辣招
中國人民銀行為了收緊市場流動性，抗擊通脹，上週五再度提高銀行存款準備金率0.5%，呢次係中國九天以來的第二次調高準備金率，令全球商品市場受影響而下跌。美股上周五受壓，杜指早段最多跌過62點，不過，隨著歐洲銀行債務危機有所緩和、通用汽車股價反彈，以及期權到期要補倉等因素，美股逐步回升。最後反敗為勝，小幅高收完場。
三大指數都微升約0.2%，杜指升22點，報11203點；標普500指數升3點，重上1200點；納指漲4點，造2518點。杜指期貨最新報11232，比現貨高水29點。總結全周，三大指數基本持平。
港股美國預託證券偏軟，ADR港比指數收報23515點，比香港收市低90點或0.4%。匯控收81.68元，比香港低1.4%，中移動收78.2元，比香港高0.3%。
愛爾蘭債務危機趨向緩和，首相Brian Cowen上週五話，歐洲國家向該國提供救援計劃可能性談判會議「進展良好」，為美股提供了反彈動力。歐盟、歐洲央行以及國際貨幣基金組織官員們正在都柏林評估愛爾蘭的金融及其銀行體系，考慮是否啟動《歐盟金融穩定計劃》，呢個計劃包括向歐盟國家提供融資以助其償還債務的4400億歐元緊急貸款項目。Brian Cowen稱，愛爾蘭政府將在未來4年內節約150億歐元預算。
不過好多分析家對愛爾蘭政府能夠解決該國的財務問題有啲保留，主要問題在於愛爾蘭銀行胡亂投機，尤其在地產方面，跟美國的銀行一樣，搞到一團糟，債務可能去到幾千億歐元，只要睇睇愛爾蘭第二大銀行Allied Irish Banks的存款額今年勁減了一成七，就知道問題的嚴重性。銀行財務唔掂，無錢還債，客戶怕銀行唔拈掂亦唔敢存錢入去，只好由愛爾蘭政府、即係納稅人幫銀行還還債。
中國方面，人行上週五晚宣佈再次上調存款類金融機構人民幣存款准備金率0.5個百分點，這是今年以來第五次全面提高存款准備金率，最近一次係本月16日。上調之後，一些大型金融機構的准備金率已經高達18.5%至19%的歷史高位(即係收100元存款要先扣起18.5元至19元先可以再借出街)。央行指出，此次上調意在加強流動性管理，適度調控貨幣信貸投放。
另外，為咗加大遏止物價上升得過急的力度，中國國務院在翌日宣佈，將採取16項穩定市場價格措施其中包括:大力發展農業生產、穩定農副產品供應、降低農副產品流通成本、保障化肥生產供應、做好煤電油氣運協調工作、發放價格臨時補貼、積極穩妥推進價格改革、加強農產品期貨和電子交易市場監管等。要留意相關行業的影響，有些可能因為成本受控而受惠，有些可能成本上漲但產品無得加價而中重招，有啲則是一好一壞對消咗。
網友 Yuki問起我近日言論轉趨審慎，是否改變早前提過跌穿24000點可以慢慢吸的看法。Yuki的問題問得好，可以詳細答。
簡單答案是我對大市基本走勢仍然樂觀的看法未變，但中港打壓 炒風的力度好大，亦積極留意要唔要變。大市的利好因素是美國進行第二輪的量化寛鬆，令資金供應增加，會流入包括香港在內的亞洲市場，外資大行睇住資金流入，所以睇好香港股市，這是熱的因素。中國和香港政府面對熱錢湧入，作出回應，這是冷的因素，兩地出招降溫本是預期之中，但也有少少意料之外的地方，首先是中國回應的速度比想像中快，中國要加存款預備金和加息去控制熱錢事前都估得到，但佢回應的速度咁快，9日內兩度加存款準備金，行動速度超預期，亦有少少估佢唔到，不過這也只是小事，比較大問題反而係港府打擊炒樓的措施，其手段之辣超乎想像，正如我在日報專欄分析，呢啲措施會將大部份短炒客打沉哂，樓市會靜一排，跟住要睇自用客的購買力接唔接得上，接得上樓市可以在跌後企穩甚至緩升，萬一購買力接唔上，樓市有較大回調的風險，這亦構成港股的一個不穩定因素。
