真係頭條笑話——死蠢 2007/04/26 00:00:00 網誌分類: 寫作 26 Apr 大力回家途中,遇上持刀賊人排骨打劫,大力立即反抗,兩人經過一輪糾纏,賊人排骨終於把刀脅持大力,並成功制服了他,排骨一手伸入大力的衫袋,發現裏面只得兩蚊。 排骨怒火中燒問﹕「你就係為咗呢兩蚊,連命仔都唔要呀﹖」 大力反駁﹕「你估我真係死蠢呀﹗頭先我以為你搶我件衫暗格裏面果五千蚊咋﹗」 排骨﹕「#※#@」 (感謝《頭條日報》讀者Rose提供笑話,將送上《真係笑話Happy Togeter》致謝,如果你也有笑話,歡迎電郵﹕tailik@tailik.com或傳真﹕23757566) 李力持 回應 (36) 我要發表 真係頭條笑話 2007/04/26 20:10:43 回覆 答牛腩仔:貢你咪訓醒再答羅! 2007/04/26 20:10:43 回覆 牛腩仔問:成日串我 訓啦!!! 可唔可以我應該點回應 (我唔明佢呢句點解) 真係頭條笑話 2007/04/26 20:05:50 回覆 答沙皮:係咪特警新人類,唔記得啦! 2007/04/26 20:05:50 回覆 沙皮問:記唔記得自己邊套戲講過 "我以前都有個花名 叫薑啤 ..哈哈哈 唔知你薑d呀 還是我薑d"你口刁住支牙籤既 真係頭條笑話 2007/04/26 17:08:48 回覆 答小力:書展見啦! 2007/04/26 17:08:48 回覆 小力問:我覺得幾好睇,我好期待下一集!! 真係頭條笑話 2007/04/26 16:50:20 回覆 答毛主席:我去親講Talk都當揀督笑黎做,林狗有商台撐,慢慢黎啦! 2007/04/26 16:50:20 回覆 毛主席問:有冇諗住學林狗咁整個gag show,一齊開開心心笑番晚?? 真係頭條笑話 2007/04/26 16:38:30 回覆 答謝0達:我好玩得架,多D上黎,或者逢二、六去軟硬體找我啦! 2007/04/26 16:38:30 回覆 謝0達問:得閒搵下你玩得唔得呀, 我是認真的 :) 真係頭條笑話 2007/04/26 14:32:01 回覆 答rayiu:加下唔得閒理拍劇,教育培訓又無人爭,家下忙到想死,成日要講Talk!九月左右留意秀才遇兵第二輯,第二、三集有我演出,我做一個愛民如子既大貪官;-) 2007/04/26 14:32:01 回覆 rayiu問:有冇諗過拍劇?其實我幾鍾意你d gag,特別係你自己演繹個d. 我都想了解下你既新動向. 真係頭條笑話 2007/04/26 13:42:43 回覆 答打入國際市場?!:又唔好貢講,咪太主歡,脹曝大便咪幾高潮!! 2007/04/26 13:42:43 回覆 打入國際市場?!問:垃圾 真係頭條笑話 2007/04/26 13:39:12 回覆 答HKGLODEN:我同香港市民唔多熟,有人喜歡鬧,我唔喜歡!我喜歡笑! 2007/04/26 13:39:12 回覆 HKGLODEN問:你認為香港市民需要笑嗎? 真係頭條笑話 2007/04/26 12:36:23 回覆 答中田英壽:你用個假名黎吹水,你批評我批評,言論自由,互相吹水,點樣過份呀細佬! 2007/04/26 12:36:23 回覆 中田英壽問:我冇你咁叻識拍戲,就代表我唔識做觀眾? 咁唔可以有意見?我認真俾意見你,你咁樣人身攻擊我? 有冇過份D呀? ref ============= 問 : http://www.youtube.com/watch?v=556E0PFfVso 個主角講野有d唔清楚,咬字唔清整體幾好係內容有d浮誇 答 : 品評好有見地,一睇就知係果D齋吹唔做,扮哂大佬,其實細路,佩服佩服!!! ============== 真係頭條笑話 2007/04/26 12:20:34 回覆 答大力:咪玩啦! 2007/04/26 12:20:34 回覆 大力問:好嘢~~ 果然有料到呀~~ 其實我係天地出版社副社長~~ 打算出一本笑話小品, 唔知李生有冇興趣為本社出書呢, 如果你有興趣請致電98614497 張生洽, 稿費面議, 等你回電 真係頭條笑話 2007/04/26 11:09:04 回覆 答星星周:戇膠膠...OK!