6個月bb勁喊,唔知點好

其實仲有大概20日, bb姪女先六個月~

bb好似已經變左港童, 係要人同佢玩, 仲係要拋到好高, 搖到好勁先high~

佢媽媽先做到, 因為我地都唔敢咁做。

而且可能有d危險。

況且, 如果bb好似我咁, 玩咩都三分鐘熱度,

再搖都未必有用。

前排佢病左, 成日食藥水, 超過1個月呀~

依家佢好返少少, 唔食藥水精神返, 唔發呆,

又變返喊包包,

個個都整唔停佢d喊聲,

我覺得佢可能有d野嚮片度,

但咁貴, 成日換咪好多錢冇左?

我呀媽話佢呀媽成日都等成塊片都有野先換,

bb一定會唔舒服,

但唔同每分鐘都要佢勁舒服?

唔理佢一陣, 係想佢明白我地冇可能每秒都嚮身邊~

我今日抱左佢半個鐘,

有坐梳化度, 又抱住佢行, 又抱高又抱低, 輕輕咁搖,

初時好見效, 但佢可能悶呀~

而且佢爸媽今日都唔返黎,

我同呀媽同二哥都冇晒符囉...

我忽然覺得我爸爸雖然囉唆,

但咁多年來, 咁多bb經佢手都會開心, 會停止喊,

可能因為佢龍貓既身型,

同埋磁性既聲音...

而見bb咁樣, 我覺得我呀媽真係好勁,

以前3個小朋友都係佢同婆婆努力照顧,

依家呀媽仍然好照顧我地,

仲要照顧埋bb,

所以我忍唔住幫佢洗碗。

話唔定我可以做既都只係呢樣~

其他有關bb既事, 我唔知點幫好呀... 有冇建議呀?