可能有人會認為政府打擊炒樓的措施有漏洞，例如用海外公司揸樓轉讓就可以避過交驚人的短期交易印花稅。我覺得無咁簡單，利用海外公司交易都唔係咁易避到稅。首先從成交層面看，有賣家用公司持有物業6個月內轉讓，叫買家買公司股權，買家雖可節省4.25%的買入印花稅(以大額豪宅計)，但入貨後卻要冒上風險，萬一俾稅局查到，不但要補回自己的4.25%，若賣方交不出15%額外印花稅，自己要背埋呢條數，因為新政策規定交額外印花稅是買賣雙方的共同責任，賣方交唔出，買方就要交，一般而言，買方就唔應該去冒可能要交多15%稅的風險，點計都博唔過。所以即使賣方想連公司一齊賣，都唔係咁易搵到人接。
你可以拗賣公司唔等如賣樓。稅局見你間公司無乜其他資產或生意，主要持有物業，就可以認定你只是一個避稅、甚至是有意逃稅的安排，照收印花稅，仲隨時要罰雙倍稅金(即係30%!)稅局一有懷疑，可以先俾張稅單你，要你交咗稅交埋罰款先，你想拗交完稅先至慢慢拗。你又可能會話，買賣雙方靜靜雞交易持有物業公司股權，政府點會知? 我估第一如果賣買雙方有用經紀，就好難保密，稅局可以叫地產經紀交哂所有代理成交紀錄，一見賣方係公司，就去查，唔係咁難查得到。第二如果新買家要將物業按揭，稅局亦可以查銀行紀錄，每單用公司名義為物業借錢的借貸都去查一查，都唔係咁易走脫。第三，有二五仔督爆，好多公務員或大學職員騙房屋津貼的案件，都是被同事、死對頭或前夫前妻督出來。
所以不能假設政府打擊炒樓的新例無效，我倒頭來假設它相當有效，打到個樓市呆咗，而外資大行睇好香港股市，事前無估計特區政府用咁辣招數打擊樓市，見完政府咁出手之後，到底會繼續睇好，還是慢慢散貨，要小心留意。本來睇恒指現價，從高位回咗1400點，作為牛市的調整都差唔多，但突然中港又出招，要睇睇佢呢一浪個底去到幾深，然後睇調整完再向上時，下一浪再上可否則升穿25000點高位，若再調整不深，向上又可穿25000點，保持到一浪高於一浪的格局，可維持睇好，若向下調整較深，向上反彈又唔係好夠力升唔上高位，就要小心大市是否回番去一個上落市的型態。
恒指已回落不少，又吸引番啲，本來我都預呢一浪調整差唔多，仍認為可趁回落慢慢買吓無妨，舉個例隻建行(939)，高位回吐了12%，現價7.23元，拉開少少價位分段吸吓，買齊後就算衰咗，回番到6個幾都應該企得定，未至於太入肉。關鍵反而係買完之後，個市彈番之時，就真係要睇吓有無力再上，無力彈完有肉食就要走人，未必要做死硬派一定長揸架。
陸羽仁
spade ace: 陸sir可能睇唔倒你個問題, 你聽日可以早少少試下再問. 其實我曾經都有依個擔憂, 不過諗諗下又覺得暫時應該無事. 第一, 中航通飛只係話"或"會ipo上市. 當然同之前一般講話中航工業唔會攪ipo既講法有出入. 不過我覺得佢好可能係控制預期, 唔想洪都事件再發生, 等o的人唔好依家就炒起晒佢地o的a股公司. 第二呢, 中航通飛只係中航工業屬下其中一間公司, 就算佢真係自己ipo, 重有其他公司可以注入中航科工, 例如中航飛機公司的西飛國際啦, 或中航直昇機公司將其他直昇機資產注入哈飛咁啦...