應承你,http://www.youtube.com/watch?v=556E0PFfVso呢個夠戇膠膠啦;-) 2007/04/26 11:09:04 回覆 星星周問:咁有d野你唔講我唔知架嘛...觀眾就係咁表面咁膚淺架啦, 只係睇你好唔好笑曝光率高唔高或者座得有幾高之嘛,最緊要你仲有野心,因為都幾side,你諗下而家真係講得出仲淨番幾多搞笑電影..我係要戇膠膠果d唔係要中機扮傻仔果d嘛....努力! 真係頭條笑話 2007/04/26 10:53:44 回覆 答曹查理:前輩早晨,咁早起身尋晚無做運動呀?? 2007/04/26 10:53:44 回覆 曹查理問:有冇睇過我電影裡面精彩演出 真係頭條笑話 2007/04/26 10:47:23 回覆 答星星周:由1984入ATV 至今天,還在傳媒娛樂圈,中左巴比龍毒葯,無自由就死,無得揀,現在練就一把口,主要income靠把口靠表演靠演講,幕前...I can handle !!!現在除左想玩導演之外,仲想玩其他好多野,凡是有關傳媒的,我都要玩要學,因為所有東西都太快,我是有方向...我是有野心的!阿星星 2007/04/26 10:47:23 回覆 星星周問:而家好局內咩你.. 真係頭條笑話 2007/04/26 10:33:12 回覆 答星星周:你D局外人,講你又唔明,政府錢唔可以呃架!!!! 2007/04/26 10:33:12 回覆 星星周問:我既不是記者,更不是落井下石之徙,我講堅關心你架! 即係咁囉! 我都覺得周*馳好抵死囉!!! btw,你會唔會打算扼番下政府果一筆電影資助費,過下導演引咁呀? 真係頭條笑話 2007/04/26 10:19:00 回覆 答星星周:去識下女仔啦,你咁關心做咩呀!! 2007/04/26 10:19:00 回覆 星星周問:自從你係少林足總杯呢套電影同周*馳鬧翻左之後,你既事業開始轉型,從一代大導要風得風要雨得雨,如今成為了在專欄或笑話中爬格仔胡口的藝術家,這種大轉變對你來說,是轉型? 還是低頭? 有人話其實冇係電影輝煌過既周力持就冇電台既周力持, 冇電台既周力持就唔會有今時今日既周力持, 你會唔會覺得如今的成就全靠兩位曾經係事業上帶你上位既好拍檔? 或者咁講,當有人用而家既周力持同當年既周力持對比,無疑會將你既成功同周*馳掛鉤,你承認以前的種種是周生所恩賜的嗎? 如今你以獨立人的生份開創新的事業,成績大家有目共睹,如果周生再俾機會你,你會希望這份期限是一萬年嗎? 親愛的讀者敬上 真係頭條笑話 2007/04/26 04:29:16 回覆 答狼狗:一個快樂的傳說My life is beautiful 2007/04/26 04:29:16 回覆 狼狗問:有邊部外國喜劇電影令你再三回味,一睇再睇? 外國喜劇演員中,你又覺得誰較出色? 真係頭條笑話 2007/04/26 04:11:26 回覆 答剝剝:剛開了一班,星期二第一堂,好好玩呀! 2007/04/26 04:11:26 回覆 剝剝問:http://www.unisoftnet.com/design_html/program/program_pdvr.htm 原來你有開班授徒架? 真係頭條笑話 2007/04/26 01:19:21 回覆 答花生:你理得我!!!?? 2007/04/26 01:19:21 回覆 花生問:點解唔繼續拍戲.....要講笑話咁o徒 ? 發表回應 會員回應 私人回應 名稱 密碼 登入並發表回應 新會員登記 取消
http://www.youtube.com/watch?v=556E0PFfVso
呢個夠戇膠膠啦;-)