玩b樂
2010/12/28 13:43:23 網誌分類: 姪女是個2010年bb
bb當然好好玩, 但俾佢玩時, 就唔係咁好玩la。
雖然會俾佢玩到, 但見佢每日識多左野, 好似依家識食野咁, 係開心架!
呀媽烚左隻蛋俾bb姪女食, 因為佢識食蛋黃~
之前bb食野唔識咬, 放入去又跌返出黎;
有次佢梗左d粟米, 又咳又嘔......
不過佢就快6個月la, 6個月之前佢學識食野,
個蛋黃唔係咁熟, 呀嫂話唔緊要, 於是bb食完即時bu、bu......
有事情要發生啦。因為, 空氣中有股氣味,
好似某廣告咁講: bb有便便la!
使唔使share出去呢... 我依家算唔算share緊出去呢......
呀媽好叻架, 放返bb塊尿片落個"痰罐"度,
佢便便之後 (依家bb要便便, 多數都等得到嚮"痰罐"上面先出)成塊片拎走,
唔使洗個"痰罐"lu。
尋日呀媽唔知係唔記得定係費時放塊片片落去,
bb整左d便便, 我就問la: 「咁咪好難洗囉, 點洗?」
呀媽話: 「用"痰罐"掃嘛, 唔通用手?」
「咁"痰罐"掃用咩洗架?」
「用水囉......」
係咪真係乾淨架? 定係我思想唔夠乾淨呢? 因為便便都係人體排出黎架即嘛, 便便由食物而黎, 應該唔會太唔乾淨架可... 我係話- bb既便便。
回應 (0)
我要發表