陸羽仁覆網友
Louis888:9.4元買咗中國遠洋，現價8.88元，若一成止蝕仲可以守吓。大市調整緊，中遠洋早輪升得唔係好顛，所以調整未算太烈，但要換馬小心換入一些早前升得顛的股份，仲衰，建議一動不如一靜。
Torreskk:你有國壽想換入行得較快的太保，呢個想法本來無乜大問題，但太保升得多過國壽，若大市調整未完，要插可能會插得深啲，所以適宜等大市急跌或太保跌得較多的日子才去換。
國美早前一升，主要是兩大股東講掂數，市場睇好公司可以正經做番生意。24倍市盈率當然唔平，但內地零售股隻隻如此，國美還有少少「講掂數」的效益，但國美和對手蘇寧相比，蘇寧(在A股市場上市)明顯做得好過國美，所以以國美作為長線投資有隱憂，當然短炒吓又是另一回事，等佢回到2.8元時安全一啲(現價3.05元)
Any:你問恒指回到22000點算唔算破壞了牛市走勢，即使睇5月以來的上升軌，跌到22000點仍守到這條上升軌，未算破壞牛市走勢。若你拉闊到09年3月以來的上升，就更加講唔上添。
大陸股市到2800點，都係可以開始小注吸納，要買2823到13元邊可以開始買吓，等跌深啲又再買多啲。中航科工維持中長線睇好，但佢呢隻大波動股，真係跌番落3.3元可以投機性買入喎。
投資小朋友:我估大市上到去27000點、28000點，先會進入牛市第三期(要睇升幅、升速、成交等眾多因素，以點數計只是簡化講法)。
新亨記:而家傳媒好興將各種有大小問題的人，變成苦主，然後叫政府幫吓佢，但我最後諗，同樣係一個點樣埋單的問題。人愈少靠人幫，愈會自強，傳媒正鼓吹一種依賴文化。
Sun:如果真係好似你所講，「用空殼公司炒一啲影響都無」，咁唔止300萬樓上嘅樓，100、200萬樓都無影響，因為開間空殼公司成本都只係幾千。但唔好信啲議員講嘢，以為無影響，有時我覺得大前研一那本「低IQ時代」講得好啱，議員政客(包括會計界議員)咁低IQ，真係會影響群眾判斷。我問一個好簡單的問題，如果你買樓，一間係上手持貨兩年以上用人名揸的樓，一間係用公司名持貨三個月的樓，同一個價錢同一質素，你會唔會買用公司名揸短炒的樓?(如果你話照買都要去做吓IQ測試好啲)經濟學上一切可以用價錢解決，如果間用公司名揸咗三個月的樓平咗10%，又有人開始會諗，咁你話有無影響? 千祈唔好信會計界議員話追唔到，你用公司炒樓，最後可能會俾稅局追到你甩褲。
唔睇好樓市，「尋日將地產股清倉」，係唔係好到要買番?中線睇地產股難炒過其他股，例如和黃會好過長實，當然，跌多炒反彈另計，不過中線地產股會跑輸其他股份。
Muse:升得多跌得深，勝獅等跌深啲加注可以，有無機見吓1.6元樓下?
吾識炒:買中行認股權睇你原本想認股還是短炒，想認股可以繼續，短炒到位止蝕唔使諗。
直升機中長線睇佢，但佢可以跌得幾深，又係那一句，短炒貨多睇位止蝕，貨少合埋眼當跌咗唔睇佢都得。
Hero:你講得啱，恒安價貴，但賣衛生巾照計唔會俾人限價，雨潤平啲，但豬肉價一升，阿爺又會出力控，短線都係恒安好少少，但記住38倍PE的東西，好難睇長線。
陸sir,
今日留意到中航科工之前嘅一般新聞...如果中航通飛搞獨立上市, 咁會唔會影響中航科工嘅注資概念? 我記得陸sir之前你講中航科工個阿媽會逐步幫中航科工注入航空資產, 如果中航通飛上市咪變左無野注俾中航科工?
