米米腳頭好
2011/01/28 08:45:29 網誌分類: 生活
過年時節,臨時想找人修理都難,廁所沖水掣壞了好久,師傅說工作太多,要等一等。 在街上偶遇另一個水喉師傅,原來他有工程在附近,立即想起上次他見到米米,鐵漢子被溶化掉的滑稽場面。這次再見他,他劈頭不是問候我,而是說:「隻肥仔好嗎?」我冒昧提出︰「其實我家廁所沖水掣壞了,但沒有師傅得閒……」他眼珠一轉,說:「好簡單,立即幫你睇。」他打電話給同事說他遲些到,二話不說跟我上樓。 「肥仔幾好嗎?仲係咁八卦?」師傅連珠炮發問了好多米米近況。「你其實是想探牠吧?」我問,師傅隨即大笑,「哈哈哈,被你識穿咗。」 米米果然人見人愛,車見車載,只見牠落力在師傅面前左右揩擦,探頭探腦,逗得師傅笑逐顏開,困擾我好久的沖水掣,師傅十分鐘就搞掂了,還跟米米多玩了一陣,才趕去下一個Job。 米米絕對是我的幸運之神,鍾意貓的人,真是易話為好多。 關慧玲 |
祝關小姐 , 各位貓友及愛貓來年身體健康 , 事事順境 !
關小姐﹐因週六出外時還是有點風﹐怕冷到貓豬﹐所以著了兩件衫﹐先會好似公仔般。不過我們在商場拍照時﹐好多人覺得佢好得意﹐都搵佢影相﹐不其然佢自己又企定定任人影呢。
JOE,
哈哈,貓豬好似公仔丫。
祝人和貓新年快樂,事事順境。
好耐無同大家見面口勒﹐兔年就快到了﹐我和貓豬在這裡同大家拜過早年先﹗
祝願各位 “想口個樣得口個樣﹐人貓健康﹐兔(貓)年旺相﹐貓貓生威﹐恭喜﹑恭喜!”
米米真係醒目仔!
pak ma,
哈哈,係丫,全靠佢咋。不枉我咁鍚佢,嘻嘻。
米米的確係夠醒,
關小姐,,,,我好有同感,,,,,,,,,,,,因我家的小白也是可愛仔仔,,,,我也是佔了牠的光,,,,,,,,認識了一對愛貓夫婦,,他們很好人的,,,,,,,我去旅行的時間,,,非常樂意幫我照顧小白&小寶,,,又好錫佢地,,,,,,,,,,常叫我去多D旅行,,,,,
所以,養貓的人真有福氣 愛錫貓的人,就更有福氣啦
米米是招福貓~