今明兩日

2011/01/06 22:11:06 網誌分類: 意粉家務記事
06 Jan

其實前日開始執屋, 已經執左自己間房所有一袋二袋筆記呀功課呀書呀試卷咁野, 呀媽拎d紙去賣都應該過100蚊~之前都有執d書櫃, 所以呀媽定期有多左收入 (不過佢拎出去時幾辛苦下......)

間房大左, 櫃頂空位又多左, 父母行入去曬衫都舒服好多, 我揀衫着更好~ 不過呢幾日都係冇出去喎, 所以唔使揀衫 =口=" 護膚品有固定位置擺放, 又唔受太陽曬, 真係好。 (間房西斜)

其實我都係鐘意光猛既地方, 所以呢間房我越黎越鐘意。間屋, 都係~

執埋書枱, 仲有大家一齊用既鞋櫃同鞋櫃頂啦, 所有放鞋既空間 (除左梳化底之外)......清左好多錄影帶, 因為網絡時代早就開始啦。

最搞笑係我呀媽話呢, 間屋整齊左, 呀爸即時有大客搵佢睇掌喎~~

飯枱呢, 本來有一半放滿野, 包括飲品同少量零食, 仲有文具; 依家只有1/4放左野, 唔食飯時可以收埋一邊 (木既, 兩邊都可以收埋果d長方形枱), 自己睇住youtube有足夠空間做運動, 爸爸都可以睇下d功夫碟, 呀媽掃地又方便; 食飯時, 可以放埋煲湯上去, 飯枱大左, 第日又可以整沙律同整蛋糕 (用電飯煲)~ 最大既得益係, 今晚3個人食飯都好好餸, 因為放得晒咁多碟餸呀! 正呀!

聽晚要返學, 反正都要出去呢, 可以去上水先申請返繳費靈 (又可以睇埋梳化牀, 我實在唔想再每日爬上去先有得睡覺, 而因為社會經濟問題, 我冇咁快可以脫離父母管治~ 或者反過來, 覺得新界雖然遠離市區成日要搭車, 但d樓闊落d又光猛d, 屋企大把棉被, 我一個人有3張呀, 真係幸福又溫暖), 再去大埔交電話費, 跟住考慮下會唔會嚮大埔果邊還書, 之後先去大角咀呀 =.=

聽聞聽日好凍, 大家都快d搵多d禦寒既野出黎, 好似冷帽、gloves(「手x」個中文好難打), 小朋友可以戴耳罩呀! 因為我細個時冬天出街就耳仔痛, 話唔定因為矮矮細細呢, d風吹入去凍d又痛d~

 

 

回應 (0)
我要發表
user

最新回應

ivina
ivina 2021/12/09

{#iconb_69}

ivina
ivina 2021/12/09

英文版UPLOAD緊

wongi
wongi 2021/11/06

送上星星。姜B魅力很厲害,他的影迷在金鐘的麥當奴排隊,在mirror 樂隊前拍照啊!場面熱鬧啊!

淺雪
淺雪 2021/10/30

你都幾多想像力..不個鍾意一個人或一首歌..係冇理由可言..