謝謝
SpadeAce
中航科工母公司中航工業表示，本年經濟規模或達到2000億。
根據剛出台之《關於深化我國低空空域管理改革的意見》，內地將逐步開放1000米以下的空域，通用飛機市場發展空間巨大。集團並於近期併購美國EPIC輕型全複合材料高端公務機。
中航通飛公司總經理孟祥凱表示，目前全球共有32萬架通用飛機，美國佔其中75%，內地僅有900架，預測未來數十年內地通用飛機保有量將上升至5-10萬架，每年潛在市場規模超過5000架。有專家指，此舉將帶動數千億市場規模。
中航通飛由中航工業、廣東粵財投資、廣東恆健投資及珠海格力航空投資公司共同投資設立，控股中航重機、貴航股份、中航三鑫及中航電測四家A股上市公司。公司計劃於2017年實現年銷售收入1000億元，2025年通用飛機交付量佔全球三分之一。
孟祥凱表示，通飛旗下四家上市公司中，並非某家為其整體上市平台，通飛或單獨IPO。
買樓後兩年內甚至半年內賣出, 根本就不配稱做"用家"或"長線投資者", 政府的樓市"辣椒"最多只會令極少數突然週轉不靈的用家及長線投資者「陪葬」, 對絕大部份用家及長線投資者只有得益(買入時不會被瘋狂反價)。所以陸振球講嘢精神錯亂, 這可能是某些人被觸動其個人利益的常見病症。
早晨，
唔睇陸sir blog，真係唔識政府今次咁重手。
陸振球：「有地產界人士形容，今回是他數十年來所見最激烈的打壓樓市措施，筆者則認為，這是香港政府歷年最「粗暴」的干預樓市行動，或可令炒家收斂，卻更容易令用家和長線投資者「陪葬」。」
美聯#1200昨跌 -17%。
陸Sir,
我最初一聽政府的樓市"辣椒", 諗法都同你一樣---冇得再炒. 但諗深一層又唔係咁講, 只係冇得再用個人名義去炒, 用空殼公司炒一啲影響都無, 咁即係話可能影響到300萬樓下嘅樓(因為未必值得為此而開空殼公司), 300萬樓上嘅樓影響是有的, 但比想像中小得多, 最後可以隻"辣椒"都唔係好辣, 難怪昨日地產股插咁少, 睇嚟我尋日將地產股清倉有啲唔啱, 要睇位補番, 陸sir以為如何?
fly
所以我成日覺得這個世界上很多人是扶不起的阿斗。一個人就算賺不多，也要捱得起。如果賺不多又捱不起，等其他納稅人來幫?
陸sir
手上持有1.73的勝獅，想加注但又覺跌的不深。如要加注，是否應找跌的深的如中建材，建行等?
陸sir你好
我$1.6買入咗20,000股中行認股權2946, 請問而家市況下應該沽出止蝕定係參與供股? 如果供股, 是否額外需用$2.74 x 20,000= $54,800行使股權, 如此計成本為每股東$4.34, 此價是否可守? 好似中行有3%息
另於$4買入少量直昇機, 後市策略應如何呢
多謝指教
(陸sir唔好意思, 我重貼一次, 請指教)
陸sir :
我想問你對 1068 同 1044 的睇法係點 ? 邊一隻會好d
1068 怕中央限價但佢 pe 又冇 1044 咁高...
但如果以增長計邊一隻會較好 ? 或者仲有冇邊一個行業的內需會比較好 ?
thx
噢~ 同阿媽住唐樓, 月入皮幾, 咁似朋友b既??? 唔知鍾生比幾多家用, 洗唔洗同阿媽供樓? 如果兩個人一齊儲, 咁多年都係得廿皮, 無樓亦好正常亦好合邏輯的~
???????????
陸SIR,
本人持有三手中國人壽平均$35是長線投資的. 但它近 一年來都只有”波幅”冇”升幅”! 我想放一手”中國人壽”轉入一手”中國太保”也作長線投資, 因”太保”好像強勢過”人壽” . 請問陸SIR持”太保”作長線投資OK嗎? 我換馬只是”保險”轉”保險”是否適當?
別外我想買”國美電器493”, 但它現價是24倍PE!! 不算平呢. 但之前的大行報告表示它前景很好. 都不知是大行是唱好出貨定是真的有前景? 本人不也不懂計它來年業績是否可以支持現時的高pe. 本人心態只是想買它走一段(半年至一年)的. 是否待它落到20倍PE以下才入好一點呢?
請陸sir指教!
謝謝
If we have common sense ... we can easily judge and filter out the huge amount of information encountered ... and extract the useful ones for benefits ...
Animal666兄，
我最失望既係連"日月報"都開始"生果化"、"方向化"、"恒星化"......
連一d唔合理既報導都寫得出o黎見人
一草一木 ...
Just like reading story la ...
HK media especially newspaper ...
Believe it or not ... does not matter ...
陸Sir:
如恆指回到22000點會唔會破坏牛市二其走勢,
手上持有3分1招行,3分1中航科工,3分1現金($80沽西#941),
買乜好,(之前回覆話$13邊買#2823),依家好多股到跌唔少,如#939,資源股
策略有畝變
"35歲的鍾先生，現居於母親的深水埗唐樓單位，高樓價橫行時，已有心理準備終生不能成婚，「與女朋友拍拖多年，兩人收入共2萬5。小市民好慘，為了儲首 期，我連早餐也戒掉！」他說，扣除生活開支，所餘無幾，每年勉強存3萬元，8年後，紅簿仔終於儲夠20多萬，去年才敢鼓起勇氣求婚。"
小民在想,無論是兩人一起儲還是一人儲,每年勉強存3萬元都屬於大使一族吧!還住在家中,希望這位是仁兄不是亨兄吧.
