內地加息!

      新年開市果然開紅盤,但低收收場, 可惜可惜,今日內地人行宣佈再加息,今年必定係加息週期年,同息口相關既股票要注意,內銀1險值得大家關注,內銀依舊係好低。 但真係講得太多,已經唔想再講,國內三大內銀股,工中建係大家既退休之選,買入去坐定定就得架啦。

      好內銀不講,講內險,當中最廢個隻莫過於中人壽,到依家都係咁沉,除了市值大,散戶多,洐生產品亦多外,其高增長概念早已不見,不過今年加息期,對於中國加息或有刺激作用,但只能說係斷估。

      中國鋁業發盈喜,終於見番業績正數,若今年業績表現好的話亦表示佢可以重回正道上升,大家可留意。

      其餘soho中國及重慶機電本質沒變,繼續持有, 另外小弟有新天綠色及泰坦能源都係持有較多,但新天綠色較弱,有可能要蝕住轉馬囉。

     總覺得華能等一堆電力股 今年係收成期,多間廠房更換設立增加產能,應可提高發電量,有機會回復增長。

     暫時年初,仲未有任何心水。