳出對汽車股的利淡消息，發改委產業協調司相關負責人明確指出，年底即將到期的1.6升及以下小排量乘用車購置稅優惠政策將於明年取消，不排除又會殺倉，等到這些沽貨行動完結，市況就會穩定下來。所以股民現時策略，不妨向基金經理學習，賺到錢就消費享受吓，不必太急於上陣搏殺，反正聖誕仲有一個月就到，點解唔放鬆吓先呢？
歲寶百貨（312）
陸羽仁
大家早,
請問大家對低於招股價的2091應如何處理?即沽還是等大市轉好?
謝謝.
S2000
明天2號到50天線會先入第一注
小潘
月頭一星期升1800點, 8個交易日後又跌了1800點. 恆指未平倉合約之前去到12萬張, 結果有啲嘢!! 究竟, 在這半個月裡有幾多人羸大錢呢? (哈哈, 我的二三線股未升又跌了!) 哈哈, 大玩過山車, 我想, 可能就到瘋狂時代了 (07年尾/08年頭). 分分鐘上落三四百點會是等閒事了! 真慶幸有份參與這個大時代!!
科老曾經講過, 投機要忍受 2X2=5-1 既過程
我估依家我地係5 度
k-i:
都係買2800 同2828, 睇國指同恆指算喇, 冇乜時間研究其他
手上冇中行, 都冇諗住供股, 但係冇乜特別原因唔做 (其實係因為冇錢)
monstergary, bluependa, pplo:
多謝解答, 昨晚己online開左... 剛才log in己開了. 係咪我除時可以係恒生online banking道買人仔呀?? 其實係中銀好定恒生好呢??
我中銀己有紅部仔及投資戶口了....
扮豬：會買邊d指數板塊？有無中行？會唔會供股？
小潘:
0002 除淨日為12月2日呀...即係12月1日買都可以收息...
你明天會否入0002??
亨記:
你講真定講笑
扮豬,
英雄所見略同，所以23000點是鐵底，可以借錢買貨可也!
k-i: 上一浪底係2萬3, 跌穿就破壞上升走勢
我唔識揀股, 所以換馬我應該會換返指數股, 好似好炒d
咁多位好 呢噢！
很久沒現身了，宣傳一下，Blog文更新了。
(MPF及月供投資看法不變，等待牛三爆煲前後獲利。月供是皇道，適當通脹是朋友。)
扮豬：你打算買邊d股？大市現時支持位係邊？
上星期先有blog 友話大戶唔敢震倉, 你估依家係咪震俾你睇
最衰我2萬4滿倉, 唔係一定跟住佢向下買
阿爺出口術就輕易地透過推低商品期貨及股市,已化解了老美QE2生產的銀彈,真高招。睇黎阿爺不會輕易收手放過QE2的炒家,唉!咁樣個市即係有排跌。QE2=Kill Me Too
請教大家，若果買左中行的供股權，買左之後，放係銀行或證券行，咁到期時，就會自動供到股，唔駛再做其他野？thx
補列口.見22440！？己半倉
亨記沽出2800, 恆指有救
CJ08: 我們既飛行夢想一定會實現既
Eric兄: 阿爺做野防通脹, 大家預左啦, 除非美國被評級機構降級, 或G20聯合反抗老美, 否則我唔覺得會係1年內入熊......牛市應該未完
亨記兄: 現在還買升??? 怕怕.......
我們萬眾一心，
冒著貓咪的炮火，
前進！
冒著貓咪的魔咒，
前進，前進，前進進！
子龍,
你講緊我？
23000是鐵底，不怕!散戶眾志成城，這次一定可以戰勝大戶!
pplo: 噢...大市受到美匯反彈 阿爺管理通脹預期 價格管制 正所謂雙重壓力 原先QE2的利好因素 已經將大市推向高位 現在鐘擺向另一方 相信要等到牛人投降 大市才可喘定呢 怕怕......
Loss師兄，我覺得現在還未到熊市，但已經有一點熊市feel。上次熊市是因為雷曼爆煲引起的。這次不知道是什麼原因呢？
QE3, QE4,歐債，中國經濟硬着陸?
貓,
股甚麼災？﹗升﹗升﹗一定升﹗
我身體力行，重注買升!
股災啦! 跳****!
股災啦! 跳樓啦!
將軍：你好，點睇大市呀，還要跌嗎？
再跌些可以入少許指數股嗎，謝謝
LOSS,buddaau 兄:
直昇機昨天大成交破腳穿頭3.81-4.11,今天小成交後抽3.85-4.06;故3.86加1手....
利好---昇昇昇昇昇昇昇昇昇
以上是九流分析,唔好信...
袋鼠
Yes!!!唔該晒
除淨日 2010/12/02
即係12月前買入都有息收
TKS!!!
小潘
潘記，截止過戶日期不是除凈日噢！ 你要查除凈日，通常比截止過戶日期早兩、三日 (同 T+2 有關啩)。
袋鼠兄: 噢...陸sir原來外遊 難怪大市pk呢 最近忙於行山呢 今日見大市跌到咁 咪出來呻下囉 虧死了....
噢! 將軍咁講, 今晚可以繼續發我個大飛機夢啦!!!
袋鼠 ...
Female though bad will not that bad ...
It is only my perception ...
子龍兄，陸sir外遊，HSI PK﹐你先至出嚟浦頭嘅？
你地呢班衰仔, 唔好教人, 或者鼓勵人自殺呀, 會係犯法架, 請珍惜生命
不過貓咪例外, 佢有9條命
animal，你咁好嘢，竟然又會知人哋有spring pocket？
buddaau: 噢....師兄的直升機沒問題呢. 但大市就......怕怕......
去青馬跳橋？ 跳之前，使唔使好似Leon黎明咁，在上面對先講一句 「要贏人，先要贏自己」
？
第一個上IFC係期指同恒指噢！
Last Bullet 17/11/2010 16:20:37 網友在此的回應
IFC人滿，要跳請去汀九/青馬。