港股昨日遇上雙鬼拍門的壓力，內地再加銀行存款準備金率0.5%，再加港府突施重拳打擊樓市炒風，不過港股在上周五美國市無大沽壓，昨日在香港都頂得吓，恒指最終收報23524點，跌82點成交大幅收縮至只有797億元。恒指跌到50天線23600點附近，似乎又見到一些買盤支持。
美聯爆小股災
財爺曾俊華仲驚樓市炒家唔死，話「將會密切監察市場，在有需要時，再次推出適當的措施。」
咁加印花稅，樓市完全無得短炒，陸羽仁和政府高層打牙骹，佢話原本無諗住出咁辣的招數，但怕出完招又無用，所以最後選咗特辣方案，先刺破樓市泡沫，以免最後升到癲先至爆死得人多。至於點睇樓價，高層話樓價難測，好多人未係好明新招的辣度，要慢慢消化吓，大路啲估計，樓價初時會呆一呆，過一段應該會跌，跌番10%上下，然後打橫行，照計好難再大力炒番上。
熟悉樓市的人開始唔係怕政府啲辣椒唔夠辣，而係怕佢辣過頭，將來遇上資金流向逆轉時，搞到樓價大插。政府高層昨日早上都𥄫住個市，怕會觸發太大反應，但睇落又OK喎，只係地產股插，整體個市無乜恐慌大跌，政府高層話咁都算左右逢源囉，算做交到功課啦。
昨日跌得急啲的是地產股，恒生地產股指數跌至近兩個月低位，信和置業（083）
勁挫5.4%，係跌幅最大的藍籌地產股，物業代理美聯集團（1200） 
首當其衝，昨日大跌1.37元，收6.49元，重挫逾17%，一日就唔見咗成10億市值。
好硬淨，無升跌。市場普遍預期人行在年底前會再加息，利息上升對內銀股有利，佢哋近排跌咗好多，昨日再插，就吸引咗的長線盤出來趁低吸撈吓底喎。
建行有撈底盤
中環茶友話，從美聯的股東的角度，一隻股一日跌17%，等如遇上一場小股災，身家突然縮水，即使事前定咗10%止蝕都執行唔到。不過話番轉頭，早前曾特首出席G20會議和財爺曾俊華出席亞太經合組織會議時，都講到明會對樓市出招，不過大家唔信政府出手會有料到啫，否則美聯股東沽咗貨行開吓，應可避過一劫。
茶友話，代理股衰過發展股，因為無咗炒家，樓價未必跌好多，過一排發展商慢慢開番盤，只要叫價唔好太狼，都可以去到吓貨。代理主要唔係食樓價，係食成交數量，成交愈多佢哋密食當爆棚，但政府措施打死晒啲炒家，一二手成交量都會萎縮，代理就做少好多生意。今年已過了一大半，中原地產預測，11月份本地的樓宇買賣宗數將會創下36個月以來次高，但在新措施拖累下，12月的成交宗數或將下跌15%。咁睇新措施對美聯今年業績影響不大，即使佢做唔到去年的6.9億純利，都唔會差太遠，但明年就真係凍過雪水，有排捱。所以美聯插完即使反彈，摸埋去都無運行。
內地通脹嚴重，人行上周五晚調高存款準備金0.5%，進一步收緊銀根，令內銀的存款準備金率去到接近19%的歷史新高。中資銀行股普遍偏軟，但係建行（939）
陸羽仁
美元因咩事爆seed?
Jonny exactly is a 250, nikename "er wu". (ask your nanjing friend what is the meaning of 250)
海嘯達人 ...
Exactly ... I have no interest to comment Johnny anymore ... does not make any sense ...
Sigh ...
庄妮真係一嗰廢膠 ! 齊集荷蘭兩大名物 , 其一是Holland jean，另一則是Holland bank cheque .
認眞 on nine ~~~
小兵卒：有無short call阿里巴巴？
Johnny ... i always go macau to save the girls as well ...
伯仁 噢!
大師,
【明報專訊】現年26歲的尼泊爾少女吉特（Geeta）從9歲開始淪為性奴，每日要化妝打扮、一日最多要接60個客人，經常要捱至凌晨2時才能去睡覺。...
【明報專訊】由美國有線新聞網絡主辦的「CNN年度英雄」全球網民票選，經8周投票後，周末公布結果，由61歲尼泊爾婦人科伊勒拉獲得殊榮。17年來，她率領組織「Maiti Nepal」共解救幫助了超過1.2...
http://www.youtube.com/watch?v=Syi_Pl1j4W4&NR=1
窗透初曉 日照西橋 雲自搖
想你當年荷風微擺的衣角
木雕流金 歲月漣漪
七年前封筆
因為我今生揮毫只為你
雨打濕了眼眶 年年倚井盼歸堂
最怕不覺淚已拆兩行
我在人間彷徨 尋不到你的天堂
東瓶西鏡放 恨不能遺忘
又是清明雨上 折菊寄到你身旁
把你最愛的歌來輕輕唱
遠方有琴 愀然空靈 聲聲催天雨
涓涓心事說給自己聽
月影憧憧 煙火幾重 燭花紅
紅塵舊夢 夢斷都成空
雨打濕了眼眶 年年倚井盼歸堂
最怕不覺淚已拆兩行
我在人間彷徨 尋不到你的天堂
東瓶西鏡放 恨不能遺忘
又是清明雨上 折菊寄到你身旁
把你最愛的歌來輕輕唱
我在人間彷徨 尋不到你的天堂
東瓶西鏡放 恨不能遺忘
又是清明雨上 折菊寄到你身旁
把你最愛的歌來輕輕唱
A兄/ 牆兄: 其實今日唔止長實, 恆指都跌得比想像少好多, 真係唔知大戶攪咩??唔通壞消息盡出, 即係好消息
我就做旁觀者, 不沽不買不轉馬, 睇定D先....
收工吃飯啦, 今日做到扒街, 各位晚安啦
Actually ... please let the AMERICANS to win the currency wars ...
Sometimes ... i think even with money ... but no life to enjoy la ...
Grandpa ... please do not fight too serious with US ... you are still not the same-grade with US ...
Sigh ...
美匯似乎已經完成一浪拉回 , 亦已測試上一浪頂 , 會否開始新升浪呢 ?
Dear Blogmates ...
I think the American dogs will not let us especially the Chinese to have better living than them ...
So if they cannot win the currency war ...
It is 100% to see bloods in next war ...
Auramancer (友仁) ...
I hope i am wrong ...
I still have ORSO HK stocks & HK property in my portfolio ...
Sigh ...
loss,
應由星期五早上起計, 收到料財曾開記招己開始沽啦, 長實由 124 跌到 116, -8%, 都係小 .... 但好難講
其實信報上星期一/二己經估到, 當時是 130, 醒目些沽左都幾好.
covered call 是 有貨做 short call, 預一個價俾貨人.
大虎向各位請教
甚麼是期權Covered Call?
Much thanks.
Auramancer (友仁) ...
If today is big ｄ ｒｏｐ ...
I do believe the market is still bull ...
But it make me quite disappointed ...
Cos the big guys do not make use this chance to shake the market in order to buy cheap stocks ...
Instead i suspect they support the HSI to reduce their long positions ...
Sigh ...
【明報專訊】《內地與香港關於建立更緊密經貿關係的安排》補充協議七（簡稱CEPA 7）於今年5月簽訂，多個新行業允許港人於內地獨資經營，其中包括「漫畫圖書、動漫電子遊戲租賃服務」。雖然內地近年積極推動動漫產業，但於深圳 開設女僕餐廳「Cosplay Cafe」，提供漫畫免費任睇的負責人鍾智杰（Gary）卻認為，內地動漫文化未成熟，現在還不是大展拳腳的時候。
Gary原本是香港一間漫畫出版社的編輯，兩年前，他在東門開了一間日本 十分盛行的「女僕餐廳」，除了侍應均身穿女僕制服外，餐廳內大量提供免費閱讀的漫畫亦是特色所在。這些漫畫是Gary的私人珍藏，種類繁多，不乏日本流行著作，而且期數緊貼最新香港出版時間。
東門開店 提供漫畫任睇
Gary說，之所以選擇在深圳創業，一來是成本低，二來因為自己喜歡漫畫。「還好每個月都有幾萬元純利。」據Gary透露，餐廳投資約100萬元，兩年下來，「也近乎回本了」。
不過Gary認為內地動漫風氣仍未盛行，對於CEPA 7開放動漫租賃行業，Gary更直言未到大展拳腳時候，「香港的漫畫文化早於70年代已開始，而內地只是剛剛起步，論年齡層只有80後的市場，不像香港，30、40歲的人也看漫畫，所以內地市場其實未夠大」。
巿場不大 網上盜載猖狂
除客源問題外，Gary直言網上盜載更是內地漫畫租賃業難做的主因：「假設租漫畫一本一元幾毫，但網吧上網才幾元，已經可以看很多本漫畫；就算不是租書，改以按時計算的形式任睇，人家網吧卻還提供網上遊戲，所以內地開漫畫舖近乎無競爭力，毛利也太低，很難經營。」
此外，現時內地代理的正版漫畫種類與數量太少，也扼殺了動漫租賃業的生存空間。「打開門做生意，你敢賣盜版嗎？」Gary說，以其經驗看，內地漫畫租賃市場現時既缺貨源，又欠客源，還要面對盜版問題，大展拳腳，想都別想。
開拓客源 豐富餐飲款式
Gary直言，這些問題早於他開店時已經考慮過：「剛開業時便想到，如果以漫畫作經營重點，只能吸引港人和內地年輕人，但現在我以餐飲為重，漫畫為次，那就算不喜歡看漫畫的人也可以來進餐，客源便廣泛了。」因此，不像正統女僕餐廳僅有飲品與甜點小吃，Cosplay Cafe還有套餐、下午茶等餐飲供應，而現時餐廳的客人比例是三成港人，七成內地人，當中不少客人並非為漫畫而來。
這種以女僕為主題的餐廳，當時在深圳是首間。Gary笑言純粹是服裝上的噱頭：「若完全仿傚日本那種女僕計時收費陪客的模式，恐怕會被誤會是什麼不道德場所了。」
明報記者 陳子凌 深圳報道
我仲以為政府出重拳可打低長實10%, 結果只是得3.23%.....
我估錯了
照計這影響是對房地產前景有著重大影響, 無咩理由得3.23%咁少, 我估計剩餘既6.77%會係本周後期反映.....(純粹段估, 不可盡信)
Monica,我是做Trading的，在上海開了公司。我覺得以後上海不止是中國的金融中心，而是全世界的金融中心，以後可能只有倫敦，紐約可以和上海比較。
我已經將香港的資產一步步的移去上海了，以免受人民幣升值之苦。
以後我也可能只買A股的招行，國壽等。（A股比較H股便宜很多）
自從清晒o的短倉後, 動物兄好似有o的唔同左.
「阿爺」啄實內銀、內房、高耗能產業，一有勢就鞭，鞭鞭七注，自問有金鐘罩、鐵布衫般的「硬食力」，才好硬拼！
中國財政部第二度來港發債，規模為80億元人民幣，其中供散戶認購的兩年期國債，總額30億元，其餘50億元向機構投資者發行，分別為3年期、5年期和 10年期。
單車公路賽，照計應該同組要有隊友幫手先至踩得掂
在雅典奧運，有個袋鼠妹係大熱門，其他國家個個mark實佢；到後半段佢打個眼式俾冷門隊友，叫佢一人拋上，結果個個以為佢放蛇，只係有另一個車手跟，佢就特登繼續俾人mark嚟拖慢其他人，自己無份攞牌，但係成個組隊嚟計，隊友幫國家攞金牌機會大增 (只係要同個肯搏跟上來嘅一個女仔隻抽)
但無論如何，阿寶呢個年紀攞金牌，又真係好嘢
「阿爺」啄實內銀、內房、高耗能產業，一有勢就鞭，鞭鞭七注，自問有金鐘罩、鐵布衫般的「硬食力」，才好硬拼！
貓主席:come on! baby!
ipo回錢, 剛剛好儲夠一手直升機, 又爆倉, 繼續坐, 投資悶到生菇
阿寶說：「很多隊伍都以港隊為假想敵，各隊都有人負責mark我，我一個人要對十幾個國家隊。在這樣的情況下，大熱門是很易失誤的，我能夠勝出，實在很開心。」
勁!
港元剛有大手買賣
可能金管局出手 ?? 熱錢未散.